قدام بيتنا

نقلوا الموقف ..
قدام بيتنا وطول اليوم ..
الأسطى .. ويّا التباع
صوتهم جلجل فى الأسماع
ولسانهم يتلف ف ملبن
تسمع فى بلابل بتغنى
عصافير بتونس فى جناينى
ولا كلامهم ،،،
لو تسمعهم ،
تتعلم أنغام العود
تتعلم نهاوند وسيكا
وتصبح أستاذ المزيكا
عمك لاسطى
بتشدك ليه الحساسية
والقلب المليان حنية
طب دانا يعنى بقول جرب تعمل بنصيحتى
جرب لو تنزل مشوارك
يوم فى الحر
جرب تنزل،،
وقت لهيب الشمس مايلفح
وقت ماتبقى الناس مشوية
انزل..
وماتنساش تدعى لى
لما تشوف سواق سيرفيس بيقوللك : أبدا!
معقول تدفع؟
طب ودا ينفع؟
انت فاكرنى صحيح مش راجل
أو مابحس ؟
دانت كفاية عليك الحر يا راجل بس
تدفع ايه؟ والله على رقبتى
شفت النسمة؟
شوف دانا بزعل لما بنسمع ناس بتقوللك
آل وسطيهم عالم ظالمة
ولا اغلبهم ناس مؤذية
وقت الزحمة بتقلب تمانين درجة ومية
تسحب دمك
أو بتغَلّى
وتكرهنا ف لحظة ماخترعوا العربية
سيبك سيبك
دا كلام ناس طقة وموهومة
آل عايز يركب لك شارع
ومايدفعش الأجرة الطاق اتنين وتلاتة
ناس بتهرج
فكرك يعنى
السواق الشقيان مثلا
يعمل ايه؟!
يصرف عالدخان من ايه؟!
ولا يوازن بين القسط و بين السهرة اياها بإيه
يلغى البودرة عشان ترتاحوا؟!
ولا يبطل يعنى يحشش
شفت ازاى؟؟
شفت ازاى خليتنى غلطت ف راجل نسمة
اللى ف وشه
بتطل البركة ومحفوفة عينيه بالبسمة
ولا التَبّاع المظلوم
اللى ف طول السكة يسبَّح
ولا بيناكف
ولا بيبجح
ولا يوم حتى يسب الدين
بتجيبوا الإشاعات دى منين؟
روحوا لحالكم
وسيبونى استمتع بالموقف
بعد ماشرف قدام بيتنا
واستمتع بالصوت الشادى
مالعربية يقوللى الغنوة قبل مانام
.
.


ياللا سلام

أمتعك الله بذكر الله
وعافاك من هالموقف والأسطى والتباع
يروحوا بعيد عنك
بس يارب ما يكون أدام بيتنا تمام
تقديري وإحترامي

استاذ محمود مرسى عندنا

يامرحبا يامرحبا

اتاخرت علينا جدا
المهم انك جيت ونورت القاعة
الاستاذ محمود مرسى شاعر ممتاز ويتميز بكتابة الشعر الحوارى الاجتماعى حيث يتناول قضايا مجتماعية بشكل سلس وجذاب
واود ان ارى له العديد من كتاباته هنا

أهلا يا عم محمود
دع حروفي تعانق همومك
هي حروفي ها تروح فين
جنب جمال روعة أقوالك
المتعطرة بالياسمين
****
شفت الأسطي والتباع
سبوا المله والراكبين
حشروا خلق ف عربيه
ناس مزنوقه وموطيه
حتي عجوزواقف مسكين

أمتعك الله بذكر الله
وعافاك من هالموقف والأسطى والتباع
يروحوا بعيد عنك
بس يارب ما يكون أدام بيتنا تمام
تقديري وإحترامي

هههههههههههههههه
ربنا يعزك يا أخى
نورت

استاذ محمود مرسى عندنا

يامرحبا يامرحبا

اتاخرت علينا جدا
المهم انك جيت ونورت القاعة
الاستاذ محمود مرسى شاعر ممتاز ويتميز بكتابة الشعر الحوارى الاجتماعى حيث يتناول قضايا مجتماعية بشكل سلس وجذاب
واود ان ارى له العديد من كتاباته هنا

أستاذنا الجميل د.أبو دنيا
أنا ماقدرش اتأخر عليك أبدا
بس حضرتك اللى شكلك تقلان علينا هناك فى مصر الجديدة
احنا بنجتمع كل اتنين وياريت نشوفك وتمتعنا بجد
وان شاء الله مع بعض هنا
نورت يا دكتور

أستاذنا الجميل د.أبو دنيا
أنا ماقدرش اتأخر عليك أبدا
بس حضرتك اللى شكلك تقلان علينا هناك فى مصر الجديدة
احنا بنجتمع كل اتنين وياريت نشوفك وتمتعنا بجد
وان شاء الله مع بعض هنا
نورت يا دكتور

واللهى نفسى ياستاذ محمود
بس الظروف الاسبوعين الماضيين كنت اناقش رسالتين ماجستير واحدة بالمنصورة وواحدة بزراعة القاهرة

وعندى مجموعة ابحاث مركونة محتاج اخلصها فمشغول فى جمع مراجع وكتابة .. الخ

اعذرنى واللهى وان شاء الله فى اول فرصة هتلاقينى عندك ان شاء الله

أهلا يا عم محمود
دع حروفي تعانق همومك
هي حروفي ها تروح فين
جنب جمال روعة أقوالك
المتعطرة بالياسمين
****
شفت الأسطي والتباع
سبوا المله والراكبين
حشروا خلق ف عربيه
ناس مزنوقه وموطيه
حتي عجوزواقف مسكين

الأستاذ الجميل /الشربينى خطاب
يبدو ان قصيدتى هتكون بداية تعارف بناس جميلة زى حضرتك
أهلا بيك وشكرا لإضافتك يافندم

الأستاذ الشاعر الاجتماعى محمود مرسى

أسجل تحيتى لكلماتك الجميلة الرنانة

نقد اجتماعى مبدع من شاعر متمكن متألق



المفروض تكون مبسوط

ان الموقف قدام عينك

يعنى تصحى على غناهم

وزقزقة غربان حناجرهم

سينما قدامك تشوفها

م البلكون

مع شاى الخمسينة

ولا أحلى من كده

الله يكون فى العون

تحيتى لك وتقديرى أستاذى العزيز

واللهى نفسى ياستاذ محمود
بس الظروف الاسبوعين الماضيين كنت اناقش رسالتين ماجستير واحدة بالمنصورة وواحدة بزراعة القاهرة
وعندى مجموعة ابحاث مركونة محتاج اخلصها فمشغول فى جمع مراجع وكتابة .. الخ
اعذرنى واللهى وان شاء الله فى اول فرصة هتلاقينى عندك ان شاء الله

ربنا يعينك يا دكتور يارب
بس برضه مستنييك فى أقرب وقت تفضى فيه :)