المساعد الشخصي الرقمي

مشاهدة النسخة كاملة : قلوب .. خارج حدود الألم .!!



أحمد فؤاد
11-11-2005, 03:21 PM
قلوبنا دايماً محتاجه تنسي



من كتر اللي بنشوفه .. أو من كتر الجراح والعذاب



علشان كده الموضوع ده اتعمل




علشان نفرح ولو لدقايق .. نكتب حاجه غير جراحنا



أو عذابنا .. أو وجعنا



يمكن ننسي شويه


تعالوا نشارك كلنا ..


و نرسم لوحه كبييييييييييييره



نكتب عليها



فقط لدخول القلوب السعيدة



قلوب .. خارج حدود الألم .

أحمد فؤاد
11-11-2005, 03:25 PM
كانوا هناك

شايفنهم .. و عارفنهم

........ باين عليهم



هيا .........

واقفه من بعيد .. تحت الشجر


كان الشجر لونه أصفر .. ورق خريف


فستانها أبيض .. زي الحليب

.. و فيه رُقَع



يمكن كانت تحت الشجر

جايز ورقها يغطي الرُقَع



شافها .. جري

مجنون وحَس بالوجع

من شكلها ...

من حزنها الباين عليها ..

حَس بمعني جرحها ...



استغربوا .. اتعجّبوا


هيا كمان استغربت


نظراتها خايفه تعترف ..


مع أن قلبه شافها وعِرف



حاول يغطي ألف رقعه ..

لقاهم بحر ماينتهيش

سالت دموعها ...



مفضلش غير حاجه لازم تتعمل



وبكل جرأه ومجدعه


فتح دراعه بكل شوق


خباها جوه حضن قلبه


وضمها ..

أحمد فؤاد
11-11-2005, 03:31 PM
عايزه تكتب ..

خايفه تكتب ..

خايفه ترسم .. أى رسمه صغيره


بنوته هيا صغيره ..

زارعه جنينه مخضَّره

جواها ليها

قافله عليها


شوفوا خوفها .. إزاي ماليها


خلاها تهرب من الكلام


ركّزوا .. والله ديه البسمه فى عينيها


نفسها تخرج قوام .... على الورق


شوفوا الورقه اللي فى إيديها



شكلها فاقت أخيراً

من سكونها...


من سُكاتها ...



أصلها من صُغرها


فى قلبها .. صندوق كبير


مليان كلام ..


عايزه تحكي كل ليله


عايزه تحكي ألف ليله


و حالفه ما تبطل كلام .

أحمد فؤاد
13-11-2005, 07:36 AM
نفسي أقرا فى كل لحظه

ليكي كلمه

ترسمي بإيدك خيالي

يبقا ليكي يا أحلى نسمه

زاهية
14-11-2005, 07:10 AM
كتاباتك جميلة أخي الفاضل
همس الأنامل
لكن لي همسة
:001: :tree: :001:
أرجو ألا تباعد بين الكلمات كثيراً
لأنني أكاد أصاب بالدوار من السرعة بملاحقة السطور
وأخشى أن يقل عدد القراء لهذا السبب
همسة أخت لصالح كتابات أخيها همس
أظنك لن ترفضها
كن دائماً كما أنت رائعاً
أختك
:0014:
بنت البحر

سحر الليالي
14-11-2005, 01:31 PM
أخي همس النامل:

أكتب وانثر لنا المزيد من الدرر

سأتابعك دائما

لك خالص الاحترام والتقدير

أسماء حرمة الله
15-11-2005, 03:22 AM
سلام الله عليك ورحمته وبركاته

تحيــة مكتوبة بنسيم البحــر

الأخ المبدع أحمــد،

راقية الإحساس، عذبة حروفك..أكمِــل شدْوك وسنتابع بشغف ..نحتاج جميعا لومضة فرح، بعيدا عن مساءات الحزن..أكمِل...
دمتَ لنا رحيقا
ولك مني ألف باقة من الورد والمطـر
...........

أحمد فؤاد
17-11-2005, 07:45 AM
كتاباتك جميلة أخي الفاضل
همس الأنامل
لكن لي همسة
:001: :tree: :001:
أرجو ألا تباعد بين الكلمات كثيراً
لأنني أكاد أصاب بالدوار من السرعة بملاحقة السطور
وأخشى أن يقل عدد القراء لهذا السبب
همسة أخت لصالح كتابات أخيها همس
أظنك لن ترفضها
كن دائماً كما أنت رائعاً
أختك
:0014:
بنت البحر



شكراً لكِ عزيزتي زاهية على نصيحتكِ الغالية

سأحاول قدر الإمكان أخذها في الإعتبار

لكِ مني كل تقدير ..

