عمى الشيخ محمود

الى صديقى الحبيب البحترى


عمى الشيخ محمود كان دايما
يلبس عمه وجبه وشال
كنا نحبه ف دا الهندام
فوق الراس دايما منشال
وانا صغير كنت بقوله
الاستاذ ف المدرسه عندى
ليه بيحب اللبس افرنجى
كان يتبسم
وكان يتمايل
كانت الجبة علية بتقسم
كنت تقول فنان وبيرسم
ويقول يابنى
اللى بيلبس يختار قيمته
يومها عرفت
ان القيمة دى حاجة كبيرة
حاجة جميلة
وان اختارت فيوم للقيمة
اوعاك تختار حاجة دميمة
**************
عمى الشيخ محمود كان جارى
واما كبرت
اصبح هو جد عيالى
كنت اعرف حاله ويعرفنى
وكان يعرف حالى
كنت كتير لما ازعل اروح له
كنت اشكيله وكنت ارتاح له
كنت بشوفه لابس الجبه ويا العمه
كنت كانى بشوف العيد
كنت انده له
وكنت افرح به
عمى الشيخ محمود كان طيب
عمرى ماشفت له حاجه تتعيب
كان ازهرى خريج الازهر
لابيتعايق ولايتمظهر
ولا ع المنبر يعمل منظر
وكانت الجبه عليه تتمخطر
وكات تتعايق
ولا م الجبه فيوم اتدايق
ولا كان يقلعها
كات بتحبه
وكان بيحبها اكتر منها
كانت تعشق ريحة عرقة
وكان بيشم الورد ف ديلها
كنت تحس وهو لابسها بصوت ترتيلها
كنت تحب تقرب منها
اه لو كنت تشوفها بتحضن
شال العمة على الشماعة
حاجة مهيبة قوى ياجماعة
كنت تحس انها بتسر ايمان مع طاعة
حتى الكولا كانت مرسومة
ولا فنان ابدع ف الصورة
كنت اما ابداء سورة البقرة
القاها وصلت اخر السورة
كات منصورة بعز الطاعة على المعمورة
***************
عمى الشيخ محمود يوم زارنا
ماهو كان جارنا
جاى لبنته يشوف انجالها
غابت فترة
اشتاق لها جالها
وكنا فتحنا التلفزيون
قبل الاخبار
نسمع فيه برنامج دينى
شيخنا الازهرى طلع عينى
قالع العمه
وسايب الجبة والقفطان
ولبس البدلة ناقصله سيجار
عمى الشيخ محمود راح قام
ماشى مروح وهو منهار
وعلى لسانه الف سؤال
لبس الازهر ليه ينهان
ليه يتاخر بعد الموضة
ليه نسكنه عصر النسيان
تقدر تطلع يوم ع المدنة
تقدر تدن اى ادان
تقدر تيجى عند القبلة
وتحولها شوية شمال
بدل الخمس اوقات ف صلاتنا
هتخلونا نصليها كام
عمى الشيخ محمود زعلان
روح نام
والصبح مقام
الله يعزك
كنت تموت غيرة ع الاسلام

جميــــــــــــــــــلة
تقديري للجبة والقفطان والعمه ويه الشال .
شكرا لرائعتك أخي الشاعر د. فوزي ابو دنيــا

د. فوزي ابو دنيا
فتى مصر
اقرالك أشوف فيك مصر ، قريتها ومدينتها ونيلها وبحرها ، أشوف فيك الفرعون والكاتب المصري والفاتح المسلم وقطز وصلاح الدين ، محمد علي وعرابي وطلعت حرب وعسكري يعبر القنال. أشم في كلامك طين الأرض في الصعيد وورد النيل في القناطر وعسل النحل في الريف ودخان مدخنة الكبابجي ، وأدان طالع من المدنه.
فتى مصر
لأنك في مصر ومدفوس في حضنها هاتفضل مصر أم الدنيا
مافيش فايده مش هايقدروا عليها ، هو المصري مجرد كلام
ده إنسان ولا كل إنسان
مولود عبقري ، هو خلقته كده
نصيبه كده ، إنه مصري ، فريح الأزهر بتاع الشيخ محمود
روح الله يباركلك ، دانت يابني لوحدك
شعب بحاله

