أحدث المشاركات

قراءة في مقال حقائق مذهلة عن الكون المدرك» بقلم اسلام رضا » آخر مشاركة: اسلام رضا »»»»» بكاء على الاطلال» بقلم أحمد بن محمد عطية » آخر مشاركة: أحمد بن محمد عطية »»»»» مصير الكوكب على متن الشراع الشمسي» بقلم إبراهيم أمين مؤمن مصطفى ح » آخر مشاركة: ناديه محمد الجابي »»»»» قراءة فى بحث تجربة ميلغرام: التجربة التي صدمت العالم» بقلم اسلام رضا » آخر مشاركة: اسلام رضا »»»»» وذُلّت الأعناق مقتطف من رواية قنابل الثقوب السوداء...» بقلم إبراهيم أمين مؤمن مصطفى ح » آخر مشاركة: إبراهيم أمين مؤمن مصطفى ح »»»»» الفصل الثاني من رواية وتستمر الحياة بين يأس و تفاؤل الأم الجريحة» بقلم بوشعيب محمد » آخر مشاركة: ناديه محمد الجابي »»»»» و تستمر الحياة بين يأس و تفاؤل الفصل الأول من الرواية بقلم بوشعيب» بقلم بوشعيب محمد » آخر مشاركة: ناديه محمد الجابي »»»»» قراءة في بحث أمور قد لا تعرفها عن مستعمرة "إيلون موسك" المستقبلية» بقلم اسلام رضا » آخر مشاركة: اسلام رضا »»»»» نعم القائد» بقلم عطية حسين » آخر مشاركة: احمد المعطي »»»»» قراءة في مقال يأجوج و مأجوج ... و حرب العوالم» بقلم اسلام رضا » آخر مشاركة: بوشعيب محمد »»»»»

مشاهدة نتائج الإستطلاع: ماهى افضل ثلاث اعمال مقدمة من وجهه نظرك ؟

المصوتون
2. أنت لم تصوت في هذا الإستطلاع
  • ارسل رسالة خاصة باسم د. فوزى ابودنيا

    2 100.00%
  • ارسل باختياراتك رسالة خاصة باسم د. فوزى ابودنيا

    0 0%
صفحة 6 من 10 الأولىالأولى 12345678910 الأخيرةالأخيرة
النتائج 51 إلى 60 من 92

الموضوع: أعلان للسادة شعراء قاعة الادب الشعبى -- هام للغاية

  1. #51
    عضو غير مفعل
    تاريخ التسجيل : Dec 2006
    المشاركات : 23
    المواضيع : 2
    الردود : 23
    المعدل اليومي : 0.00

    افتراضي

    (2) أمي

    (موال)

    الاوله
    قلت اجيلها واغنيلها .. ملقيتش كلام يكفّيها
    والتانيه
    قلت اردلها جمايلها .. ولاقدرت مره اوفّيها
    والتالته
    قربت منها وبحضنها وبدعيلها يارب خليها
    ******************
    (اغنيه)
    مهما هاقول وهاغني يأمي
    ولو هاوصف مقدرش اوفيكي
    ده انتي ف روحي وجوه في دمي
    وقلبي يدق وعايش بيكي
    ************************
    ياما سهرتي تشيلي في همي
    وقت ما قلبي بيقسي عليكي
    واتحملتي تربي.. تضمي
    يبقي قليّل لو افديكي
    *********************
    ياما ضعفت وجيتلك برمي
    كل حمول الدنيا عليكي
    تلمس ايدك راسي تسمّي
    وراحه قلبي في حضن ايديكي
    **********************
    واحلي ايام لما انتي تلمي
    كل احبابك كده حواليكي
    ونقعد سوا وياكي نغني
    وندعيلك ربي يخليكي

  2. #52
    عضو غير مفعل
    تاريخ التسجيل : Dec 2006
    المشاركات : 23
    المواضيع : 2
    الردود : 23
    المعدل اليومي : 0.00

    افتراضي

    اعتقد كده العملين خلصوا ولا مسموح احط عمل كمان اخير ؟؟؟؟

  3. #53
    عضو غير مفعل
    تاريخ التسجيل : Dec 2006
    المشاركات : 23
    المواضيع : 2
    الردود : 23
    المعدل اليومي : 0.00

