المساعد الشخصي الرقمي

مشاهدة النسخة كاملة : شوية وجع ..



أحمد فؤاد
10-11-2005, 03:32 PM
الحُزن .. الحُب .. الفَرح .. الألم .. الضياع .. التشتـّت

الغموض .. النَرجسيه .. الوَحشه .. الغُربه

الأمل .. اليأس .. الأبيض .. الأسود

الأنا




لأسباب كهذه .. أكتب


لأسباب كهذه .. أنزوي


أبتعد عن دائرة الضوء .. وسط شِتاء الوِحدة .. وأمَطار اليأس



لأسباب كهذه .. أحتوي العزله

و أتدثَّر بعباءة الحرف




لهذا .. أطالب الجموع بترك الفرح خارجاً

قبل الدخول في صومعة الحزن

لتذوق معنى الألم .. و الوجع .




و الآن .. لتصمت الأجراس .. و ليخفت الضوء

و لتُشاركوني النزف ..




أحمد

أحمد فؤاد
10-11-2005, 03:34 PM
قَلبٌ
و
جرحُ
و
ألمُ
و
قلم
=
أنا !!!

أحمد فؤاد
10-11-2005, 03:40 PM
كل يوم الحلم فينا بيتخنق


عايزين نعيش .. عايزين نطير


و جوَّانا ورد بيتحرق


الدنيا تضحك بكل لون


ونظرنا من الدمع اتسرق


وفى عز ألمنا وجرحنا


نسينا أهم شئ باقيلنا


نسينا حلم بيتخلق


فى القلب عايز بيتولد

أحمد فؤاد
10-11-2005, 03:42 PM
طول ما الشمس بتطلع كل يوم

هيكون فيه أمل

هيكون فيه حياه

هيكون فيه حب

هيكون فيه عشق

هيكون فى حزن

هيكون فيه ألم

هيكون فيه خير


هيكون فى نبض فى القلوب


هيكون فى ضحك يملا الدنيا

.
.
.
.
.
.
.
.
.
.
.
.
.
.
.
.
.
.
.
.



إييييييييييييييه أنت رحت فين يا بنى


.
.
.
.
.
.
.
.
.
.
.
.
.
.
.
.
.
.
.
.
.
.
.
.



مش لما الشمس تبقا تطلع الأول !!!!!!!

سحر الليالي
11-11-2005, 02:03 AM
أخي همس الانامل:

الله ..ألله على كلماتك

جميلة جدا بل رائعة

اكتب واكتب اخي ساتابع نزفك الرائع

دمت رائعا

أسماء حرمة الله
11-11-2005, 02:42 AM
سلام الله عليك ورحمته وبركاته

تحية قطفتُها من شجر اللوز

الأخ المبدع أحمد،


""...................
مش لما الشمس تبقا تطلع الأول !!!!!!!""


أذكر أنني غنيْتُ وجعكَ كثيرا، وأغنّيـه بين الفينة والأخرى، حين تُغتال الأحلام على مقربة مني، أو حين تمسك أصابعُ الغياب بعالمي الجميل، لتُحيله إلى رماد..أو لتهزأَ منه على الملأ..أو حين تخذلني قلوبُ الأحباب، فيجفّ معنى الأشياء بزمنٍ فقدَ رائحةَ المسك..لكنني آمنتُ، ومازلتُ أؤمن بأن الشمس تشرق في موعدها، وستشرق.. كلما غابت قليلا أو كثيرا لتملأ جرّةَ النور من البئر المجاور وتجدّد أنفاسها..الشمسُ ربما ترقبنا من بعيد، لترى إن كنّا سننتظرها بشغف على مرافئ الحلم الأخضر..أو أننا سنستسلم لأزمنة الرماد..ونتخلّى عنها..

ستشرق الشمس في موعدها..
ومازلنا ننتظر حروفك الرائعة المرهفة، لتروي عطش المكان..وتسقي ظمأنا للحرف الجميل..
تقبّل مني ألف باقة من الورد والمطر
تحياتي وتقديري

أحمد فؤاد
11-11-2005, 12:50 PM
أخي همس الانامل:

الله ..الله على كلماتك

جميلة جدا بل رائعة

اكتب واكتب اخي ساتابع نزفك الرائع

دمت رائعا



عزيزتي / سحر الليالي


أنتظر نزفكِ معي .. و نزف كل الأعضاء


و لنعتبرها كخربشات ..


