ثلاثيات ورباعيات سامح الشبة

( 50 )
مش من حقى ولا من حقك
افتح بقى ولا تفتح بقك
امشى براحة وجنب الحيط
وبص ف صورتك وصورة جدك
*****

( 51 )

عشت قصة حب وكتبت قصايد
فيها المتهنى والشقى والفريسة والصايد
فيها الشهيد والجبان والضعيف والمارد
الكل فى عذاب والكل جحود كايد
*****

( 52 )

ما بين نفس ونفس
آدينى عايش وبتنفس
وما بين سلوك عريانة
خايف لتتلمس
بمشى وأنا ف سكتى
شايف وبخَمِس
*****

( 53 )

كل البيبان المفتوحة اتقفلت
حتى الشبابيك المواربة اتحشمت
واتحجبت واتستت واتهننت
وف أوضه ضلمه اتربطت واتكممت
*****

( 54 )

ريان يا عرب ريان
طلقه من ده أو ده سيان
مادام بيصيب الهدف بنجاح
يبقى يستحق أعلى وسام ونيشان
*****

( 55 )

ضاعت منى خطوط الطول والعرض
واختفت ملامحى وأنا ع الأرض
وانعكست المراية واتبدلت الأرض
وصبحت واحد تانى بطول عرض
*****

( 56 )

حرمونى أنطق رقم ستة بالإنجليزى
أو أبص على أى ست يا عزيزى
لأن كدا عيب وغلط ومايصحش
تقف جانبى ف الطابور الحاجة زيزى
*****

( 57 )

دستور يا سيادنا دستور
قررت ألبس كستور
قبل ما يجى علينا الدور
وتدور بينا الساقية بأى تور
*****

( 54 )

ريان يا عرب ريان
طلقه من ده أو ده سيان
مادام بيصيب الهدف بنجاح
يبقى يستحق أعلى وسام ونيشان
*****

	سامح الشبه بعض من كل الجمال الذى يتوغل فى الرباعيات جميعها إخترت إحداها لأشكرك على الجميع قلم يعرف كيف ومتى يكتب

	سامح الشبه بعض من كل الجمال الذى يتوغل فى الرباعيات جميعها إخترت إحداها لأشكرك على الجميع قلم يعرف كيف ومتى يكتب

الشاعر الكبير/ علاء عيسى
شكراً لقلمك الذهبى بين كلماتى المتواضعة .
وشكراً على رأيك فى رباعياتى التى زادتها قيمة وجمالاً .

تحياتى وتقديرى