    افتراضي

    استاذ ابو دنيا انت قدمت لي هديه فعلا
    لقد فوجئت بوجود استاذ شاهين ابو الفتوح هنا
    وانا احبه كثيرا وهو لا يعرفني
    ولكنني اعرفه
    من اعماله المتميزه للمطرب الرائع الذي احبه جدا جدا " محمد الحلو "
    شكرا لك استاذ ابو دنيا
    وتحياتي للأستاذ شاهين
    وأود ان انضم لصحبتكم الجميله ان لم يكن لديكم مانع

  4. #54
    عضو غير مفعل
    تاريخ التسجيل : Dec 2006
    المشاركات : 7
    المواضيع : 2
    الردود : 7
    المعدل اليومي : 0.00
    من مواضيعي

    افتراضي قصيدة السائل


    وخارج من سنه وسبعين ف دنيتكم
    بايد توصلني بالعكاز
    وايد تتمد
    صعيبه الرحله من غير أهل
    من غير حد
    وانا عمري ماشلت الذكرى لامبارح
    ولا القسوه
    ولا مستني شكل الغد
    انا القلب اللي كان أبيض
    ولا اسودش
    انا الآهه اللي تنخر ف العيدان لكن
    ما بتهدش
    انا الصخره
    انا الصخره اللي أتقل من حمول الصبر
    انا الصابر
    انا الصبّار
    وريقي أمر م العلقم
    وروحي أخف من ضلي
    ومال الدنيا مش مالي
    أنا السائل طلب حسنه
    ويفتكروني ما بحسش
    ولا برثيش على حالي
    تقيله الكلمه
    بس أخف من جوعي وأحمالي
    ولا عندي ميراث والدي
    ولا عندي كنوز والي
    ولا باتقن فنون النصب
    انا الزاهد لكين بالغصب
    انا الطواف ف عز الليل
    ف عيني بتنطفي القناديل
    وعمري ما اكل
    عمري ما أميل
    عصايتي واخده من عودي نحافتها
    أصيله وعندها اخلاص
    ولا توقعني ف الخيه
    ولا تخونني وتتحول تصير حيه
    انا الطواف وعمري ما أخاف
    كلاب السكه أصحابي
    وعارفيني من الخطوه
    بلقى نوحي ف نباحهم
    واجمع عيشي مع عيشهم
    وافرش خيشي على خيشهم
    ف ركن بعيد من لشارع
    وكله ينام ويتغطى
    وكله بيرضى ويطاوع
    ونصحى الصبح لما اصبح يندهنا
    ويمحي عنا صورة الامس
    يوصلنا لطريق الشمس
    بدون أجره
    وارجع تاني للدايره
    وأستجدي ف عطف القاعده والسايره
    ويكسفني اللي يكسفني
    ولا بقدر أحاسبهم
    ولا بامشي ف مواكبهم
    ولا تصيدني شباك الهم
    غير من فوق مراكبهم
    وجيت اليوم دا يمتكم
    وقلبي دقته زغاريد
    وحلم امبارح الماثل أمام عيني
    بيشجيني
    وجدت نهايه للدايره
    وشفت نهايه زي العيد
    وهربت مني تجاعيدي
    وجوف قلبي ملاه النور
    ملاه الطهر
    وجاتني عديتي بالامر
    جاتني عديتي أنهار
    يا أنهار العسل والخمر
    ووسط التوهه والملكوت
    لمحت قصور عليها اسمي
    ومتزخرف بروح رسام
    صحيح الحلم بينسي
    شقى الايام واذلالها وحوجتها
    معادتشي على بالي
    ولا كنتش على بالها
    وبتعدي بتفاهتها وبهبلها
    ولا بقدر أعاتبها
    وانا موصول بعتبتها
    وانا واقف على بابكم
    ومش شايف شعاع الشمس دا النازل
    وبيغازل سمار الوش وعيونكم
    انا عيني على جيوبكم
    ومش هاخجل كبر سني كما العاده
    وهاطلب منكم الحسنه
    دا انا من ساعة أما فقت من حلمي
    ف يومنا ده
    بلم القرش ع القرشين
    عشان نفسي أجيب حتة قماش ساده
    بلون أبيض
    واعمل بيها لبس جديد
    ميشبهشي ملابسكم
    ولا ينفع يناسبكم
    عشان عيدي اللي عمره ما جه ف تفكيركم
    عشان عيدي اللي عمره ما كان ف يوم عيدكم

  5. #55
    الصورة الرمزية د. فوزى أبو دنيا عضو غير مفعل
    تاريخ التسجيل : Jan 2006
    الدولة : Misr - Cairo
    العمر : 62
    المشاركات : 1,770
    المواضيع : 120
    الردود : 1770
    المعدل اليومي : 0.27