دُمتِ صادقة


أحمد فؤاد

أحمد فؤاد
17-11-2005, 07:49 AM
أخي همس النامل:

أكتب وانثر لنا المزيد من الدرر

سأتابعك دائما

لك خالص الاحترام والتقدير


الجميلة / سحر الليالي

أشكركِ لمتابعتكِ ..

و لكني آمل في مُشاركتكِ إياي

في انتظاركِ


أحمد فؤاد

أحمد فؤاد
17-11-2005, 07:55 AM
سلام الله عليك ورحمته وبركاته

تحيــة مكتوبة بنسيم البحــر

الأخ المبدع أحمــد،

راقية الإحساس، عذبة حروفك..أكمِــل شدْوك وسنتابع بشغف ..نحتاج جميعا لومضة فرح، بعيدا عن مساءات الحزن..أكمِل...
دمتَ لنا رحيقا
ولك مني ألف باقة من الورد والمطـر
...........


الراقية / أسماء

و عليكِ السلام و رحمة الله و بركاته

بعيداً عن مساءات الحزن .. سنجلس هنا جميعاً

نستنشق رحيق السعادة .. أعدكِ بذلك

كما وعدتكِ في الأمس بموضوع بعيد عن مساءات الحزن .. فهذا الموضوع إهداء لكِ

و لكن أتمنى مُشاركتكِ .. فإلى لقاء قريب .. هنا .


لكِ كل احترام


أحمد فؤاد

أحمد فؤاد
17-11-2005, 08:33 AM
من يوم ما جيتي للدنيا … وانا شايف الدنيا حاجه تانيه

بقا ليها طعم جديد

ألوان الدنيا بتضحك لي .. و فرحة قلبي بتسبقني

و كأنها فرحة عيد


يا ما استنيتك في خيالي .. أضمك أنا بين أحضاني

يا ما تخيلتك يا حبيبتي .. و أتاريكي أحلى كتير

عن حلم في قلبي أنا رسمته .. و بلهفة قلبي أنا لوّنته

و باحلم أشوفك يا حبيبتي .. و نفسي أجيلك أطير.




( أغنية قصيرة مُهداه لصديقي العزيز أحمد حمدي بمناسبة احتفاله بقدوم ابنته - قبل سفره لرؤيتها )

أ

أحمد فؤاد
28-11-2005, 07:38 AM
جنونّا دا شئ غريب

جايز يكون من جَهلِنا

جايز يكون من حُبِنا

جايز يكون سنين عَطش من عُمرِنا

جايز كمان يكون أمل في دُنيا راحت مِننا

حلم بعيد وهم وخيال .. بس المهم يضمنا

خلينا نحلم .. من حياتنا خدنا إيه

غير جِرَاح كل يوم بتشدنا

خلينا نسمع للجنون .. مش هنخسر أكتر ما خسرنا في عمرنا

عبلة محمد زقزوق
28-11-2005, 10:11 AM
ويه الفرحه ... عشنا ساعات

شيلين الورده ... جوه كتاب

خفنا عليها

تألمها دموعنا

وتدبل منا وهيه شباب

ونرجع تاني

ندور على فرحتنا

جوه كتاب

عطرنا الصفحة بمسك العنبر والريحان

قولنا دا يمكن يخفف من الاحزان !

أتاري الورده ...

عايزه نهار كله شموس

عايزه البسمة تطرح ...

على خد الطفل زهور .


أرجو أن تعجبك مشاركتي المتواضعة .
وتقبل خالص التحايا والسرور أخي الكريم / أحمد فؤاد

أحمد فؤاد
28-11-2005, 10:46 AM
هيا حياتنا من غير بسمه .. دي تبقا حياه

طب ما قلوبنا فيها حياه .. تملا الكون ده كله شموس


افتحي صفحة حب جديدة

و احلمي يّلا بدنيا سعيده

شوفي شموس الدنيا أهي ظهرت

حتى البسمه كمان أهي طرحت

و نسينا كل و جعنا معاها


سيبي الورده جوا كتابك

جايز تزعل من أحزانا

لكن الحب عمره ما يدبل

زي الورده تمام و حياتك

********************************



مُشاركة جيدة يا عزيزتي الغالية / عبلة , و أتمنى أنتستمري في المشاركة لتُضفي على الموضوع روعة ..


آملاً أن يشارك بقية الأعضاء معنا


و تقبّلي خالص تحياتي ..