لمن يتذوق .. الألم .


في الانتظار .



أحمد فؤاد

أحمد فؤاد
11-11-2005, 01:25 PM
سلام الله عليك ورحمته وبركاته

تحية قطفتُها من شجر اللوز

الأخ المبدع أحمد،


""...................
مش لما الشمس تبقا تطلع الأول !!!!!!!""


أذكر أنني غنيْتُ وجعكَ كثيرا، وأغنّيـه بين الفينة والأخرى، حين تُغتال الأحلام على مقربة مني، أو حين تمسك أصابعُ الغياب بعالمي الجميل، لتُحيله إلى رماد..أو لتهزأَ منه على الملأ..أو حين تخذلني قلوبُ الأحباب، فيجفّ معنى الأشياء بزمنٍ فقدَ رائحةَ المسك..لكنني آمنتُ، ومازلتُ أؤمن بأن الشمس تشرق في موعدها، وستشرق.. كلما غابت قليلا أو كثيرا لتملأ جرّةَ النور من البئر المجاور وتجدّد أنفاسها..الشمسُ ربما ترقبنا من بعيد، لترى إن كنّا سننتظرها بشغف على مرافئ الحلم الأخضر..أو أننا سنستسلم لأزمنة الرماد..ونتخلّى عنها..

ستشرق الشمس في موعدها..
ومازلنا ننتظر حروفك الرائعة المرهفة، لتروي عطش المكان..وتسقي ظمأنا للحرف الجميل..
تقبّل مني ألف باقة من الورد والمطر
تحياتي وتقديري


أختي الرائعة / أسماء ..

و عليكِ السلام و رحمة الله و بركاته

أُرسل إليكِ تحية مُعطَّرة بضوء القمر ..


" الشمس ستشرق في موعدها "

و من قال أن الشمس لن تُشرق يا عزيزتي .. الشمس ستشرق , بل أنها تُشرق كل يوم في موعدها .. و لكن .. هل تشرق الشمس على قلوبنا نحن .؟!!


إن قلوبنا المنزوية داخل قبو الحزن , وقضبان اليأس تمنعها من الهروب .. تتوق لضوء الشمس ..


إن للحزن فلسفته الخاصة .. و الألم له مذاقه الخاص ..

أحببنا و سنحب .. فرحنا و سنفرح ..


و لكن الألم و الحزن له رونقه الخاص .. المميز


طالماً ارتبطت الروعة مع الألم ..


الحزن قد خُلق من أجل أن نشعر بمعنى السعادة ..


و إن لم يوجد الحزن .. لاخترعناه .



لأننا إن لم نقبع في قبو الحزن .. فكيف لنا أن نتعطّش للمروج الخضراء و ضوء الشمس و النسيم العليل ..


نظرية الضد إذن .. جائز



إنما في النهاية .. نحتاج إلى أن نشعر بالحزن .. كي نستمتع بالفرح - حينهما يأتي - حتى النخاع



لكِ عبق التحايا العطرة ..



في انتظار مُشاركتكِ في النزف ..




أحمد فؤاد

د.جمال مرسي
11-11-2005, 02:38 PM
و لحد امتى و الألم يروي الألم

و لحد امتى جرحنا ما يلتئم

و لحد امتى من قواميس اللغات نمحي الفرح

نمحي السعادة

و النغم .

عايزين نخلي شعرنا

زي الجنينه

بكل لون متزينهْ .

إلا الألم

تكفينا غصات الألم

يكفينا حزن و خوف و دم

دي عيونّا وجعتها المناظر في فلسطين الشمم

أو في العراق اللي اتهدم

أو في الشيشان و الحرب فيها أمر طعم .

بص لعيون أطفال أفارقه اتغورت

و الجوع سحلهم و المبادي ادّمرت

بص لضلوعهم فوق جلودهم كسّرت فينا الهمم

بص لخيام فيها الالوف اتشردوا

و على رصيف الفقر و الجوع مددوا

مستنيين كسرة رغيف

أو قلب م. الأحقاد نظيف

أو ايد كريمه تبدل الليل المخيف

اللي طغى لما الصباح بطّل يطل

بص لبلاوي

متلتله زي الهرم

و ساعتها راح تعلنها بالصوت العرييييييييييييييييييييي ييييض

يا حزن لاااااااااااااااااااااااا و يا ألف لا .

و يا فرح أهلا بيك نعم .


