دبلانه الأغاني
على شط المواويل
وبغنى وانا وحداني
على بابك يافلسطين
أنا زرعي البدرى زرعته
دبلان على عودة هزيل
غيران وحزين
حزنان على مين؟
على دم شهيد!
عروبته بتجرى فى أغلا وريد
غيران على مين؟
غيران لعروبته
ولا على شابة بتروى الارض بدمها فى فلسطين!
****** **** ***** ********
وبغنى
ودبلانة فى غنايا المواويل
وبغنى
وغنايا حزين
وبغنى
ومعرفش بغنى لمين.. ولا لمين.
عزت عروبتنا عليك يابخيل
يازرع هزيل
متقولى..
دا دمك مية
ولا انت مافيش فى عروقك ريحة الوطنية
ولا انت بقيت والدنيا عليا
تروى الاحزان لعيدانى
تدبل على بابك ...يافلسطين
وتبكى فحضنك حطين
واهين............
واهين على زرعى البدرى
على توهة عمرى
وانا بحضن أرضى الحبلانة بزرعى
وقلبى حزين...يافلسطين
****** ***** ***** ******
شجر زتونى اتكسر
قلبى أتحسر
وسطى انكسر
لكن ولآدك عارفه حل المسألة
ع الدرب لساها بتعزف ملحمة
ولسه القلوب بنبضك مغرمه
ومشين نلملم م الأرض غصون زيتونك
المكسورين.......
المقهورين.......
الدبلنين..........
الى اترمو على ارض المسيح
على نفس دوسة قدمه
على طريق الآلام
ابنك ياقدس قام
يكمل رحله المشوار
ينشر على الدنيا السلام
واقف على باب حطين
بينادى فى الوقفين
أنا ابنك يافلسطين... أنا ابنك يافلسطين
******* ****** ****** ****
واقفين بنشرب
دى ميـا
ولا دا دمنـا
دم الى راح من ولدنا
عزيز علينا كلنا
ماكنش بخيل
ولا كنش كسيل
كان يروى الأرض بعرقه
ويوم م احتاجت دمه
م كنش بخيل
آم يروى الأرض بدمه
والكل كانوا واقفين
والكل كانوا شاهدين
مرسوم فى عيون ملايين
واقفين
شايفين الروح بتهون
والدم عيون
تتفجر فى وريد الكون
تروى الزرعة الدبلانه فى حضنك
تكتب على أرضك
العمر يهون
فدا عمرك يافلسطين
****** ****** ***** *
واقفين..بنكمل شربنا قهر
وبنقطف عمرنا زهر
علشان مانسد المهر
ياغالية
ياعزيزه.......يافلسطين
يام عيون حلوين
يا آمالنا
ياحلامنا الجيين
وأحلامنا الضيعين
أنا حالف
لأركع على بابك
على أرضك...يافلسطين
يوم فرحك
يوم توبك مايزهر على أرضك خضرة
زيتون ..... ياسمين
وهبوس الأرض على عتابك...يافلسطين
****** ***** ***** *****
أنا حالف لأفتح بابك باديا
أنا حالف
لأرجع بالناس
مرفوع الرأس
أنا حالف
أجيب الملايين
ونرجع من تانى حطين
وهنسكن فى القدس الغالي
هنصلى مع الغاليين
على روح غاليين
وهنكتب اسم شهيدك
على بابك
على كل دروبك
على توبك
على أرضك
على قلب يحبك
وشجر زيتونك
ولممونك
على قلبك
وف حضنك
وعيونك
أغلى الغاليين...يستاهل
يرقد على حجرك
تاخديه وف حضنك
يسند على كتفك
ياميرة
ياجميله
يابلد الانبيا
قلوبنا فى حضنك مكفيه
تبكى الفرقة بحرقة
وتبكى الغاليين
يافلسطين
*****************
Dr. Fawzi Abou-Donia