حوار الاصدقاء .. ادم وحواء / 2

احسان
العبره والحسرات يكدر عليهه
دنيه وبلايه الضيم شيسوي بيهه

مياده
الكسره بالدلال مو ساعة وتفوت
اتعته عت الروح بس تشهك تموت


من الجزء الاول للحوار
>>>>>>>>>>>>>>>

احسان
زين انته بالدلال كسرك تبالش
آنه اصبحت حيران شو كلبي مامش

مياده
دورت كلب احسان بس ما لكيته
ثاريه يم اهواه عينه اعله بيته

احسان
مو بس كلب والعين انطيهه لهواي
خليني أظل مكفوف خل امشي بهداي

مياده
مكفوف تمشي هداي منهه وتكفيت
سيف واغمده جلاي ما ظني وفيت

احسان
سيف وتغمده جلاك كلش بسيطه
جسمي الطعون البيه رسمت خريطه

مياده
حافي اعتني الجمرات واتزوهر الماي
وازحف زحف مصيوب بس اوصل اهواي

احسان
زين انته عل جمرات زين انته عاقل
آنه من اروح اهواي اسحك قنابل

مياده
تدري العقل يهواي مثل السفينه
لو يوصل لتاليه لو غركه زينه

احسان
ما يغرك آنه ادريه من زغره يعوم
والبحر لو طوفان يلزم بلنجوم

مياده
لو تدري هاي الناس العقل زينه
ماتنشد الغركان حال السفينه

احسان
العقل زينه ايصير عد اليعقلون
شافوني فوك الغيم حسبوني مجنون

مياده
وشعندك اعله الغيم صاعد يحسون
مو حكهه هاي الناس تحسبك مجنون


ودوما هناك بين الاحباب .. بقية


محبة

محاورة جميلة
الله يحفظنا واياكم
ويدوم علينا نعمة السلام
والوطن
ينابيع السبيعي

شكرا لورودك ياينابيع العطاء والمحبة





محبة

من جديد ابثها معتقدا بالقصة الرائعة قلم رائع

من جديد
اشكر الصباح المشرق



محبة