بذمتـــــــــــــك

قصيدة كتبتها صديقة عزيزة واستأذنتها نشرها حيث أنها لا تستخدم الانترنت


بذمتك قل لي حياتي كم مره هنتني
================== وكم مره ذاق قلبي منك انت اقسى عذاب

بذمتك قل لي غناتي ليه جيت وبعتني
================== وليه خفيت محبتك وسكرت عليها الف باب

بذمتك قل لي شعورك يوم انك شفتني
================== وقلت لي ببقى معاك لو بعد هالعمر غاب

ليه تسد اذنك حبيبي واتجاهل ونتي
================== وليه ما ترحم قليبي ياللي منك انته مصاب؟

لي متى بسهر وحيد ودوم تنزل معتي
================ ولي متى بقضي الليالي ومنك صايبني اكتئاب؟

انت في الدنيا يا روحي والله اشوفك مهتني
=================== ليه ما ترحم دموعها حبيبتك بنت السحاب؟

رد وعاتبني وريح لي الفؤاد ومهجتي
==================== ولو تصير الفرقا ما بيننا بيرجعها العتاب

تعال وامسح دمعتي وتعال داوي علتي
===================== بذمتك انت اتصور اني اقدر عالغياب !!

ناري في الدنيا شفتها امتى اشوف أنا جنتي
====================== امتى قول امتى رجعتك ووقت الاياب؟

صح السانج الغاليه


كلماات روووعه وجميله


تقبلي تحياتي

نسرين

(((غناتي؟؟؟)))

هذه كلمة تاروتية

من أين لصديقتك بها ؟؟؟ ( ليكون تاروتية واحنا ما ندري؟)

القصيدة جميلة المعاني ولكنها تحتاج لضبط أكثر لتزيد جمالا وتوهجا

تمنياتي لك ولها بالتوفيق

شكرا عزيزتي الدانه لمرورك

عزيزتي الخيزران

كلمة (غناتي) كلمة اماراتية يستخدمها اهل الامارات بشكل كبير
وتستخدم للدلال والحب والغزل احيانا
يعني مقربه لمن نحبهم

نسرينه