مشلُوحْ عا بوابْ الأمل

سيلفا حنا حنا أختي المكرمة
أهلا ومرحبًا بك في متصفح القلب والروح
دواره الدنيا دواره
واشقد بناسا غداره
لكن لما بنفهما
بننفدْ منها بشطاره
دواره دارت بكير
ماعندا كبير ولاعندا زغير
بدها تمشي كلمتها
واللي بدو يصير يصير
يالله نمشي بعكس الدرب
نحاربها بوحدة القلب
ولما يجمِّعنا هالحب
الدنيا بتحلا ياجاره
شعر
زاهية بنت البحر

يا بنت البحر
سمعها قلبو اللي
عمرو ماجفا
بنسمة عليلة من عطرو
غمرها غمر
وقلبا برعم فتَّح
من ندى قلبو اكتفى
مين اللي قال
القلب بيسكر من كاسة خمر
بغمزة من عيونو..
القلب بيسكر بالوما

وليييي على قامة القلب اللي بيسكر
شوهوي قلب معتَّر ومشحَّر
وبصالحو مايوم فكَّر
وإلا كان قدَّر ودبَّر
وماكان أبدًا راح يخسر
بس الزغَيَّر ياسيلفا بيضل زغيَّر
وبعمرو ماراح يكبر
وعجبي

وليييي على قامة القلب اللي بيسكر
شوهوي قلب معتَّر ومشحَّر
وبصالحو مايوم فكَّر
وإلا كان قدَّر ودبَّر
وماكان أبدًا راح يخسر
بس الزغَيَّر ياسيلفا بيضل زغيَّر
وبعمرو ماراح يكبر
وعجبي

قل الدفا وبرا الثلج قايمي قيامة

فضيوا الخوابي وسربوا السمر

ورح ينطفي القنديل ألزامي

وما ضل غير بعض الصور تذكار

وصمت الأبد برماد أيامي

وحدي أتركني كمل المشوار

إزرع هموم وأحصد أغناني

	احصد لحالك هم واتركني أنا لوحدي راح عيش برات العمر ماتخاف يابعدي ولك روح سافر روح ضيع بهالدني ولما حترجع بالندم راح قوم من لحدي

أهلا بسيلفا

ذكراك ببالي وعم غني باسمك

اجمل مواويل ..

عرفت سكوتك حكي وسكوتي اوهام

بدلت السكوت بالحكي وياريت ما حكيت

كان يكفيك الحب والعاطفة والحنان

قسيت من بعد غيابك .

طلع بعيني وشوف القساوة

ما عاد انت بعيوني وما عدت أنا هي

تحية لك يا أخت زاهية

ولك يابنت ماجاكي من حبُّو
غير التعب والهمّ والتعتير
مسكيني يامرمطا بالهوى
ويامشنشطة بالنوى
بيكفي بقى مشاوير
دروبو ياحلوي بالجفا
ملياني هم وغش ..جردا من الأمل
كلا لأجلو موقفا نواطير
اتركيه لحالو يسفِّ حنظل
يكتوي بنار الهوى
وانت ارجعي لميمتك
قلبك ياحلوي بعدو طفل زغير


أهلا سيلفا تحياتي عزيزتي
أختك
زاهية بنت البحر

الرائعة زاهية
من أجمل ما قرأت هنا
إعجابي الشديد

ولك يابنت ماجاكي من حبُّو
غير التعب والهمّ والتعتير
مسكيني يامرمطا بالهوى
ويامشنشطة بالنوى
بيكفي بقى مشاوير
دروبو ياحلوي بالجفا
ملياني هم وغش ..جردا من الأمل
كلا لأجلو موقفا نواطير
اتركيه لحالو يسفِّ حنظل
يكتوي بنار الهوى
وانت ارجعي لميمتك
قلبك ياحلوي بعدو طفل زغير

أهلا سيلفا تحياتي عزيزتي
أختك
زاهية بنت البحر

قالتلي ستي ..
ولك يا ستي الدنيا هيك وهيك
مرة برد ومرة دفا
خليكي بحالك يا ستي وخلي قلبك
طاهر ونظيف مثل قلب اليمامة
قلتلها يا ستي ما فيي كون مشلوحة
ع بواب النسيان
قلبي الصغير بدو يرفرف ويطير ويملي الدنيا غناني
قالتلي ستي .
لك يا ستي تقبرني هذا الهوى ألو ناسه
خبيرين بالحب والعشق عندهم ضحكة عابرة
خليكي زهرة موردة يا ستي بكرة الحب
لحالو بيدقدق ع بوابك
قلتلها يا ستي
جرحي بشاش الصبر لفيتو
وهل قلب ع باب بيتو مرقتو
كيف بدي انسى الهوى وانا بعدني ما فهمتو
عم يرجف جسمي كلما بهمسو بسمع
قولك يا ستي هذا العشق يلي عنو انا بسمع

هلا ومية غلا ببنت البحر زاهية
تحياتي يا عزيزتي

ليوفقنا الله

	ستي كانت بكوانين تعقد قدام المنقلْ وإحنا متل الزغاليل حولا بسهرتنا الأجملْ ساعة بتغني غاني وعاألحانا بتتمايل وساعة بتبلش تحكي حكايي فيها بتدلل وإحنا منقلا ياالله بدنا الحكايي تكمل بتقول جيبوا كاسة شاي حتى حلقي يتبلل نشفتو ريقي يازغار فللوا عني راح إزعل منبوِّسْ إيديها بحب بترجع تحكي من الأول ومامنتركها حتى تنام ووشا عالقبلي محوَّل

شعر
زاهية بنت البحر

هلا غاليتي سيلفا
سأسمعك حكايا ستي الختيارة فانتظريني
أختك
بنت البحر