أحمد فؤاد الجميل
هذه مجرد مداعبة كيبوردية ردا على غصات ألمك
و لك مودتي
د. جمال

أحمد فؤاد
11-11-2005, 04:03 PM
و لحد امتى و الألم يروي الألم

و لحد امتى جرحنا ما يلتئم

و لحد امتى من قواميس اللغات نمحي الفرح

نمحي السعادة

و النغم .

عايزين نخلي شعرنا

زي الجنينه

بكل لون متزينهْ .

إلا الألم

تكفينا غصات الألم

يكفينا حزن و خوف و دم

دي عيونّا وجعتها المناظر في فلسطين الشمم

أو في العراق اللي اتهدم

أو في الشيشان و الحرب فيها أمر طعم .

بص لعيون أطفال أفارقه اتغورت

و الجوع سحلهم و المبادي ادّمرت

بص لضلوعهم فوق جلودهم كسّرت فينا الهمم

بص لخيام فيها الالوف اتشردوا

و على رصيف الفقر و الجوع مددوا

مستنيين كسرة رغيف

أو قلب م. الأحقاد نظيف

أو ايد كريمه تبدل الليل المخيف

اللي طغى لما الصباح بطّل يطل

بص لبلاوي

متلتله زي الهرم

و ساعتها راح تعلنها بالصوت العرييييييييييييييييييييي ييييض

يا حزن لاااااااااااااااااااااااا و يا ألف لا .

و يا فرح أهلا بيك نعم .


أحمد فؤاد الجميل
هذه مجرد مداعبة كيبوردية ردا على غصات ألمك
و لك مودتي
د. جمال



الراقي .. د. جمال مرسي



قد يكون الحزن وطناً .. قد يكون الألم سكناً


ولكن من قال أن الحياة هى وطن فقط


مهاجراً من دنيا الحزن والألم .. إلا أى بلاد أخرى .. أسكن إليها


ارحلوا معى


لعالم آخر .. غير عالمنا


دعونا نحكى الحزن


أو يحكينا الحزن


علّه يخفف ما فى القلب من جراح


صحيح أن الحزن قد يقتلنا


ولكن قلوبنا ما زال بها نبض الحياة .





أما عن السعادة و هجر الألم و الحزن .. فقد أنشأت موضوعاً آخر باسم " قلوب .. خارج حدود الألم "


فلتشاركوني هناك أيضاً ..


لك تقديري .. المًعتَّق احتراماً .



أحمد فؤاد

أحمد فؤاد
11-11-2005, 04:06 PM
بصيت من شباك الطياره



وشفت مصر وهيا بتبعد .. وبتبعد




غصب عنى الوجع زاد جوايا




وأنا بفتكر كل ناسى وأهلى اللى سايبهم






و سبت فيها كمان نفسى





اللى بشوفها كل سنه .. لما بنزل اجازه !!!!!!!

أحمد فؤاد
13-11-2005, 07:16 AM
تعالوا نقفل كتاب حياة

كان اسمه حلمنا

كان فيه ورق كتير

مكتوب بفرشه رسمنا

غلافه كان أحمر حرير

مرسوم عليه قلبنا

صدّقنا فيه كلام كتير

أتارينا بنخدع نفسنا

حتى الفَرح أهو راح كمان

ولا حتى الحلم من حقنا

أحمد فؤاد
17-11-2005, 07:26 AM
أحزانا ساكنه فينا .. من أول الولاده

و جراحنا صاحيه فينا .. بتدوَّر عن زياده

و قلوبنا بتنادينا .. تسألنا عن سعاده

ما خلاص تاهت قلوبنا .. وأخدنا الحزن عاده

وعجبي..

أحمد فؤاد
28-11-2005, 07:22 AM
لمَّا الدنيا تليّل .. و الكون يسكت

والعصافير تنام

و محلات القلب المِفتَّحه تقفل ..

وتلم الكراسي اللي قاعد عليها ناس كتير .. بتدوس عليه

وكل ما تقول خلاص .. شطّبنا

يدوسوا اكتر ..

تطنّش .. وتقعد بعيد فى الليل لوحدك

تطلّع صوره صغيره حاططها فى محفظتك .. بعد ماطبعتها على ورقه

تبص عليها .. تتأملها

وتحضنها و تحطها على صدرك .. تتغطى بيها وتنام !!


ومن بعيد التمرجي يقول ..

