وإحنا لسه فى عز نومنا

[frame="2 50"][align=center]وإحنا لسه فى عز نومنا
وإحنا لسه فى نص ليلنا
قام مؤذن المدينة وقام الادان
الله اكبر
حى على الصلاح
صحيو البشر كلهم
وفضلو يبصو فى وشوش بعضهم
لا الفجر لسه مد خيوطه
ولا نوره آن له أوان

[U]سال الملك إمام الجامع وقال ........[/U]
اية خلاك تصحينا قبل الاوان
اية خلاك قيمت الادان

[U]رد الإمام وقال .......[/U]
وانا نايم
وانا فى عز المنام
لقيت الدنيا حبلانه بفجر جاى قبل الاوان
بس مش لاقى المكان
وحالف ماينزل نورة
الا وقلوب كل خلق الله خالية م المعاصى
وان كل خلق الله لازم تشاهد مولدو
وتشهد على قدومه
يلفو فى موكبة ويشهدو نوره

[U]رد الملك فال ........[/U]
ما عن الفجر نزل
ولاجه له صباح
وبدل ماتقول حى على الصلاه
تقول حى على الصلاح
انت الى ناقصك يامام اصلاح
طيرت نومنا ياجبان
عايزين ننام
نشبع احلام
انت حلمك خلص
واحنا لسه حلمنا آيم يبان
جه الفجر جه
مجاش عنو مجاش
احنا معاصى معندناش
واهى الشموع ايدة لنا
ونورها اهو ببلاش
ما قلق نومنا ولا صحناش

[U]رد الإمام قال ......[/U]
الله اكبر يا ملك
فوق م الثبات
الليل حطم ضلوعنا م النعاس
هو احنا اهل الكهف
ولا احنا مش زى كل الناس دى ناس

[U]رد الملك وقال ...[/U]
اخرس ياجبان
الصمت ساعات افضل من الكلام
تعبنا مايكفينا
خلينا نايمين
قوم روح ونام
وقول ليلتك الكئيبة
إياك تصحي لنا منام
وقول لفجرك عنو ماجا
ولا عنو كان
وان جه معادوه
اوعى تطلع المدنة
ولا اسمع لك ادان

[U]عاد الاماما يبكى ويقول .....[/U]اصعب ما فى الايام
اصرخ بقوله لا
وترتد صرختى ف جوفى
واسكت عن كلمة الحق
وتوه كلمتي من حروفى
وتسكن كلمتى ف خوفى
يا كلمتي
يا منيتي
يا صوت ضميري الحي
يا بلسم دوا جروحى
قهر الليالى عمرو ما هزمني
ولا هزلي جروحي
رد الملك وقال ......
هاتو الراجل ده واشنقوه
وعلقو راسو على باب دار ابوه
وكل الى يمشو وراه يحصلوه

[U]صرخ الامام وقال ........[/U]سلمولى ع البلد دى
والى ساكن فى البلد دى
والى عدى
والى لسه جاى...... يعدى
والى جه اوانة
والى لسه أوانه ماحصلش...... عندى
سلمولى ع السواقى الى اتكسرت قواديسها
والشوارع الى اتكسرت فوانيسها
سلمولى على قال الحق حق ...... مقالش زيف
والشجر وهو واقع ورقه فى .......الخريف
والطهارة ف قلب طيب وديما عفيف
والى كفة مليان طهارة و ديما نضيف
سلمولى على ابراج الحمام
الى سكنتها الحدادى والغربان
واراضى القمح مقمحة قضبان
سلمولى ع السنابل والعيدان
والى انكسر فيوم ماقام
والجوامع
ولمدنه وهى عاشقه الادان
والى شايل لسة عشقه جوه قلبة
ويوم ماخان
والى صان الود
وعمر الود علية ماهان
والى ضحه بنفسة وعمره ماكان جبان
سلمولى ع الصبايا الى فيها
والدفا الى ساكن حواريها[/align][/frame]

أخي الكريم الدكتور فوزي
سعدتُ بقراءة قصيدتك الجميلة المليئة بالمعاني السامية
أشكركَ عليها وتقبّل خالص تقديري واحترامي
أخوك
محمد سمير

احنا معاصى معندناش

\
\
بيت القصيد رأيته
وبان لي الافصاح


كم هو حرفك مبهر

والاذان ... كمان

أخي الحبيب فتي مصر
كنت قد كتبت رداً شعريا غاضبا
و لسبب ما لم أستطع النشر ففقدته و لم أستطع إعادته أو تذكره
و لذا سأكتفي فقط بالغضب من جهازي
و بالشكر لك على هذه الرائعة
تحياتي

الى اخى وحبيب قلبى د جمال مرسى
تعالى معى نغضب من جهازك الذى حرمنى غضبتك
والتى ارجو الا تكون على او على كلماتى
ولا هبطل كتابة على طول ههههههههههههههههههههههه
اسعد الله ايامك فلا تغضب اخى يابنفسج يرفض الذبول
وحشنى والله كثيرا طمنى عليك

الى اخى وحبيب قلبى د جمال مرسى
تعالى معى نغضب من جهازك الذى حرمنى غضبتك
والتى ارجو الا تكون على او على كلماتى
ولا هبطل كتابة على طول ههههههههههههههههههههههه
اسعد الله ايامك فلا تغضب اخى يابنفسج يرفض الذبول
وحشنى والله كثيرا طمنى عليك

لا و الله أخي الحبيب د. فوزي
و أنت تعرف مقدارك في قلب أخيك
كانت غضبتي شعرية تماشيا مع قصيدتك و لكن لم يحالفني الحظ
و أنت تعرف صديقي الغالي أن شعرك مما يستفز قريحتي فأتجاوب معك و إن لم يكن يعجبني لما فعلت و كنت نصحت
فكن مطمئنا و أهو البطيخ الصيفي بدأ يطلع
تحياتي و ودي

ماروع قلمك ايها الفارس سلمت لنا
وطمنت قلبى الله يطمنك
بس ياريت تقولنا اية رئيك فى العترة الجديدة من فيروس الحمى القلاعية
دمت لنا فارسا للكلمة الجميلة الطاهرة وعالما مبجلا
اخوك د فوزى ابودنيا