مسير جرحى

مسير جرحى فيوم هيخف
ومسير دمعى فيوم هيجف
مسير الحب ابو جناحين
هيجى يردلى قلبى
يولع شمعة فى دربى
ويمسح دمعه من حبى
كانت جريت على الخدين
*** **** *****
مسيرك يوم هترجعلى
وتطلب شمعة من شمعى
ودمع الحب فى عيونك يبات ينعى
هتطلب من بحور عفوى
مراكب حبك الغدار
وتتمنى نعيم حبى
ومش هتلاقى غير النار
ويرجع حبى ابو جناحين
هيرجعلى مع قلبى
يولع شمعة فى دربى
ويمسح دمعة من حزنى
كانت جريت على الخدين
*** **** **** ****
مسيرى فى سكتى هرتاح
ويطرح زهرنا تفاح
ويملالى الليالى افراح
وتبئا فى البلاد سوح
تلاقى الفرح كله جراح
وترجعلى
تقابلك فرحة من فرحى
وتشتاقلى
اكتر ما كنت انا بشتاق
لفرحة بتسعد العشاق
ويطير قلبى ابو جناحين
يفرق فرحتى ف دربى
ويمسح دمعة من حزنى
كانت جريت على الخدين
*** **** ****
مسير الذل فى عيونك
هشوفو وانت جاى مكسور
ودمع الحزن فى جفونك
يدور عن طاقات للنور
وتمشى فى دروب ذنبك
وحيد حيران
حزين
مقهور
بتشكى خطوتك المك
وقلبك م الضنين محسور
وتفرد بالالم ندمك
وانا بفرد طريقى زهور
ويجى الحب ابو جناحين
يولع شمعة فى دربى
ويبدر فرحة من فرحى
لاليها اد ولا حدين

الشاعرالشعبي الرقيق / فتى مصر ..
قصيدتك في غاية الرقة والجمال
حملتها عتابك وأترعتها حبا وشوقا
بإسلوب جميل وواضح ..

دمت جميلا .

واسمح لي بنقلها إلى مكانها الصحيح .

ولك مني خالص الود .

اشكر لك مرورك وتعليقك الجميل وتشجيعك لى
لك منى التحية ومن ارض النيل السلام

واضح انى لازلت لم استوعب اماكن النشر بالواحة

ههههههههههههههههههههههههه ههههههههههههههههههههههههه ههههههههههههههههههه


بصراحه باين فعلا انك لسه ماستوعبتش اماكن النشر فى الواحه


بس فعلا كلامك حلو وبحس ان دمك خفيف يمكن عشان انت بدأت بالأدب الساخر


وللمره الثانيه بقول لحضرتك انا بكلمك من غير حواجز لأنى حبيت قلمك


منى حسن

اشكرك ياستاذة منى واشكر لكى مرورك
مش عارف لية انا حاسس انك مصرية
وخفة دم المصريين فى ضحكتك
دا مش غزل
بس دا احساس
وانشاله يارب تمرى كتير واشوفك ضحكتك دى كتير
ونتحرمش منها يارب

وسلامات ... طيبون
يامنى بابنت الاصول
يام ضحكة فى العلالى
بالهنا دايما تلالى
نور بيضوى فى العيون
ضحكة صافية
وقلب ابيض
فى غضبته دايما حنون
اية ياناس جرا للكون