|
الخوف من منتهى حــــب العواطف مليح |
مادام طيف الصراحه ما ظهر له وضوح |
بعض البشر في غرامه كذب هذا صحيح |
والبعض الأخر بحبه فاق صمت الجروح |
لكــــن تأكـــد بأنـــي فـي حياتــي صريح |
واملك مع الصدق بحساسي لمثلك طموح |
اطلـب ضمانــات تحلف لـك بأني جريح |
وأجيبهـــا مـــن عيوني قبـــل عني تروح |
لا لا تهّــــرب بعمرك خل وضعك مريح |
السالفــه روح حبت بيـــن الاحبـاب روح |
عمر العمر ما وقف بين الأحباء طريح |
يمنع سريـــان مفعــول الغــلا كالصروح |
الحب قصـة عظيمـــه ما كتبهـــا المديح |
كـــل الجمل في ثنايــاها تنـــافي المزوح |
ترى خراب السفينه شــك من مستريح |
علـــى الارائـــك وغيــره دم قلبــه يفوح |
دام الثقـــه بيننا فيها من الشــــك ريح |
لا فائـــدة لــو قضيت العمر لوعة ونوح |
عطني اجابه صريحه واضحه بالفصيح |
تمشي معي أو تراجع دام مانتب لحوح |