قولي لـــــ سعد

قولى لـ سعد


سابوا الحمار يجرى لجهاتنا الأربعة
واتشطروا ع البردعة !
هيه كده
فيه ناس نصيبها الزغزغة وْ
فيه ناس تصيبها الزعزعة !!
وف وسط وسط المعمعة
خايف عليكِ يا منال
نخلك بِموت والبخت مالْ
خايف يميل الزير ومانلقاش نواية تسنده
حتى ولا ربطة عقال !
واقفة على سكة أمل
بتكفنى بشالك على خد الطريق مليون سؤال
إمتى يجيكِ النصر ؟ والرؤية معادها فات
ولا هلش على عيونك هلال !
آه يا منال ...
يا ام العيون فيها التاريخ نايم ف تعسيلة
بدون حيلة
يبكى على ست المحاسن والجمال
واقفة وكلاب الأرض تنهش لحم عزّك
نبض قلبك ينجرح ينزف يهزّك
والسكوت ف عيون ولادك
يترسم ف الضلمة شيخ
بيهز عمة ضعفنا ويقول : حلال !!!
....
آه يا منال
والكل نال منك نصيب
بيزيد على وصف الخيال
والمشكلة تلقى خيوطها ف جملتين :
" مين خاف سلم "
" واللى اختشوا ماتوا " ... وخلاص
ولأننا .. ما نخافش لكن نختشى
بنموت كمد
لكنهم .. جُبَنا .. يخافوا ما يختشوش
كاتمين على نفس العباد زى الوحوش
قتلوا ولادك يا منال
ولا قامش واحد م الرجال
علشان يحوش
الكل خايف إن شمس الحرب تلسع سِحنته
يسقط قناع الجعجعة عن خلقته
يصغر .. يبوووش
يصرخ يا بوووش !!
ولا يسمعوش
كل الوشوش نظرات تنافق بعضها علشان ريال !!
مش قلت لك : نخلك بِموت والبخت مال
والترس دار
وف كل لفة يدور ف دار
ويعود إليكِ ف لفته
قولى لـ"سعد" يفوت بجلده
" سعيد" ف جلده بموت ولا حدش بيسمع صرخته
قولى لـ" سعد"
"الثور"أبو "أبيض" كالوه
لما لقوه واقف لوحده ف دخلته
يا حسرته
اللى يشوف موت الصديق ولا يتعظ من خرجته
يا حسرته ..
يا حسرته ..

ما في فْ جرابي يا صديقي غير دموع
ومفيش كلام..
حتى ابتسامي صار ف وسط الزحمة زحمة دي المشاكل يا صديقي كالصريع



لي عودة تستحقها القصيدة يا حبيبي

الله الله
وخد كمان

منال مال بيها الزمان
وحمارها فاته زمن الإستنساخ
قال يا حسرتي
كان نفسي يعملوا لي
وش زي بوش
لجل ما أحط وأشيل عليه
من دم الضحايا وأشبعه برسيم
يمكن لما ينهق يقول
داهيه تاخد صهيون
لكن الزمان لما يميل
صعب ينعدل ويه الحمير

شاعرنا الرائع / إكرامي قوره
تقبل مداخلتي فمن صدق حرفك جال فكري وتواضع حرفي .
تحياتي وتقديري لرائعتك

رائعة أخي إكرامي

جميلة جدا

سلم قلمك وفكرك

كل إعجابي وتقديري

كلام يحرك قلب الحجر
ما ابدعك
اسمح لى بهذة المشاركة

	قولو لامالنا السعد مات لما نطق دم العروبه ايات سكات لما لبس توب العروبه ماكنش مات والفو عنه رويات وقالولنا عنا كتير حاجات قالو انه مصلوب ع الريال يجيبه عيش لجل العيال بس العيال اتملمت تحت مطر م الطيارات بتصب فيه صورة الممات يقتل ف زمن الامنيات الطهر وعفاف البنات قولو لامال الدمع حجر ف العيون بقى دمع قاسى مش حنون مبقاش بطيبته بتاع زمان رافض لسعدى يغسله والى استباحو عرضنا ناس مننا قتلو البراءة ف راءينا واتكلمو بدال مننا روحنا وموتنا ف جلدنا مبقاش لنا غير الكلام سعدى اما مات اخر كلامو كان لنا خلو انتو بالكو م العيال ومكانش يعرف انهم تحت الركام

ما في فْ جرابي يا صديقي غير دموع
ومفيش كلام..
حتى ابتسامي صار ف وسط الزحمة زحمة دي المشاكل يا صديقي كالصريع



لي عودة تستحقها القصيدة يا حبيبي

جبل المشاكل في الفؤاد
كاتم على حلم الضعاف
ودموعنا بتزيد البلاوي
مستني يا أحمد عودتك
طلع حروفك م الجراب
والعب يا حاوي

لك كل الود والتقدير أخى العزيز.
تحياتى.