هو الواد ده إيه اللي خرجه من العنبر !!!!!!!!!!!!!!!!!!!!!!!!!!!!!!!!!!

أحمد فؤاد
03-12-2005, 10:27 AM
قالولي أنت فيك حاجه غريبة

قلتلهم إيه الغريب يعني .. شكلي اتغيَّر؟

قالولي ..آه

قلتلهم .. آه ..ده النيو لوك بقا !!


لمَّا بصّيت في المِرايا .. لقيت نَفسي مِن غير نظاره شكلي اتغيَّر فعلاً


لأنى أول مره أشوف الحزن بلا حواجز .. زجاجية !!!!

عبلة محمد زقزوق
03-12-2005, 11:56 AM
أحزانا ساكنه فينا .. من أول الولاده

و جراحنا صاحيه فينا .. بتدوَّر عن زياده

و قلوبنا بتنادينا .. تسألنا عن سعاده

ما خلاص تاهت قلوبنا .. وأخدنا الحزن عاده

وعجبي..

العجب عجبي أخي الكريم أ / أحمد فؤاد

من جميل غناءتك بيننا ، جميلة تلك المقطوعة القصيره .
لو سمحت لي ... كنت على ضفاف حرفك متتبعة .

سحر الليالي
03-12-2005, 05:22 PM
وأنا أيضا متابعة لك دوما

لك خالص الاحترام والتقديري المحمل باعجابي لما تنثره هنا من جمال

دمت رائعا

محمد الدسوقي
03-12-2005, 09:37 PM
أحمد فؤاد

جميل ذلك العزف على وتر الحزن ....

الظاهر أننا أدمنا ذلك الحزن ونتلذذ بألمه ...

سأتابعك أيها الجميل

تحياتي التي تنم عن السعادة

كل الحب

أحمد فؤاد
04-12-2005, 07:01 AM
أحزانا ساكنه فينا .. من أول الولاده

و جراحنا صاحيه فينا .. بتدوَّر عن زياده

و قلوبنا بتنادينا .. تسألنا عن سعاده

ما خلاص تاهت قلوبنا .. وأخدنا الحزن عاده

وعجبي..

العجب عجبي أخي الكريم أ / أحمد فؤاد

من جميل غناءتك بيننا ، جميلة تلك المقطوعة القصيره .
لو سمحت لي ... كنت على ضفاف حرفك متتبعة .



الجميلة / عبلة


أُحييكِ على ذوقكِ الجميل الواضح من اختياركِ لتلك المقطوعة


و أتمنى أن تُشاركيني العزف .. و أن لا تكتفي بالمُشاهدة


ليس من المُهم أن تكون مُشاركتكِ ذات لحناً ما .. بقدر ما هو تنفيس عمّا بداخلكِ من بقايا الألم و الحزن.



دُمتِ جميلة



أحمد فؤاد

أحمد فؤاد
04-12-2005, 07:04 AM
وأنا أيضا متابعة لك دوما

لك خالص الاحترام والتقديري المحمل باعجابي لما تنثره هنا من جمال

دمت رائعا


الرقيقة / سحر الليالي


مازلت مُصرّاً على مُشاركتكِ في هذا الموضوع .. لثقتي في حرفكِ


في انتظاركِ .. عسى أن لا يطول انتظاري



دُمتِ عذبه


أحمد فؤاد

أحمد فؤاد
04-12-2005, 07:20 AM
أحمد فؤاد

جميل ذلك العزف على وتر الحزن ....

الظاهر أننا أدمنا ذلك الحزن ونتلذذ بألمه ...

سأتابعك أيها الجميل

تحياتي التي تنم عن السعادة

كل الحب



الأخ / محمد الدسوقي


مرورك زادني بهجه .. و أضفى على صفحتي نوراً


نعم يا أخي العزيز , يبدو أننا قد أدمنا الحزن و نتلذذ بألمه في مازوخية عجيبة


بل أعتقد أن الحزن إذا لم يكن موجوداً .. لاخترعناه


تُسعدني مُتابعتك لحرفي .. و يُزيد سعادتي مُشاركتك



كل السعادة .. من أجلك



أحمد فؤاد

أحمد فؤاد
05-12-2005, 11:01 AM
قعدنا في الغيط نلعب مع بعض

قالتلي أختي الصغيره

افتح الهويس يا أحمد .. عايزه أشوف الميّا مغرَّقه الزرع

قلتلها لأ مش هافتحه علشان الزرع مايموتش

زِعلت مني وقعدت تبكي بعيد

بس أنا صممت على موقفي

و فتحت الهويس .. لأني مقدرتش أشوف دمعتها على خدها

مع إنى غرّقت بإيدى كل الزرع .. وغرّقت نفسي أنا كمان معاها .!!!!!

أحمد فؤاد
06-12-2005, 04:28 PM
العَبث ..


التّشتت .. الضَياع ..


الحُزن .. الألم


ابتسامة لا تكد ترتسم على الشفاه


حتى تختفي ..


كلمات .. كلمات .. كلمات


جَوفاء .. حَمقاء


أحمق كي أسير في تِلك الحياة .. دون أن أتعلَّم


أن لكل شئ ثَمن .. حتى ولو كانت حياتي


ثمناً لحماقتى ..


في لحظة حب .!!!!

محمد الدسوقي
06-12-2005, 04:36 PM
ياااااااااااااااااااااااا ااا لك من فلاح

اصيل ..........

أحفظ الودّ ؛ وصون الوداد

كن كما أنت لا كما يريد الآخرون

تحيايا

أحمد فؤاد
07-12-2005, 09:53 AM
ياااااااااااااااااااااااا ااا لك من فلاح

اصيل ..........

أحفظ الودّ ؛ وصون الوداد

كن كما أنت لا كما يريد الآخرون

تحيايا



مرحباً بك دائماً .. في مملكة حزني


كُن هنا دائماً ..


فأنا أنتظرك



لك كل الود ..


أحمد فؤاد

أحمد فؤاد
07-12-2005, 10:03 AM
أنا اللي بِنار الحُب و الغرام انكوى

قُلت حُب جديد يمكن يكون الدوا

ملَقتش غير سَراب و قلب مَليان خوا

كَتبت على قلبي إنه .. ملعون أبو الهوا

وعجبي* ...


أحمد فؤاد




* من وحي رُباعيات صلاح جاهين

سحر الليالي
08-12-2005, 11:07 PM
من غير ما تتكلم

من غير ما تتكلم --- سامعك وبتألم --- شايفك وبتظلم
ومين يسمع ندانا

الجرح فى قلوبنا--- والشوق معذبنا --- وننادى فين روحنا
فين شوقنا فين هوانا

لا بايدى فى يوم ولا --- يا حبـيبى كان بايـدك
كان نفسى نكون سوا --- ولايوم يا حبيبى اسيبك

&&&&&&

من غير ما تقول كلام--- حاسس نفس الآلام--- شايف اصادى أحلام
بتموتها السنين

مكتوب علينا نبعد --- وتكونى لغيرى واسكت --- واقول مبروك وقلبى
مليان دمع وانين


نشكى ودموعنا تبكى على كل يوم وليلة
ونقول امتى هترجع ايامنا الجميلة

&&&&&&

عارفك بتتعذب بتموت اصاد عينيا
عارف لو كان بايدى لاخدك لدنيا تانية
ندوق فيها الهوا --- نطير فوق السما
نحقق اللى كنا بنتمناه سوا

من غير ما تتكلم


أرجو أن يعجبك أخي مشاركتي المنقولة من : ellord

أحمد فؤاد
10-12-2005, 11:17 AM
قعدت أفكر في كلمة وجع

وجع ... همممممم

دول 3 حروف

واو و جيم و عين

هممم

طيب ما نيجي نلخبط الحروف كده

زي الميكانو زمان .. أو البازل

واو - جيم - عين

ممكن تبقا جوع !!!!!

و ممكن تبقا عوج !!!!!!!!

و ممكن تبقا وعج ؟؟!!!


طيب .. بما إني مش فاهم يعني إيه وعج ..

نتكلم عن الاتنين التانيين

لو عملنا معادلة بسيطة من بتوع الرياضة زمان

نقدر نقول

جوع + وجع = عوج


!!!!!!!!!!!!!!!!!!!!!


معلش الظاهر إن الوجع خلاني أتجنن !!!


مع إن الجنان مش موجود في الحروف التلاته ؟!!!!!!!!!!!!!!!!!!!

أحمد فؤاد
11-12-2005, 10:22 AM
ما زال القلم يكتب

ما زال القلب ينبض

ما زال العقل يهرب

ما زال الحب في قلوبنا

ما زال الاحترام في نفوسنا

ما زال الصدق هو مبدأنا في الحياه
.
.
.
.
.
.
.
.
.
.
.
.
.
.
.
.
.
.
.
.
.
ما زالت أحلم !!!!

عبير النحاس
11-12-2005, 02:44 PM
أحلاما سعيدة أيها المبدع
دمت بألق

أحمد فؤاد
12-12-2005, 05:17 PM
- ههههههه

- .............

- هههههه

- مالك يا أحمد ؟

- هههههههههه

- أنت كويس ؟

- ههههههههه

- طيب فيه حاجه مضايقاك ؟

- ههههههههه

- ماماااااا ... تعالي شوفي أحمد ماله .. شكله مش طبيعى

- هههههههههههه

- مالك يا ابنى أنت تعبان ؟

- ههههههههههههههههه

- طيب مضايق من حاجه ؟

- ههههههههههههه

- يا بنى متعملش في نفسك كده و فوق بقا من الوهم اللي انت فيه

- هههههههههههههه

- سيبيه يا ماما .. بكره الزمن هينسّيه .. وأكيد هينساها


- ههههههههههههههههههههههههه ههههههههههههههههههههههههه هههههه



!!!!!!!!

سحر الليالي
12-12-2005, 08:36 PM
يا عين إبكي وبكيني


إبكي وبكيني

يا دمعي يا عيني

على حبيب باعني

وفاكرو شاريني
******

بِنَظْرِتُو صَابْنِي

حَبِيتُو وتَعَبْنِي

ولما شَافْ غيري

على طول مِشِي وسَابْنِي

*******
على إِيِدِي ياما إرتاح

جَنْبِي مِسَا وصبَاحْ

مَلِيتْ حَيَاتُو سرور

وملالي قلبي جراح
********

خَبَطْ كتير ع الباب

ونَدَهْلِي بالأحباب

ولما فتح قلبي

ملقيتشي مِنُو جَوَابْ

********
خليتو قَالْ الله

خلاني قُولت الآه

كان أملي يوم يصفى

وأقضي حياتي معاه
*********

بُكْرَه تشوف غِيري

وتِنْكِوي بناري

تِنْدَه على حُبْي

إرْجَعْلِي يا طيري
*********

لاكن خلاص قلبي

مجروح ومِتْعَبِي

ولا عُمْرُو يوم ينسى

إنك سَبَبْ غُلْبِي

منقول :أسامة علي

أحمد فؤاد
17-12-2005, 10:10 AM
رسالة إلى قلبي

إنت مينفعش تفرح بقولهالك أهوه

ما هو أصل العيب فيك

يا إمّا العيب في ....






فيك برضه !!!!!!!!!

أحمد فؤاد
19-12-2005, 03:57 PM
"كل يوم يساوى أمل جديد وحلم جديد

و في طريق حلمنا

بتقابلنا مشاكل كتير , و مطبّات أكتر

لازم نتعب علشان نوصل ليها

لكن أنا مصمم أوصل لنهاية الطريق , و كلّي عزيمة كمان

هأنجح . رغم أنف الجميع , و هأوصل لهدفي مهما كلفني الأمر و بالمبادئ .. وبالأخلاق

مستحيل الظلم يبقا

و مستحيل الناجح هيخسر

أيوة لازم أحاول .. و أكيد هانجح."


.
.
.
.
.
.
.
.
.
.
.
.
.
.
.
.
.
.
.
.
.
.
من مذكرات شاب عايش فى دنيا تانية خالص !!!!!!

عبلة محمد زقزوق
19-12-2005, 04:33 PM
سلامي وتحاياي أخي الكريم أ / أحمد فؤاد

لو تسمح لي بمداخلة لرائعة حبيبتي أ / سحر الليالي

إليها

مجنونة حقيقي
كل إيماني بيكبر بيكي
لما با شوف جواكي الرؤية بصدق
لما أقارن بيني وبينك
واعرف إيه بيكون الفرق
***
وأجمل من إحساسي بكل جنونك
ثقتك إن الحب بيكسر هذا الكون
يبعد من جوانا الخوف
يبعت فينا الأمل الواعد للأيام
***
أجمل من إحساسي بكل جنونك
إنك أجمل واحدة بتنظر للدنيا دهية بعمق
***
إن جمال الجوهر لازم يظهر فوق السطح
لما با شوف ألوان الطيف السابعة ـ النابعة
عن اختياراتك من إحساس الطقس
***
وافهم سر بساطتك
رغم غموضك
لما تقولي ببادلك نفس مشاعرك
يمكن أكتر
لما تقول لي عينيكي الشاردة
رغم فواصل فكري وفكرك
جوهر أي تناقض فينا
***
حجر الزاوية ما بيني وبينك
هو الحب .