سلم عمي محمود و من كتب القصيدة و من أهديت إليه
أرى تأثير حلقات الأزهر التي كتبها البحتري في الصالون الثقافي
قد بدا الآن واضحا بلغة شعرية راقية لابن مصر الأصيل د. فوزي
أحسنت أحسنت يا صديقي
و دمت بخير

مصر وكل رموزها سترجع وبقوة مادام فيها هذه الروعة والجمال والعلم والأخلاق.

شكراً لك د.فوزي على هذه الهدية الجميلة والشكر لباقي الأساتذة الأعزاء خاصة الأستاذ البحتري وكلماته الجميلة والمؤثرة.

استمتعت بالقراءة هنا.

جميــــــــــــــــــلة
تقديري للجبة والقفطان والعمه ويه الشال .
شكرا لرائعتك أخي الشاعر د. فوزي ابو دنيــا

الرقيقة دوما استاذة عبلة
صحبة ورود لمرورك الجميل
واطراءك العذب
تحياتى

د. فوزي ابو دنيا
فتى مصر
اقرالك أشوف فيك مصر ، قريتها ومدينتها ونيلها وبحرها ، أشوف فيك الفرعون والكاتب المصري والفاتح المسلم وقطز وصلاح الدين ، محمد علي وعرابي وطلعت حرب وعسكري يعبر القنال. أشم في كلامك طين الأرض في الصعيد وورد النيل في القناطر وعسل النحل في الريف ودخان مدخنة الكبابجي ، وأدان طالع من المدنه.
فتى مصر
لأنك في مصر ومدفوس في حضنها هاتفضل مصر أم الدنيا
مافيش فايده مش هايقدروا عليها ، هو المصري مجرد كلام
ده إنسان ولا كل إنسان
مولود عبقري ، هو خلقته كده
نصيبه كده ، إنه مصري ، فريح الأزهر بتاع الشيخ محمود
روح الله يباركلك ، دانت يابني لوحدك
شعب بحاله

عمى الشيخ محمود كانت رد فعلة لحالة التاثر بموضوعاتك عن الازهر وغيرتك الجميلة على ملمح من ملامح هذا الصرح. لقد كان لسانك ينطق
مشاعر كل غيور على الشموخ والاصالة
تسعى المدارس الابتدائية الى عمل زى خاص بمدارسها فى نفس الوقت الذى سعى بعض الازهرين الى خلع الرداء الاصيل والمعنى الجميل

تحياتى لك ولمرورك العطر وكلماتك التى تنبض بالمحبة والاخوة
لاحرمنى الله من منك ولا من محبتك
تحياتى ومودتى دائما

سلم عمي محمود و من كتب القصيدة و من أهديت إليه
أرى تأثير حلقات الأزهر التي كتبها البحتري في الصالون الثقافي
قد بدا الآن واضحا بلغة شعرية راقية لابن مصر الأصيل د. فوزي
أحسنت أحسنت يا صديقي
و دمت بخير

اشكرك استاذ الشعر وعبيره ومنظره
دائما ياتى مرورك بالمحبة والصفاء
ولا اكون مغالى اذ قلت ان نور صفحتى يكمل بمرورك
تحياتى ومحبتى

مصر وكل رموزها سترجع وبقوة مادام فيها هذه الروعة والجمال والعلم والأخلاق.
شكراً لك د.فوزي على هذه الهدية الجميلة والشكر لباقي الأساتذة الأعزاء خاصة الأستاذ البحتري وكلماته الجميلة والمؤثرة.
استمتعت بالقراءة هنا.

اختى الاديبة سارة
الاروع من الكلمات مرورك الكريم وكلمات الجميلة
واشكرك على الاطراء العذب
دوما بالق