    افتراضي

    اقتباس المشاركة الأصلية كتبت بواسطة معتز الشربيني مشاهدة المشاركة
    استاذ ابو دنيا انت قدمت لي هديه فعلا
    لقد فوجئت بوجود استاذ شاهين ابو الفتوح هنا
    وانا احبه كثيرا وهو لا يعرفني
    ولكنني اعرفه
    من اعماله المتميزه للمطرب الرائع الذي احبه جدا جدا " محمد الحلو "
    شكرا لك استاذ ابو دنيا
    وتحياتي للأستاذ شاهين
    وأود ان انضم لصحبتكم الجميله ان لم يكن لديكم مانع
    اهلا بك ومرحبا بالاحبه بيننا
    تحياتى ومودتى الصادقة
    مرحبا ...مرحبا
    بشاعرنا معتز الشربينى

    للمسابقة تختار عملين وللندوة يمكنك اضافة عمل ثالث
    وبانتظار اعمالك بالقاعة

  6. #56

  7. #57
    الصورة الرمزية وفاء شوكت خضر أديبة وقاصة
    تاريخ التسجيل : May 2006
    الدولة : موطن الحزن والفقد
    المشاركات : 9,734
    المواضيع : 296
    الردود : 9734
    المعدل اليومي : 1.49

    افتراضي

    د. فوزي أبو دنيا ..

    إبداع ورقي فكرة ، وجمع جميل لشعراء الشعر الشعبي .
    نحيي هذا الجهد منك ، وستجدنا دوما هنا معك ومع كل المشاركين .

    شكرا لك على دعوتك الرقيقة .

    لك التحية والتقدير .
    ودي .....
    //عندما تشتد المواقف الأشداء هم المستمرون//

  8. #58
    عضو غير مفعل
    تاريخ التسجيل : Dec 2006
    المشاركات : 23
    المواضيع : 2
    الردود : 23
    المعدل اليومي : 0.00

    افتراضي

    خلاص يبقي نخلي العمل ده للندوه

    مع ان نار الحب تلمسني تحرقني
    مع ان اهه قلب تسكني تملكني
    لكنني مصمم اعيش الحياه
    وارفض ياقلبي يوم تسجني
    ******************
    مشكلتي الحب من غير حدود
    مشكلتي طبعي اللي باني السدود
    بيني ومابين كل القلوب
    مشكلتي لازم افك القيود
    ****************
    مشكلتي لازم اغير حياتي
    مشكلتي لازم ابني لذاتي
    صرح جديد بدم جديد
    واغير نفسي بكل سماتي
    *****************
    مشكلتي مين راح يوم يساعدني
    من حيره قلب ونار بتاكلني
    مين راح يجعل تاني حياتي
    زي ما كانت يوم تسعدني
    *****************
    وحدي الطريق انا شايفه محال
    وتبقي الجنه في عيني اهوال
    محتاج لصديق .. يحميني حقيق
    ويملا عليا حياتي جمال
    ******************
    ادعوك يارب ارجوك ترعاني
    ارضي عليا بلاش تنساني
    ابقي معايا وكون جوايا
    واهديني لراحة بال واحشاني
    ****************

  9. #59
    عضو غير مفعل
    تاريخ التسجيل : Dec 2006
    المشاركات : 12
    المواضيع : 2
    الردود : 12
    المعدل اليومي : 0.00

    افتراضي

    السلام عليكم أهل الواحه الكرام
    تحيه خاصه لك د/ فوزى على مجهوداتك الطيبه
    والف شكر على دعوتك الكريمه
    اسمحوا لى ان اضع مشاركتى هذه للندوه
    أنا شاعر
    انا شاعر ونفسى يااااه
    فى مدينه تساع الكل
    وأفلاطون واخد منى مفاتحها
    ملضّمها كعقد الفل
    وشايف من بعيد نورها
    برغم الضل
    نهار بيلوح
    انا شاعر وعامل من حكاياتى
    سفينة نوح
    ومالك جوا كلماتى وحروفها
    نواصى البوح
    ألملمها وأنظمها
    وأنثرها وأبعثرها
    عبير ع الكل
    وين ما تروح
    تعالى معايا يالا قوام
    واتمسك بمجدافى
    وأرمى الحزن والالام
    ورا ينبوع أمل صافى
    وخلينا نشوف بكره
    عيون صاحيه
    ومش هتنام
    غير امّا ترجع الانغام
    فرح هيهل
    ويتلاشى أنين النوح
    تعالى نقوم نصحى الليل
    ونغزل عشقنا مواويل
    على السمره ام خصر نحيل
    فى توب أخضر وطرحه تل
    وخطاويها جنان ودوح
    على ضفاف الامل ...والنيل
    سلاسل فضه دى وللا ياناس تراتيل
    لنجم الليل
    بيتوضى فى نسيم الطل
    وتسابيحه ترد الروح
    خيال شاعرماهوش تهويل
    ولا تضليل
    دى احلامنا ودى قلوبنا هدى ودليل
    بكلمة حب هنداوى جريح وعليل
    وكلمة حق تفلق النهار م الليل
    نقولها امام حاكم جائر
    مادام بالصدق, ونجاهر
    وقاصدينه كريم قادر
    رحيم عدله ده فوق الكل
    عليم بالنيه قبل البوح