من شعر كرم البغدادي

صابرين الصباغ
19-12-2005, 10:30 PM
بكرة يفوت العمر وتنسى

مراكب حزنك برضه حترسى

مالأيام بتداوى الحزن

والقلب الحنيّن يقسى

بكره يفوت العمر وتنسى

................

بكره تحب حب جديد

راح تستعجب وانت سعيد

تسأل نفسك ألف سؤال

معقول افرح وهو بعيد

بكره تحب حب جديد

....................

مجرد مجاراه لحرفك

هذاين قلب

من كثرة حزنه يهذي

سلمت يمينك

أخي

أحمد فؤاد
21-12-2005, 11:14 AM
سلامي وتحاياي أخي الكريم أ / أحمد فؤاد

لو تسمح لي بمداخلة لرائعة حبيبتي أ / سحر الليالي

إليها

مجنونة حقيقي
كل إيماني بيكبر بيكي
لما با شوف جواكي الرؤية بصدق
لما أقارن بيني وبينك
واعرف إيه بيكون الفرق
***
وأجمل من إحساسي بكل جنونك
ثقتك إن الحب بيكسر هذا الكون
يبعد من جوانا الخوف
يبعت فينا الأمل الواعد للأيام
***
أجمل من إحساسي بكل جنونك
إنك أجمل واحدة بتنظر للدنيا دهية بعمق
***
إن جمال الجوهر لازم يظهر فوق السطح
لما با شوف ألوان الطيف السابعة ـ النابعة
عن اختياراتك من إحساس الطقس
***
وافهم سر بساطتك
رغم غموضك
لما تقولي ببادلك نفس مشاعرك
يمكن أكتر
لما تقول لي عينيكي الشاردة
رغم فواصل فكري وفكرك
جوهر أي تناقض فينا
***
حجر الزاوية ما بيني وبينك
هو الحب .

من شعر كرم البغدادي



الموضوع مطروح لمشاركة جميع الأعضاء :011:

العسل
21-12-2005, 03:51 PM
قَلبٌ
و
جرحُ
و
ألمُ
و
قلم
=
أنا !!!
حب
و
خوف
و
احتياج
و
شوق
و
جرح
و
أمل ×ألم
=
أنا....مثلك.... لا فارق يفرق بيننا سوى كينونتنا كرجل وامرأة فقط
أحمد مبدع الكلمة ومسطر الاحساس وناثر الحب على خط الحياة ومبدي الرأي الذي لايختلف عليه اثنان

سلمت ياصاحب القلم الذهبي

العسل

أحمد فؤاد
24-12-2005, 11:46 AM
بكرة يفوت العمر وتنسى

مراكب حزنك برضه حترسى

مالأيام بتداوى الحزن

والقلب الحنيّن يقسى

بكره يفوت العمر وتنسى

................

بكره تحب حب جديد

راح تستعجب وانت سعيد

تسأل نفسك ألف سؤال

معقول افرح وهو بعيد

بكره تحب حب جديد

....................

مجرد مجاراه لحرفك

هذاين قلب

من كثرة حزنه يهذي

سلمت يمينك

أخي



الرائعة / صابرين الصباغ


يكفيني مروركِ هُنا ..


سعدت بمُداخلتكِ الجميلة , و أتمنى زيارتكِ الدائمة لحرفي


آملاً أن أكون عند حُسن الظن بي دائماً


لكِ مني كل تقدير


أحمد فؤاد

أحمد فؤاد
24-12-2005, 12:02 PM
حب
و
خوف
و
احتياج
و
شوق
و
جرح
و
أمل ×ألم
=
أنا....مثلك.... لا فارق يفرق بيننا سوى كينونتنا كرجل وامرأة فقط
أحمد مبدع الكلمة ومسطر الاحساس وناثر الحب على خط الحياة ومبدي الرأي الذي لايختلف عليه اثنان

سلمت ياصاحب القلم الذهبي

العسل


الغالية / العسل

أشكركِ على مروركِ النقي , الذي أتمنى دوامه.

