1- العيال كبرت
_______
( الأب منهمك في كتابة قصيدة ومن يراه يظنه المتنبي أو عنترة بن شداد يحوم ويدور في الغرفة بكلمات نارية ضد الحكومةو الإمبريالية البطيخية ، وفجأة وعلى حين غرة دخل عليه ولده )
( فزع الأب لحظة دخول ولده فقد كان في حالة من الإندماج الشعري السياسي وكان دخول ولده عليه كدخول المخبرين الذين يمسكون بالمجرم متلبساً )
الولد / يا بابا أنا عايز مصروفي
الأب / ليه يا ابني بتتعبني مش شايفني بكتب
الولد / هو انت بكتب ايه يا بابا
الأب / بكتب قصيدة يا بني
الولد / قصيدة؟! يعني ايه قصيدة يا بابا
الأب / هو انت ما بتعرفش حاجة ، مش فاهم يعني ايه قصيدة ، امال فالح اديني مصروف إديني مصروف انت بتروح المدرسة ليه ، فسحة ولا زيارة ؟
القصيدة هي ابيات شعرية منسقة ومرتبة على معان وكلمات موزونة ومترتبة وتحمل في معانيها أهداف الشاعر فهمت يا ابني؟
الولد / آه فهمت يا بابا يعني انشودة
الأب / ايوه زي الانشودة كده
الولد / وبتتكلم عن ايه يا بابا الانشودة بتاعتك؟
الأب / اسمها قصيدة يا بني آآخ منك ومن تعليمك اللي لا يودي ولا يجيب
القصيدة دي بتتكلم عن فلسطين واليهود والعراق والروم والفرس
الولد / الروم والفرس ياه يا بابا هم لسة عايشين
الأب / طبعاً يا بني بس هم غيروا اساميهم عشان نتوه عنهم ، بس ايه احنا عارفينهم وفاهمين حركاتهم ، ومش حنتوه عنهم
الولد / طب وعملتوا ايه يابابا
الأب / اديني بعمل قصيدة يا بني عشان ربنا يتقبلها مني وينع بيها
الولد / وهم فين دلوقت يا بابا؟
الأب / دول في كل مكان يا بني ده حتى الحكومات العربية ما بتعملش حاجة
الولد / بقولك ايه يابابا ، أنا عايز مصروفي خليني امشي وبلاش كلام في السياسة الله لا يسيئك ، ايه هو انت ما بتفهمش ،وبتقولي طالع لمين مانا طالعلك بلا سياسة بلا كلام فاضي .
( وهنا قرر الأب بعد وضوح عقلية الطفل المضطلعة في السياسة أن يترك الكتابة في القصائد السياسية لأجل ان لا يتوه في دوامة الفكر العربي القديم المبني على القاعدة الأساسية وهي فكرة "الخيانة" والتآمر ضد الإنسانية في الداخل والخارج وأخذ يجري خلف ولده ليعطيه المصروف وبزيادة قليلاً عن كل يوم )
:)