ثلاثيات ورباعيات سامح الشبة

( 11 )

قول للحمار يا حمار شى هايمشى
وقول يا بنى آدم إمشى ما يمشى
مهما ضربته بالعصا والسوط
اللى ف دماغه ف دماغه هايمشى
*****

تسلم إديك يا سامح باشا
على دا الكلام المستاهل
وكأن شعرك دا بغاشة
يا حلو ما اتقال والقايل

تسلم إديك يا سامح باشا
على دا الكلام المستاهل
وكأن شعرك دا بغاشة
يا حلو ما اتقال والقايل

ويسلم لى وجودك يا / على باشا

وتقبل تحياتى وتقديرى

( 12 )

الدنيا سجن كبير وعجيب
فيه الحبيب فى ضل حبيب
لو غابت فيه يوم الشمس
ما تعرف قريب من غريب
*****

( 13 )

قمت أصلى الفجر لله
وأدعى ع اللى ربنا نساه
يارب خد بإيد الظالم
وعلى جهنم .. ما تسمع نداه
*****

( 14 )

الدنيا بنت حلوة مؤدبة
لابسة طرحة بيضة منقطة
ماسكة بإيديها نار مولعة
للى يقرب منها تولعه
*****

( 15 )

ع الفول صحينا وافطرنا
واتغدينا واتعشينا ونمنا
ورجعنا صحينا وقومنا
لقينا طبق الفول ملازمنا
*****

( 16 )

ألمح فى عيون الناس كلام
يجيبوا فى سيرتى كتير ما نام
أفكر ودقق فى كل نظرة
أقول دا علام مش كلام
*****

( 17 )

غنيت للناس أغانى ومواويل
ورقص الشجر ومال النخيل
وفرح النهار وسهر الليل
ونسينا زمنا وارتضينا بالبديل
*****

( 18 )

قلت الوطن بيتباع يا رجالة
ومافيش حاجة أغلى م الكرامة
قالوا لنا الحكاية بسيطة خالص
حبة جاز على بنزين وولاعة
*****