البنت ماشية علي الارض وبتبص لخيالها
وانا ماشي وراها سامع صوت خلخالها
انا عارف طريقها البنت رايحه لبيت خالها
كان نفسي مره في يوم اجي علي بالها
سالت عنها جارتها قالت لي مالي انا ومالها
لو روحت تطلب ايدها يقولوا طمعان في مالها
ابعد عتها نصيحة يا ولدي البنت عاشقة ولد خالها
مصدقتش كلامها ورحت ارقب البنت في كل احوالها
عشقت فيها خفة الدم وعشقت فيها سواد شالها
عشقت مشيتها علي الارض كيف الغزالة في مشى ترحالها
كتبت في البنت اشعار وغزل وكتبت مواويل في جمالها
بصت مرة علي من الشباك وشاورت بس مفهمتش سؤالها
وبكل فرح الدنيا رقص قلبي الولهان وكل هموم الحب شالها
كان فاكر ان البنت خلاص حنت له وخفت عليه دلالها
لكن يا فرحة ما تمت بصيت ورايا لقيت واقف بيشاور ولد خالها