... حرف س ...

حـرف س

******

صدقيني

لو حقولك قلبي حبك

مش كفاية

أو حقولك يوم عشقتك

مش كفاية

حبي ليكى بدون مجامله

اللي زيه ماتوصفش

في اى قصه أو رواية

حبي ليكى هو عمري

أبتديته وعاش معايا

حبي ليكى هو فجرى

يوم ماهل وشاف سمايا

حبي ليكى هوة زادي

هوة بسمه في يوم ميلادي

هو شمعه

نورتلى سنين شقا يا

صدقيني

مش مهم تكوني عارفه

انك انتى

رغم طول البعد عنك

كنتى دايماً جنب منى

و ف كياني

قلبي عمره ماكان أناني

ولا حاول بعد منك

يبقى عاشق حد تانى

دول تملى بيسألونى

أنت ليه كل القصايد

تبتديها بحرف س

تبقى مين

دى اللي ساكنة

جوة شعرك من سنين

صدقيني كنت أقول

الأجابه والله صعبه

والحروف جوا يا هيه

والبداية حرف س

علمتني ازاى أحب

وعمري ما جرح أي قلب

علمتني ازاى أسافر

أو ألف الكون أهاجر

لجل أوصل للحقيقة

والحقيقة أنى عاشق

حرف س


********

ملك الحروف

مالقيتش غير حرف السين
مالحروف كتير وانت ماليكها

اصل السين اول حرف ف كلمة سجن

حاجة صعبة ياملك
لية تزنق نفسك ف السجون
والحرية قايمة نايمة ف كل الكون
فيها اية الحرف دوه لو يبقى نون
النجاة م الحبس اسلم
والموت م الحبس ارحم
يبقى ليه تروح خلف قضبان وسجون
فك يابنى
قبل م الايام هتجرى
وتلتئى نفسك سجين
مش هتلقى حد يسئل مرة عنك
ولا تلقى قلب يتمسح ف قلبك
ولا حد يجى مرة ويسئلك
طب انت مين
يبقى لية تربط حياتك كلها بحرف سين
حرف يبقى اخرتو تملى طين
فك يابنى
اتوضا يلى وقوم وصلى
وادعى يالا لاخوك كتير
ع النصيحة
والكلام الى ينجى من دبيحة
وكل يوم بعدو فضيحة
م العيال والبيت ومصروفو والامه
اسئل الى خرج ماعدشى من عياله
او من كتر رغى مدامه
وطلبتها الى ودتو لجنانه
فك يابنى
فك يابنى