مصر امى وانا ابنها - مفاجئة

كانت هذة فكرة الاستاذة صابرين الصباغ صاحبة القلم الجميل وكلنا يعرفها قاصة مميزة القلم والمفاجئة هنا
انها سوف تقدم لنا جميل ماعندها من شعر العامية

لملمينى جوة حجرك
وافحريلى قبر ف قلبك
مانا ياما برضة ابنك
اوعى عنك تبعدينى

ياما ياصابرين وزاهية
اوعى تبقى عنى ساهية
لو عاشانك اروح ف داهية
بس اوعى تنكرينى

يامو نيل يملا الاوانى
اكتبينى الاولانى
مهما ببعد باجى تانى
ليه بترضى تغربينى

الكيلات قمح وملانه
كل خير ياما حدانه
وانتى ف رقبتى امانه
لية تفرطى وتسبينى

اكتبينى ع المعابد
عمرى طولو ياما ساجد
بالايمان ياغالية عابد
مش حرام تكفرينى

	جميل كعادتى بك والأجمل مفاجأتك الشكر لك وللأستاذة صابرين الصباغ التى جعلتنا نرتوى بهذا الفيض الراقى من الكلام

حق لمصر أن تزهو بأبنائها، قد وسع عشقهم لها زوايا الكون كله

شكراً لك دفوزي، وشكراً للمبدعة العزيزة صابرين
والشكر موصول للمعشوقة الجميلة التي فجرت كل هذا الإبداع

تحياتي وتقديري
إسلام شمس الدين

بكتبك بحروف النور ياشمعة لدروبي

فوق جدارن المعابد النصر ف حروبي

ياستري وأمنى وف عز البرد توبي

ياولدي وسندي وكل شروقي وغروبي

......................

طول عمري عالية بيك ماعرف مطاطية

دنا بحري قاسي هادر والعدو مراكبيه

واللي يرضالي الهوان تدوسه رجليه

بخيوطي أفصل له كفنه ادفنه بإيديه

دنا مصر . أم المصري وبنتي مصرية

عمرك ماكنت التاني يانقطة من دمي

فوق أرض قلبي تمشي أكبر لك واسمي

قولي من غيرك يشيل في الدنيا همى

انت غالى ياأبني واخويا وابويا وعمي

عمرك ماكنت التاني يانقطة من دمي

ياما انتى ياغيورة
يام ضحكة فدان وتورة
مرسومالى ف كل صورة
الربيع فات وانتى وردة
مرسومة فوق كل قورة
المحن عدت وشايلة
مارمتينا لضرورة

ياما عطفك ياحنونة
العساكر عذبونا
نفسنا مرة يسبونا
او ف يوم يريحونا
مايلعنو ميتين ابونا
ياما قسيو وجننونا

ياما عايزين تبق صورتك ف العالالى
ياما عايزنك نجم عالى
ياما عايزنك تلاالى
معجبانية وصبية
اتباها بيكى
وانتى ياما اتباهى بيا

ارسمينى ع الجبين سكة ودليل
مهما كان الليل طويل
مش هقولك مستحيل
ارسمينى فوق ايديكى
فوق عنيكى
فوق ضيا نور لياليكى
واحضنينى بقلب ياما
نفسى احس بطعم ضمه
اوعى ياما تهملينى

اكتبينى ع الجوامع
والامل والفجر طالع
وارسمينى ع الكنايس
اغلا ولد واغلا فارس
ع الحدود خلينى حارس
ع العدو خلينى دايس
ابدرينى ف كل ارضك
املى بيا كل صدرك
قمحتى تطلع بلونك
غنوتى توصف عيونك
وقفتى توصل لطولك
يومها يبقى قولى قولك
وابقى لمحة ف ضى نورك