المساعد الشخصي الرقمي

مشاهدة النسخة كاملة : كلمتين لمصر



الهادي
07-11-2003, 05:36 AM
كلمتين لمصر
______________

كل عين تعشق حليوة=وإنتي حلوه ف كل عين
يا حبيبتي قلبي عاشق=واسمحي لي بكلمتين
كلمتين يا مصر يمكن=هما آخر كلمتين
حد ضامن يمشي آمن=أو مآمن يمشي فين ؟
______________
شابه يا أم الشعر ليلي=والجبين شق النهار
والعيون بحرين أماني=والخدود عسل ونار
واللوايي فى إبتسامتك=يحكوا أسرار المحار
يا للي ساكنه القصر عالي=إمتى يهنا لي المزار
كلميني يا صبيه=طال على الانتظار
______________
كلمتين يا مصر يمكن=هما آخر كلمتين
حد ضامن يمشي آمن=أو مآمن يمشي فين
______________
قصرك المسحور غيلانه=أغبي من دود الغيطان
بعد مص الغصن لاخضر=ينحتوا عضم العيدان
وإللى خلا الارض خضرا=وإللى خلا الدار أمان
عاش بجوعه ملو جوفه=مات بخوفه م الغيلان
روح الغلبان ما قالشي=عن شقا العمر إللى كان
______________
كلمتين لمصر يبقوا=هما آخر كلمتين
حد ضامن يمشي آمن=أو مآمن يمشي فين
______________
آدي كلمه من عذابي قلتها لك
باقي كلمه من حنيني صنتها لك=فى الضلوع من دنيا ظالمه
كنت خايف يلمحوها=يقتلوها ف سكه ضلمه
شقشقت والنور بشاير=زهرة الصبار يا سلمى
يا نسيم الشوق يا طاير=خد لمصر الصبح كلمه
______________
طول ما يبقي الركب ساير=بالبصاير والعنين
يبقي ضامن يمشي آمن=يبقي شايف يمشي فين


أحمد فؤاد نجم // معتقل شبين القناطر / 1973

ياسمين
10-11-2003, 09:40 PM
اهلا بك اخى الهادى فى هذه الدوحة

وشكرا لك على هذا النقل الجميل لشاعرنا الكبير احمد فؤاد نجم
المعروف بعشقه لمصر وغزله لمصر كحبيبة فاتنة
يعشقها ويرسم ملامحها بحب وجمال

شكرا لك اخى العزيز

لك تحياتى ,,, وباقة ياسمين

الهادي
11-11-2003, 05:29 AM
أشكرك أختي ياسمين على هذا الترحيب الجميل و كم أنا سعيد لوجود باقه من الياسمين البلدي المصرى ذو الرائحه العطره الذكيه ... هنا و بين تلك التشكيله الساحره من الزهور والورود من جميع الأمه العربيه فى هذه الواحة الفواحه بالحب و العلم و الثقافة...
تحياتي
:0014: