أحدث المشاركات
صفحة 1 من 6 123456 الأخيرةالأخيرة
النتائج 1 إلى 10 من 51

الموضوع: قصيدة بالعامية المصرية [ يحصل ويحصل ] شعر/ نبيل مصيلحي

  1. #1
    الصورة الرمزية نبيل مصيلحى قلم نشيط
    تاريخ التسجيل : Jun 2006
    الدولة : مصر
    العمر : 64
    المشاركات : 536
    المواضيع : 28
    الردود : 536
    المعدل اليومي : 0.10

    افتراضي قصيدة بالعامية المصرية [ يحصل ويحصل ] شعر/ نبيل مصيلحي

    يحصل ويحصل..!!
    **

    يا عمنا يحصل ويحصل عندنا..
    طب همَّه إيه .. ؟!
    قول أي حاجه
    بس ليها اربع رجول
    وعشان كده..
    " يحصل في كل الدنيا تغيير كل حاجه ..
    إلاَّ هنا .."
    يا عمنا .. يعجبني قولك في الصميم
    وما هوش ملون غير لونين
    أبيض .. و إسود
    والرمادي إبن كلب ما تعرفوش ..
    واحنا معاك
    يعجبني قول :
    " إن نام غضنفر قام غضنفر مننا "
    وفهمنا قصدك .... يعني يبقوا مننا..!!
    وواجهت بالقول الغليظ كل الوشوش
    وشخطت ومسكت الحروف
    نبوت يدق على البيبان
    ومسحراتي في الليالي المعتمه
    لاحد قاد قنديل في حاره وقال آمين
    ولا حد قام يمشي ف ضياك
    الكل سامع غنوتك
    كل الغناوي طعم واحد في الودان
    والحق مقطوع اللسان
    والحلوه نايمه في السكات / ست البنات
    قايمه في عز الضلمه تعجن في الأهات
    ولا حد شاط ..
    ولا حد قام يفتل يبوح م الضي قول
    ويشوط غوازي الليل وتجار الكلام
    وعشان كده ..
    " يحصل في كل الدنيا تغيير كل حاجه ..
    إلاَّ هنا .."
    يا عمنا .. يا دون كيشوت في الزمان المستحيل
    قلنا تور ..
    قالوا احلبوه .. !!
    قلنا ديك ..
    قالوا بكره يبيض ويفقس ألف ديك ..!!
    وما صدقوش ..
    إن العبيط بيموت عبيط
    " وابن الملك لو كان كتابه يكون ملك
    وابن الرئيس يصبح رئيس بالزمبلك .."
    وعشان كده ..
    " يحصل في كل الدنيا تغيير كل حاجه ..
    إلاَّ هنا .."
    يا عمنا .. وصل الجراد
    أشئش في نوَّار الغيطان
    طلعت فتاوي مزهزهه
    متفصَّله على قد توب المفتونين اللي هنا ..
    إن الجراد دا شيء جميل .. ملهوش مثيل
    يهبل بطعم الجمبري ..!!
    يللا اجمعي يا صابحه غيطك ..
    ودعي زمن الخضار
    إملي الصوامع بالفلوس
    قيدي الفانوس اللي اتحرق على بوابتنا
    في زمان الانتظار
    كل الفتاوي جد جد ومش هزار ..
    ولا حد ضج ولا استجار ..!!
    وعشان كده ..
    " يحصل في كل الدنيا تغيير كل حاجه ..
    إلاَّ هنا .. "
    يا عمنا .. يحصل ويحصل عندنا
    النيه بيضه والقلوب بفته وحليب
    اسكت خلاص .. ما انت ف كلامك قولتها :
    " لا أي أي وزي زي إلاَّ هنا .. "
    إسكت بقى ..
    الفوله لسَّه محمصه
    والناس عيونها مدعمسه
    وعقولها بيضه ممششه
    وإيديها نايمه مجبسه
    والفكره خرقه مكرمشه
    والخطوه عارجه مكسكسه
    وعشان كده ..
    " يحصل في كل الدنيا تغيير كل حاجه..
    إلاَّ هنا .. "
    ...
    ـــــــــــــــــــــــــ ـــــــــــــــــــــــــ ـــ
    الشعر بين العلامات من قصيدة
    " يحصل "
    شعر الدكتور / يسري العزب
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    للتواصل على حساب فيس بوك .. https://www.facebook.com/nabil.moselhy

