ثلاثيات ورباعيات سامح الشبة

علمونا إزاى نكتب الحروف
وإزاى نواجه كل خوف
ولما جات فرصة المواجهة
تعالى معانا اتفرج وشوف

المبدع المتألق الرائع ...سامح

صفق قلبي لك ... وأنبسط

الأستاذ الفاضل / خليل حلاوجى

سعيد باختيارك واحدة من الرباعيات التى كتبتها ، وأشد سعادة كون قلبك قد فرح وانشرح .

تقبل تحياتى وتقديرى

( 24 )

أيوه علمتنا الدولة ومابننكرش
وخادت بروزم الروزم وماخلتش
وزرعت فى عقولنـــا مبدأ
اللى معاه قرش يساوى قرش
*****

( 25 )

الجهات الأصلية فى بيتنا مخرفة
فى الجنوب صورة لبنت مِدمعة
وفى الشرق عجوز بهدوم مِرقعة
وفى الشمال لولد فيه النار مولعة
*****

( 26 )

اكتب يا أديبنا اكتب واكتب
مهما كانت تحتك الأرض
بتتشق .. اكتب واكتب
ولا كانت فوق رقبتك سكينة
بتدق .. اكتب واكتب
ليوم يغيب فيه القمر
وينشق .. اكتب واكتب
*****

( 27 )

صنعت فى يوم عربية لعبة
بأربع عجلات وموتور شِحته
مشت العربية ببطء وبسرعة
وكان اللى سايقها الواد سِعده
*****

( 28 )

كنا زمان أطفال شاطرين
فى الجد واللعب والحب
ولما كبرنا صبحنا خايبين
فى الحب والصدق مش نافعين
*****

( 29 )

طقت فى دماغى فكرة وراح أعملها
أجمع أعلام بلادى واظهر معالمها
وألغى كل الحدود ويبان أصل معدنها
قبل قرارات الكراسى وكدب عاملها
*****

أنا قلت أعدي ع الحروف أقرا لكاتبها وفي عيني طرف الشوف هيدوق مكاتبها لمحت عيوني كلام في ساعتها قلت : الله معرفش إن الفؤاد هو اللي كاتبها

تقديري لحرفك أيها المبدع

أنا قلت أعدي ع الحروف أقرا لكاتبها وفي عيني طرف الشوف هيدوق مكاتبها لمحت عيوني كلام في ساعتها قلت : الله معرفش إن الفؤاد هو اللي كاتبها

تقديري لحرفك أيها المبدع

أستاذى العزيز / إكرامى قورة

ابن النيل ، ابن عروس البحر المتوسط " المنصورة " الجميلة .

شكراً على هذه الكلمات العذبة التى نبعت من قلبٍ محبٍ لأخٍ يحب حرفك .

تقبل تحياتى وتقديرى

( 30 )

كلمة الآهـ فى لسانى بتقول آهـ وآهـ
لما تيجى تقول الآهـ آهـ وهى آهـ
ولما تيجى تقول الآهـ وهى مش آهـ
فيحسدوك على حالك ومن قولة آهـ
*****