دُمتِ عذبة

أحمد فؤاد

أحمد فؤاد
24-12-2005, 12:18 PM
الحياة .. هي المرآة الوحيدة التي لم أرى نفسي فيها .!!

أحمد فؤاد
25-12-2005, 12:31 PM
قالولي تعالى نروح لدنيا من الخيال
يمكن نلاقى فيها حاجه نحبّها
نلاقى فيها حاجات مش بنحسها

قلتلهم بلاش .. استغربوا
قلتلهم يا تاس أنا لسه من هناك راجع
قلتلهم هناك أنا جايلكم وحالف مانا راجع

ردوا عليا وقالوا.....
إرجع مطرح ما جيت متقلبش علينا المواجع !!!!!!!!!

سحر الليالي
25-12-2005, 08:52 PM
أخي الرائع "أحمد فؤاد"

:001::001:



دمت مبدعا

أحمد فؤاد
26-12-2005, 04:49 PM
أخي الرائع "أحمد فؤاد"

:001::001:



دمت مبدعا




الرقيقة / سحر الليالي


لكِ كل التقدير


أحمد فؤاد

أحمد فؤاد
26-12-2005, 04:52 PM
لما تلاقى الناس حواليك متغيّرين

ومش فاهم هما ليه اتغيروا

جايز إنت غلط .. أو هما اللي غلط

فيه مليون جايز .. و ألف ممكن

لكن خليك زي ما أنت

لأن لو رضيت الناس و بس

مش هتعيش مستريح

أبداً...

أحمد فؤاد
29-12-2005, 04:12 PM
محدش يسألني أنا ليه بكتب

ماهو أصل الكتابة مش عايزه سبب

فجأة تلاقي الإلهام جالك كده

تمسك القلم

وتكتب ...

وتكتب...

وفجأة القلم يسكت .

و تقف تشوف إنت كتبت إيه !!

وتقول إيه اللي كتبته ده .. انا مش فاهم منه حاجه ؟

و...........

ولمّا حد تاني يقراه يفهمه


... مع إن أنا مش فاهمه أساساَ !!!!!!!!!

العسل
31-12-2005, 01:17 AM
كل يوم بتطلع شمس يوم جديد بتنور الأرض والسما والكون كله
كل يوم بنام ونصحى على حلم جميل
كل حلم بنحلمه لازم نلاقي عقبات في طريقه ...معلش معلش ماهو حلم

واقع طيب نعمل فيه حاجة كويسة ...معلش معلش أصل الزمن بقى غير الزمن
والحياة بقت صعبة .. والناس بقت وحشة موت ..

طب نشتغل ...معلش هما اللى اتخرجوا قبلك بعشر سنين فين ...هما في بيتهم قاعدين
طب نسافر ... بلدك محتجالك جدااااااااااااااااااااااا ا انتو شبابها الناهض ايدها العاملة ..طب فين الشغل

مجموعة من الأحداث المتناقضة اللى بنعيشها ولالالالالازم نعيشها والمطلوب ..
1- تكون سعيد ومبسوووط ورااااااااضي .
2- تدي الأمل لكل واحد تعرفه مع انه(فاقد الشيء لايعطيه)
3- تثور على ضعف نفسك وقلة حيلتك (انت هتعترض على قضاء ربنا وقدره ) مع ان ربنا مقالش كده!!

والله انا معرفش انا كتبت ده ليه بس اللى طلع كتبته بس كل اللى اعرفه انه طلع من جوايا
من جوا نفس شافت مآسي لها ولكل اللى حواليها وحاولت تساعدهم وتساعد نفسها والنتيجة ...كلامها
وحروفها في صفحتكم المعبرة اللى ادتها فرصة تريح نفسها ..

العسوووووولة :008:

أحمد فؤاد
02-01-2006, 10:16 AM
آه


لماذا أشعر بأن تلك الكلمة لم تكتب من حرفين فقط .؟!!!

أحمد فؤاد
03-01-2006, 03:02 PM
عندما يسود الفراغ

و نرى الآخرين من حولنا

كأبطال المسلسلات

لكل شخص ... دور يلعبه

وعندما تدور في أذهاننا موسيقى الصمت

مع كل شخصية نراها , ونتمعن في تفاصيل حياتها

فقط ندرك حينها

أن النهاية قد اقتربت

و أن الحياة الغبية

أصبحت ... مجرد أمل ؟؟

أحمد فؤاد
21-01-2006, 04:47 PM
مازلت أتنفس .. ألماً !!!!