تسقط الحرية !!!

تسقط الحرية !!!

تسقط الحرية

فلقوا دماغى و صدعوها ..
بكلام عن الحرية ..
وانا عقلى مش فاهم بيسأل : يا خلق إيه هيه ؟
الواد بيشتم أبوه .. و يقولوا دى حرية !!
و يقل أدبه على امه .. يا سيدى دى حرية !!
يلبس محزق ، و متهزأ ، و متنيل على عينه ..
يا بويا دى حرية .
و البنت ماشية مشخلعة ..
و البشرة وردى ملمعة ..
و الفتنة صارخة ملعلعة ..
يا عمى دى حرية .
و حمار يدوسك فى الطريق ..
يشتم و يعْـلى فى النهيق ..
و لا تلقى منصف أو صديق ..
يا خويا دى حرية .
و دا صوته تقولشى ضفدعة ..
رافع عقيرته بالغنا : بأغانى هابطة مروعة ..
و الشلة جنبه مجمعة..
عاملين دماغ متكلفة و مشعشعة ..
برضه نقول حرية .
إن كان دا يبقى قصدكم .. فأقول لكم ، من فضلكم :
قولوا معايا : تسقط الحـــــرية .

مصطفى درويش سلام

الشاعر الهادف الواعى مصطفى سلام
تناولك للامور الاجتماعية السلبية جاء مصور للواقع بشكل زاهى ادبيا
انت غصت فى امور اجتماعية اتمنى ان نتوقف عندها كثيرا لنغيرها
انتشرت هذه الايام بين الشباب لبس بنطال ساقط على مؤخرته بشكل مستفز
علماء الاسلام قالو انه كان لباس اهل لوط

اللهم اهدى ابنائنا وابناء المسلمين

تحياتى القلبية لك ولقلمك الثرى

تسقط الحرية !!!

تسقط الحرية

فلقوا دماغى و صدعوها ..
بكلام عن الحرية ..
وانا عقلى مش فاهم بيسأل : يا خلق إيه هيه ؟
الواد بيشتم أبوه .. و يقولوا دى حرية !!
و يقل أدبه على امه .. يا سيدى دى حرية !!
يلبس محزق ، و متهزأ ، و متنيل على عينه ..
يا بويا دى حرية .
و البنت ماشية مشخلعة ..
و البشرة وردى ملمعة ..
و الفتنة صارخة ملعلعة ..
يا عمى دى حرية .
و حمار يدوسك فى الطريق ..
يشتم و يعْـلى فى النهيق ..
و لا تلقى منصف أو صديق ..
يا خويا دى حرية .
و دا صوته تقولشى ضفدعة ..
رافع عقيرته بالغنا : بأغانى هابطة مروعة ..
و الشلة جنبه مجمعة..
عاملين دماغ متكلفة و مشعشعة ..
برضه نقول حرية .
إن كان دا يبقى قصدكم .. فأقول لكم ، من فضلكم :
قولوا معايا : تسقط الحـــــرية .

مصطفى درويش سلام

الشاعر الجميل مصطفي درويش سلام
تعانق حروفي حروفك وندق ناقوس الخطر
مش قلت لك علي باب الله شعراء عاميَّة


طب اسمع يا عم :
لا مش هاقول يامصطفي
تسقط الحرية
بقي يا راجل
عشان واحد تالفة
تعكنن عليك وعليَّا
أو بنت بايزه متمرقعه
بتغمز بعنيها ليَّا
دي يا صاحبي وقاحة
من بنت مش متربية
أصل الأسر يا مصطفي
اتقطعت بينها الروابط
وشاعت فيها الأنانية
ولا عدش فيه أخلاق
ولا زوق ولا حنيَّة
الأم هي المدرسة
لو نجحت في التربية
بقالها مدة مش فاضية
ساعه في ندوة متحمِّسه
وساعات
بتتزوق لسهرة ف المسا
وان قلت ليه واعترضت
ترفع لخلعي يا مصطفي
متين قضية

يا أخى العزيز شربينى ..
الود واصل ما بين قلبك و بينى ..
المشكلة يا بن أبوى " خطاب " ..
اللى ف ايديهم أمرنا و فصل الخطاب ..
تركوا الأمورهايصة قوى و متبعككة (1)..
ما تاخدش منهم غير فلفسة .. مع فذلكة ..
طب يا صديقى : إيه يكون الحل ..
غيرة ع الوطن .. وعلى الأقل :
لازم يكون فيه شئ م العمل ..
أو مجتمعنا ( سوف يرحـلْ للضياع ) ..
تاكله الديابه و تنهشه كل السباع .

مصطفى سلام

(1) متبعككه = متلخبطة

الأستاذ الفاضل و الأخ الكريم د. أبو دنيا
دائما أجدك حيث أحتاجك , بكلماتك المشجعة , و فكرك الفاحص المستنير ..باركك الله ,,
مصطفى سلام

لأ طبعا

ليست هذه الحريه
اخي الشاعر القدير مصطفي سلام ... ابدعت .. في شرح السلبيات المعلقه علي عاتق الحريه البريئه
نص جميل يرسم لنا معالم روحك المصريه الابيه الاصيله
بارك الله فيك
وبكل من حاوروك من الشعراء جزيتم خيرا


سأعود قريبا بنص يحكي عن معني الحريه بمفهومها الآخر

المفهوم الذي يرعب اعداء الحق

ودمت متألق

شكرا شمس الحرية ..
إنها صرخة ألم لما آل إليه مجتمعنا من سلبيات ..

سأعود قريبا بنص يحكي عن معني الحريه بمفهومها الآخر
المفهوم الذي يرعب اعداء الحق

و إنى لفى أشد الاشتياق إلى مشاركتك ...

مصطفى سلام

شكرا شمس الحرية ..
إنها صرخة ألم لما آل إليه مجتمعنا من سلبيات ..

سأعود قريبا بنص يحكي عن معني الحريه بمفهومها الآخر
المفهوم الذي يرعب اعداء الحق

و إنى لفى أشد الاشتياق إلى مشاركتك ...

مصطفى سلام

متبعككه متلعبكه متلخبطة
ما هي زي حالنا يا مصطفي
متأندله متبهدله و متمرمطه
حبة عيال زي القرود متنططه
جابين فلوس ياما و مزروطه
يمكن ميراث ولا شغلة زانططه
أو سلفة بنوك من غير ضمان
أقساطها سهرة وخمرة وحتة مره

رائعة هذه المعاني وسامقة مثل قاماتكم

اسمع في الشعر الشعبي نبضا أخلاقيا أصيلا

لكم كل المودة والشكر