أحمد فؤاد

سحر الليالي
28-11-2005, 01:19 PM
أخي المبدع همس الأنامل :

رائع ما تنثره هنا من كلمات ومشاعر جميلة

سلمت قلمك ونبضك

وأشكر أختنا الحبيبة عبلة على ما تنثره أيضا من جمال

لكما خالص الود والتقدير

أحمد فؤاد
03-12-2005, 10:30 AM
أخي المبدع همس الأنامل :

رائع ما تنثره هنا من كلمات ومشاعر جميلة

سلمت قلمك ونبضك

وأشكر أختنا الحبيبة عبلة على ما تنثره أيضا من جمال

لكما خالص الود والتقدير



الرقيقة / سحر الليالي



في انتظار مُشاركتكِ معنا




أحمد فؤاد

أحمد فؤاد
03-12-2005, 10:32 AM
زغروده يا أمّا صحّي كُل حيّنا
صحي كُل طِفل مَصري ..
في أرضنا ..
يقوم يكمل اللى بناه أبوه و جده
بدمهم
يا ولاد بلدي بقولكم
مليون تحيه .. ماتوَّفي حَقكم
و كفايه حفرتوا اسمكم
على أرض سينا الطيبه
و مصر هتفضل عمرها
تقول ولادى .. بحبكم


( في ذكرى السادس من أكتوبر )





أحمد فؤاد

عبلة محمد زقزوق
03-12-2005, 11:30 AM
نور الصبح زغرد ... زغروتة حلوة بحيّنا
بجمع الحبايب ويه غنوة .... وحكاية حبنا
***
شوفنا العجب في عيون حسدنا ... والعدا
ما همنا ولا هز شعرة من شعور سعدنا
***
وأتلم شمل الحبايب وضفر بالزهر جمعنا
ديه الغنوه غنوة بنت حلوة
وقفة ، وفردة شعورها جدايل
متحنيه حنه أسواني
ونقشه كفوفها بزهر الزعفرانِ
***
الليلة ليلة سعدها
والزفه للحليوه وعدها
الليلة ليلة عيد
تعالوا وهنوا
ديه البنت بنت النيل
والواد أسمراني كحيل
مع خالص أمنياتي الطيبة أخي الفاضل أ / أحمد فؤاد

أحمد فؤاد
04-12-2005, 08:03 AM
تُسعدني مُشاركتكِ يا أختي العزيزة / عبلة


لا تغيبي ... ابقِ هنا دائماً


لكِ كل الموده


أحمد فؤاد

أحمد فؤاد
05-12-2005, 11:05 AM
قُلت لها : أصبح الصبح صبحاً .. منذ أن أصبحتِ نجمة مُتألقة في الصباح


قالت : و لكن النجوم لا تظهر في الصباح !!


قُلت : و من قال أنني أتحدث عن النجوم .. أنا أتحدث عنكِ أنتِ .

أحمد فؤاد
06-12-2005, 04:30 PM
أغمضي عينيكِ .... أترينني ؟

إذن .. فلا تفتحيهما أبداً

دعيني معكِ .. إلى الأبد.

عبلة محمد زقزوق
06-12-2005, 05:16 PM
نفتح باب !!!
نقفل باب !!!
صورتك محفورة جوه كتاب .
كتبنا عليه مغلق للأحباب .

مع خالص تحاياي .
أخي الفاضل
أ / أحمد فؤاد

أحمد فؤاد
06-12-2005, 05:33 PM
نفتح باب !!!
نقفل باب !!!
صورتك محفورة جوه كتاب .
كتبنا عليه مغلق للأحباب .

مع خالص تحاياي .
أخي الفاضل
أ / أحمد فؤاد


الجميلة دائماً / عبلة


مُشاركتكِ دائماً تُسعدني و تدفعني للاستمرار في تلك الخربشات اليومية .. فلا تنقطعي عنها .



رأي بسيط ..


ما رأيك في تعديل جزء من مُشاركتك .



نفتح باب !!!
نقفل باب !!!
صورتك محفورة جوه كتاب .
مكتوب كلمة كبيره عليه
" مغلق دايماً للأحباب" .




فقط رأي متواضع ..


لكِ مودّتي



أحمد فؤاد

أحمد فؤاد
07-12-2005, 10:17 AM
ندهت عليّا سِمعتها ..