  10. #60
    عضو غير مفعل
    تاريخ التسجيل : Dec 2006
    المشاركات : 12
    المواضيع : 2
    الردود : 12
    المعدل اليومي : 0.00

    افتراضي

    وتقبلوا منى هذه المشاركه للمسابقه حاولت ان اسلط فيها الضوء على بعض سلبيات مجتمعنا
    احباط
    ف بيتنا قاعد انا وهاطق
    اياكشى حتى تتطـــــــــربق
    ما لهمشىعندى ايها حق
    من يوم ماخنقوا انفاس حُرّ
    يادنيا جيت لك بحياتــــى
    بالحب فارد درعاتــــــى
    لوحتى هاعمل قرداتى
    لابد هاوصل فيكى لبرّ
    تعليم وعشت انا فيه رحال
    محاسبه وادارة اعمال
    وكل ده والبخت اهو مال
    لا فيه عمل ولامال بيشُّرّ
    قعدت احسب غنماتى
    شبابى ويّا شهاداتـــى
    لفيت انادى واهاتـــى
    ورجعت حلقى علقم مُرّ
    بعد الجنيه ما غرق او عام
    وخصخصة المـــال العــام
    بقت الوظيفه من الاحلام
    وقالت البطاله ياشر اشترّ
    قالولى ف البيزنس فكــــــر
    تزرع سطوح البيت اخضر
    مشروع صغيّر و هيكبر
    وينشلك ياحبيبى م الفقــــــر
    وفين ياناس البيت ده بجــــد
    وشقة امى يادوب ع القـــــد
    وسطوح عماره مايطلعه حد
    الا لتركــيب دش اكـــــــبر
    قالولى ف الصحرا اشترى ارض
    صندوق شباب قدّم على قــــرض
    بس الروتين ف بلادنا ده فرض
    و قفايا للعيش بيقمــّـــــــر
    عبد الروتين لاحلامى دمـّر
    عايز ضمان م القرض اكبر
    وامضاءات ضامنين واكثر
    ورشتين بجراءه وامُــّـــــر
    يامجتمع لروتينك عبــــــد
    واقف فى وش الاحلام سد
    هتنسفه هنوصل للمجـــــد
    خلى الكون بشبابه يعمر
    عايده العشرى

صفحة 6 من 10 الأولىالأولى 12345678910 الأخيرةالأخيرة

المواضيع المتشابهه

  1. الموضوع رقم 1000 فى قاعة الادب الشعبى - ومن العشق ماقتل
    بواسطة د. فوزى أبو دنيا في المنتدى أَدَبُ العَامِيَّة العَرَبِيَّةِ
    مشاركات: 8
    آخر مشاركة: 29-04-2007, 09:53 AM
  2. حوارات الادب الشعبى - لقاء مع احد الادباء
    بواسطة د. فوزى أبو دنيا في المنتدى أَدَبُ العَامِيَّة العَرَبِيَّةِ
    مشاركات: 18
    آخر مشاركة: 08-01-2007, 07:16 PM
  3. افكار تطوير قاعة الادب الشعبى - نرجو المشاركة من الجميع
    بواسطة د. فوزى أبو دنيا في المنتدى أَدَبُ العَامِيَّة العَرَبِيَّةِ
    مشاركات: 53
    آخر مشاركة: 11-12-2006, 03:11 PM
  4. هام للغاية
    بواسطة ابن فلسطين في المنتدى الروَاقُ
    مشاركات: 8
    آخر مشاركة: 14-04-2003, 08:36 AM
  5. تحذير هام فايروسات جديده مهم للغاية
    بواسطة نسرين في المنتدى عُلُومٌ وَتِّقْنِيَةٌ
    مشاركات: 1
    آخر مشاركة: 25-01-2003, 02:10 AM