هيـه كـده

هيه كده !!

هيه كده ..
ماشيه كده ..
تعدلها تعوج ..
تعوجها تعدل ..
تبقاشى عارف ..
إيش فيها تعمل ..
صعبان عليها ..
إنى سعيد ..
تلوى لى بوزها ..
و تقوللى عود ..
للبؤس ارجع ..
تانى من جديد ..
تقلب سعادتى ..
آلام و غم ..
تقدر تقوللى ..
لو فيها حل ..
إيش فيها أعمل ..
قوللى يا عم .
اطلب رضاها ..
ألقاه خيال ..
و أَقـول تعالى :
تسخر , تقوللى :
لما تشوف ..
حلمة ودانك ..
و دا شئ محال ..
أضحك تقوللى ..
بطـّـل خبال ..
ما بلاش هيافة و لعب العيال..
كشر و زمجر ..
تبقى رصين ..
حتقودنى حتما ..
نحو الجنون .
يا خلق هووه ..
شوفوا لكو شوفه ..
فى الدنيا ديـّه ..
عملت لى طوفه ..
خبطت نافوخى ..
إغراء و زينة ..
جايا تقوللى ..
قوم يللا بينا ..
هيـّه جميلة ..
طعمه كمان ..
لكن غرورة ..
ملهاش أمان ..
أجرى وراها ..
ألقى سراب ..
آخرتها إيه ؟ ..
حبة تراب ...
يا للى اجتباكم ..
رب الأنام ..
بحجى و حكمة و حسن الكلام ..
ألقاش لديكم ..
رد لسؤال :
فى الدنيا ديّـه ..
مرعوب و أخشى ..
سوء المآل ..
قالوا ابن آدم ..
يجرى .. يبرطع ..
ينزل و يطلع ..
فوق السحاب ..
و ما يملا عينه ..
غير التراب .

مصطفى سلام

اخى الحبيب الشاعر مصطفى سلام
هى الدنيا كده تهزمها التقوى
انتظر اعمالك دوما
تحياتى وكل الود

ترابنا تبر
مدفون ف حفرة
الغوط شبر
ورد وسنابل
وشوق وصبر
لو حتى مرة
فتحنا قبر
نلاقي تاريخنا
زتون وتمر
ومادنه عاليه
ونار وجمر
علي الأعادي
يد واحده
شيخ وحبر

جميلة جدا أخي مصطفى

سلم قلمك ونبضك

تقبل خالص إعجابي وباقة ورد

الأخ مصطفى

هى كده الدنيا مثل البشر

إذا طلبتها تركتك

وإذا هجرتها جريت وراك

لنا الله عز وجل

تحيتى وتقديرى لك ولحرفك

الدكتور و الأخ الكريم فوزى أبو دنيا
أن تتواجد فى هذه الصفحة , و أن تقرأ قصيدتى تلك , فهذا منتهى السعادة لى و الفخر ..
أما أن تقول عنها ما قلت , فإنى لا أجد ما أرد به عليك إلا :
بارك الله لك و فيك و عليك ..
مصطفى سلام

الأخ الكريم الأستاذ الشربينى
لك خالص اشكر على تشريفك لقصيدتى ..
دمت و دام إبداعك
مصطفى سلام

الكريمة النبيلة الآنسة سحر الليالى
بل باقة الورد تلك و فوقها باقات عديدة أرسلها إليك تقديرا لذوقك العالى و خلقك السامى ..
تقبلى منى كل الود و الاحترام
مصطفى سلام

السيدة (الآنسة)الكريمة و الأخت النبيلة منى
تشريفك لكلماتى ..لا حدود لسعادتى به .. فتذقك للشعر العامى يفوق الوصف و إحساسك بمعانيه و مراميه يدل على رقى فى الذوق و التذوق.
أدامك الله و أدام ذوقك الراقى
مصطفى سلام