مع إنها مقالتش كلمه

بس سمعتها .. حسيت بنبض قلبها

بيقول تعالى .. شِدّني

لدُنيا تانيه .. ارتحلها

تعالى خُدني و طير في الهوا

خَلينى أبكي و أقول كلام من القلب الأبيض

لوّنلي عمري بِلون نِسيته في دنيا كرهتها

و جريت و أنا .. مادد إيديا .. أخدتها

و طلعنا نجري من غير ماتسأل حتى فين

مش مهم .. أصل المهم عندها

إن مهما يطول العمر .. أفضل دايماً جنبّها



أحمد فؤاد

عبلة محمد زقزوق
07-12-2005, 12:02 PM
سلام الله ومحبته المطرزة بمسك وعنبر
أخي الفاضل ، أ / أحمد فؤاد

نفتح باب !!!
نقفل باب !!!
صورتك محفورة جوه كتاب .
مكتوب عليها كلمة كبيره
" مغلق دايماً للأحباب" .

القافية دائما ما تحكم
وكما تشاء
فالقول قولكم فما نحن إلا ضيوف بمتصفحكم الرائع .

جميله ... كلماتكم ... دائما

و جريت و أنا .. مادد إيديا .. أخدتها

و طلعنا نجري من غير ماتسأل حتى فين

مش مهم .. أصل المهم عندها

إن مهما يطول العمر .. أفضل دايماً جنبّها
بارك الله في جميل إيداعك بيننا .

أحمد فؤاد
08-12-2005, 06:47 AM
العزيزة / عبلة


فقط وَددت أن أُبدي رأيي ليس إلا , و الرأي رأيكِ في النهاية , فما هي إلا كلماتكِ أنتِ , أما بالنسبة لوجودنكِ هنا في تلك الصحفة , فيجب أن تدركي أن تلك الصفحة ليست لي وحدي , و إنما للمشاركة المفتوحة بين جميع الأعضاء , بيد أنه لا أحد هنا يُشارك سواكِ .



لكِ مني كل تحية


أحمد فؤاد

أحمد فؤاد
10-12-2005, 11:12 AM
وفيها إيه لمّا الناس تقول مجانين

ما هو أصل الناس هتقول كده ولا كده مجانين

سواء عِشنا في الواقع أو حتى حِلمنا

دا أصله طبع بقاله سنين

تعالي نعيش ونرسم حِلمنا بإيدنا

نرسم قلوب صافية منوره

نجوم فى ليل الحب والياسمين

وشمس طالعه كل يوم تقولنا

يسلم جنونكم .. يا ولاد الحب يا مجانين

وبحر أزرق موجه عالى .. يرمينا لشط كل يوم

و طير بيرفرف بجناحاته .. ياخدنا فوق

عند السحاب

وكلمه في سِرّك ..

أنا احب أكون مجنون ..

لأن الجنون يا عمري

خلاص بيجرى فى دمنا



أحمد فؤاد

أحمد فؤاد
11-12-2005, 10:18 AM
يمكن صحيح الجنان يكون مكان ارتاح فيه

لكن ساعات بخاف من الجنان

أصل احنا نحب نتجنن

بس منحبش حد يقول علينا مجانين

أصلنا كده هنخرج من حياة اللى بيقولوا على نفسهم عاقلين

مع إن احنا اللى عاقلين

و هما اللى مجانين

و صدوقني مبقتش تفرق كتير

أصل الاتنين دلوقتي

مش عايشيين !!!!!!!!!!!!!!!!!!!!!

أحمد فؤاد
13-12-2005, 10:19 AM
قعدت قدام البحر أتأمّله .. آخد نَفس عمييييييييييق

أشوف الموج بيخبط في الصخر قدامي , وكأنه بيعند معاه ..

الصخر قاله يا بحر إنت مش قدي

أنا شديد ومفيش حد يكسرني

البحر رد وقاله .. الصبر يا صخر ..

مش هيأس .. مش هأسيب الحزن يكسرنى ..

هآجى كل يوم وأحاول .. وهأكسرك فى يوم

ولو قادر .. أبقى وقفني عن محاولاتي

سكت الصخر ... ومسمعتلوش كلام

أحمد فؤاد
17-12-2005, 05:09 PM
قامت زهور العالم باحتجاج رسمي
لأنني قمت باختياركِ
زهرة قلبي الوحيده

أحمد فؤاد
24-12-2005, 01:28 PM
قلبي بقا مش ملك إيدي
بقا علطول محتاجلكم

مليون سلام من قلبي ليكم
بحب طيبة قلبكم


إياكوا يوم تقولوا عني
فرحي مش من فرحكم


و ربي شاهد على إن قلبي
أد إيه بيحبكم




أحمد فؤاد