  2. #2

  3. #3
    الصورة الرمزية د. فوزى أبو دنيا عضو غير مفعل
    تاريخ التسجيل : Jan 2006
    الدولة : Misr - Cairo
    العمر : 58
    المشاركات : 1,770
    المواضيع : 120
    الردود : 1770
    المعدل اليومي : 0.33

    افتراضي

    الشاعر والاخ نبيل مصيلحى

    من ناحية القصيدة فانت تعرف انى انتظر اعمالك دوما لانك واحد من الشعراء الذين اهتم جدا بالقراء لهم

    لماذا تاخرت علينا فى طرح افكارك لتطوير قاعة الشعر الشعبى
    فانا اتوقع منك كشاعر كبير ان تدلى معنا بدلوك
    فتواجدك بشكل اكثر فاعلية عن طريق المشاركة بافكارك فى التطوير والتقيم يثرى القاعة بلا شك. ان انت اكتفيت بالترقب والمشاركات العادية فمن يكون غيرك لناخذ منه الراى. من شيم الكبار دائما احتضان الصفوف التاليه. ولا خلاف على انك شاعر كبير يرجى منه الكثير
    تقبل تحياتى ومودتى لك

  4. #4
    الصورة الرمزية د. محمد حسن السمان شاعر وناقد
    تاريخ التسجيل : Aug 2005
    المشاركات : 4,318
    المواضيع : 59
    الردود : 4318
    المعدل اليومي : 0.79

    افتراضي

    سلام الـلـه عليكم
    الاخ الفاضل الشاعر نبيل مصيلحي

    بدأت اتذوق الشعر الشعبي , منذ مدة , فقد ارشدني الاخ الفاضل الاديب حسام القاضي , الى كيفية القراءة , ودخلت ملتقى الشعر الشعبي , وكان الفضل للشاعر الدكتور فوزي ابو دنيا , في تميني من محبة هذا اللون , من الشعر الجميل , بما يقدّم من قصائد رائعة , وها انا اليوم , امام شاعر متألق , استمتعت بالقصيدة , رغم تفاعلي الوجداني والانساني الحر مع نبضاتها , وافكارها الحرة .
    تقبل محبتي وتقديري

    اخوكم
    السمان

  5. #5
    شاعرة
    تاريخ التسجيل : Apr 2005
    المشاركات : 2,061
    المواضيع : 94
    الردود : 2061
    المعدل اليومي : 0.37

    افتراضي


    الفاضل نبيل مصلحي
    كلمات تتحدث عن واقع
    تقديري لوعيك
    وسرني قراءة القصيدة
    لك تحية ورد
    اختك
    ينابيع السبيعي

  6. #6
  7. #7
  8. #8
  9. #9
  10. #10
صفحة 1 من 6 123456 الأخيرةالأخيرة

المواضيع المتشابهه

  1. كوكو كوكو .. شعر بالعامية المصرية .. نبيل مصيلحي
    بواسطة نبيل سعيد مصيلحي في المنتدى أَدَبُ العَامِيَّة العَرَبِيَّةِ
    مشاركات: 0
    آخر مشاركة: 06-03-2016, 01:41 AM
  2. قصيدة بالعامية المصرية ..( كنت خايف موت عليكي ).. نبيل مصيلحي
    بواسطة نبيل مصيلحى في المنتدى أَدَبُ العَامِيَّة العَرَبِيَّةِ
    مشاركات: 17
    آخر مشاركة: 25-03-2013, 08:09 PM
  3. قصيدة بالعامية المصرية .. [ أيوب ] شعر / نبيل مصيلحي
    بواسطة نبيل مصيلحى في المنتدى أَدَبُ العَامِيَّة العَرَبِيَّةِ
    مشاركات: 49
    آخر مشاركة: 29-07-2011, 02:27 AM
  4. قصيدة بالعامية المصرية ..[ منين الفجر هيشقشق ..!!] شعر/ نبيل مصيلحي
    بواسطة نبيل مصيلحى في المنتدى أَدَبُ العَامِيَّة العَرَبِيَّةِ
    مشاركات: 41
    آخر مشاركة: 09-03-2010, 08:42 PM
  5. قصيدة .. [ قطار الموت ] .. بالعامية المصرية .. شعر/ نبيل مصيلحي
    بواسطة نبيل مصيلحى في المنتدى أَدَبُ العَامِيَّة العَرَبِيَّةِ
    مشاركات: 27
    آخر مشاركة: 31-08-2007, 09:06 PM