يا حسرته
يا حسرته
اللي يشوف أطفال كما البدر اللي هل
تحت الركام في قلب قانا اللي انقتل
أو ألف ست ف. كل لحظة بتندبح
في القدس أو بيروت و في دير البلح
و لا يتعظ
و لا يكتوي
و لا حتى يصرخ ما الألم
و يقول حرام
يا مجلس الأمن الجبان
يا كلاب في هيئة الأمم
الدم زي النهر يروي سهل لبنان المباح
سكت البشر
و كأن احساسهم حجر
آه يا خبر
الشعر عاد ما لهش عوزه ف. حربنا ويا الجبان
دلوقت دا صوت النيران
صوت الأذان
لما يردد في المدى
الشعر ضاع صوته سدى
ما فاضلش غير صوت الجهاد
لكن البلاد
اللي زمان كانت بلاد
يا حسرتي صارت رماد
و الخلق فيها من جماد
يا سندباد
فينك تعبنا ننتظر
صوتك صبح ضايع و لا عاد له صدى
فبلاش تردد اغنياتك في الفضا
خايف يصيبك مثل ما صاب أمتي
و لا حد هيجاوب ندا
و لا حد فاضي غير لرقصهْ
أو للحن تردده نانسي و صباح
الكل مهزوز أو جبان
الكل مشغول بالعيال أو بالضمان
و الضمان ؟!
فين الضمان ؟
ايه اللي يضمن ان دوره مش هييجي بعد لبنان الجراح
يا سندباد .. اسكت عن القول المباح
و انعم كباقي أمتي
و اقبل شروط العم بوش
و لا تعصيهوش
أحسن تدكك طياراته م. الفضا
و ساعتها هتنول الرضا
لما تقول هسكت خلاص
هسكت خلاص
هسكت خلاص

أخي الحبيب د. اكرامي
لم أستطع مع رائعتك إلا أن أتجاوب و قلبي يدميه الأسى على ما صرنا إليه
تقبل تحية محب غاضب

	[QUOTE=إكرامي قورة][align=center]قولى لـ سعد [سابوا الحمار يجرى لجهاتنا الأربعة واتشطروا ع البردعة ! هيه كده************ وف وسط وسط المعمعة خايف عليكِ يا منال********** خايف يميل الزير ومانلقاش نواية تسنده ********* بتكفنى بشالك على خد الطريق مليون سؤال ********** آه يا منال ... يا ام العيون فيها التاريخ نايم ف تعسيلة بدون حيلة ********** يبكى على ست المحاسن والجمال واقفة وكلاب الأرض تنهش لحم عزّك نبض قلبك ينجرح ينزف يهزّك والسكوت ف عيون ولادك يترسم ف الضلمة شيخ بيهز عمة ضعفنا ويقول : حلال !!! .... آه يا منال والكل نال منك نصيب بيزيد على وصف الخيال والمشكلة تلقى خيوطها ف جملتين : " مين خاف سلم " ********* " واللى اختشوا ماتوا " ... وخلاص ********** قتلوا ولادك يا منال ولا قامش واحد م الرجال علشان يحوش******** " الكل خايف إن شمس الحرب تلسع سِحنته " يسقط قناع الجعجعة عن خلقته ********* كل الوشوش نظرات تنافق بعضها علشان ريال !! مش قلت لك : نخلك بِموت والبخت مال والترس دار وف كل لفة يدور ف دار ويعود إليكِ ف لفته&&&& قولى لـ"سعد" "الثور"أبو "أبيض" كالوه لما لقوه واقف لوحده ف دخلته يا حسرته اللى يشوف موت الصديق ولا يتعظ من خرجته يا حسرته .. يا حسرته .. د. إكرامى والله ما قايل حاجة هه

يدهشني ويعجبني سيطرتك على ربة الشعر ، وأراك ترتقي بمفردات العامية المصرية رقيا عاليا وتسمو بها فكان ولم يزل لدي قناعة بأن مفردات العامية ضعيفة وأقل بكثير من الفصحى ولذا أرى بأن الذي يكتب بالعامية يجب أن يكون موهوبا موهبة كبيرة بحيث يستطيع من خلال هذه الموهبة أن يرقى بالعامية وينفث فيها من روحه وموهبته ، وهذا ما فعله شعراء العامية الكبار ، وأخشى ما أخشاه على العامية هو ضياعها على أيدى الأنصاف الذين تعج بهم الساحة الآن - والدكتور اكرامي واحد من الكبار سواء كتب بالفصحى أو بالعامية - ومن ميزات اكرامي اللأفته قدرته المذهلة على توظيف الأمثال الشعبية ويتخذ المثل أحيانا كتكئة لشد السامع / المتلقي وقد يبحر به في اتجاه آخر أو يحدث مفارقة لاسعة ولاذعة أحيانا وهو بناء ( من البنيوية ) ماهر وحاذق وقصائده تحتاج إلى قراءات فنية أكثر من القراءات الموضوعية - ربما العجلة والسرعة تجعلنا نهتم بالموضوع على حساب الفن ، أتمنى أن نقرأ اكرامي فنيا لأنه شاعر غير عادي ، شكرا للشاعر الجميل الذي يمتعني بشعره العامي نفس درجة امتاعي بشعره الفصيح