أحدث المشاركات
صفحة 1 من 6 123456 الأخيرةالأخيرة
النتائج 1 إلى 10 من 56

الموضوع: ضربوا المربوط..... شعر/ مصطفى الجزار

  1. #1
    الصورة الرمزية مصطفى الجزار شاعر
    تاريخ التسجيل : Dec 2006
    الدولة : مصر.
    العمر : 42
    المشاركات : 3,077
    المواضيع : 149
    الردود : 3077
    المعدل اليومي : 0.62

    Arrow ضربوا المربوط..... شعر/ مصطفى الجزار

    ضربوا المربوط

    ضربوا المربوط
    لاجل يخوّفوا كل السايبين
    وعشان يزرعوا جوّانا سؤال
    ونْقولُه بْهمس لْبعضينا:
    ( يا ترى هيدُور الدور على مين؟! )
    والبَنِي آدمين..
    ف وطنّا العربي بَقُومْ فريقين:
    فيه ناس شايفين لكن ساكتين !!
    وفي ناس ساكتين لكن شايفين !!
    والسرّ ف بِير الخوف محطوووووووط..
    ضربوا المربوط
    والسايب..
    أصله ما هوش سايب
    دا السايب أخيَب م الخايب
    علشان بيعلّق أحلامُه في الحبل المفكوك الدايب
    ومْصدَّق إنُّه خلاص موجود
    رغم انُّه بَقَالُه زمان غايب
    ومكتِّف نفسُه بْوَهم كبير
    ويقول انا عندي ظروف وضغووووووووووط..
    ضربوا المربوط
    والضربة ما هيّاش بالساهِل
    الضربة اني ألاقي عدوّي
    بِيقطَّع من لحم أخويا
    وانا اسقَّف وأقول: "يستاهِل"
    وساعتها..
    أبقى أنا القاتل
    وانسى ان أخويا اسمُه "أخويا"
    حتى لو كان بيني وبينُه في الظاهر خلافات ومشاكل
    دا أخويا من لحمي ودمّي
    وِرْثي من ابويا ومن أمّي
    أقرب من صاحبي وْوَاد عمّي
    فما بالَك بعدوّي وخصمي
    يدبحُه قُدّامي واكون مبسوط ؟؟!!!
    ضربوا المربوط
    وف يوم العيد..
    والناس فرحانة وقالعة هموم الدنيا ولابسة جديد ف جديد
    والكل سعيد
    وكأنّ لا فيه.. لا وطن مغصوب
    ولا طفل ف إيدُه سلاح من طوب
    ولا شعب ف وسط النار مصلوب
    ولا فيه ولا عايب ولا معيوب
    ولا حتى حروب
    والدنيا اتعكست بالمقلوب
    وبقينا ف دنيا غير الدنيا
    دنيا مش ظالمة وغشاشه
    السايس..
    بقى هوا الباشا
    فمسكنا همومنا بْكمّاشه
    رميناها ف كراكيب نِسيانّا
    وقعدنا نْبحْلَق ف الشاشه
    بنشوف أفلام من أمريكا
    ونغنّي وْنسمع مزّيكا
    وقناه بتشُوطنا لْرِجْل قناهْ
    و"الشوطه" قويّه يا حول الله
    فرمتْنا بعييييييييييييييييييييييي ييد.......
    على نشرة أخبارنا السودا
    بتصحّي الكون من حوالينا
    ورأينا المشهد بِعنينا
    ومذيع النشرة بيتكلّم
    ويقول بكلام هادي وممطووووووووووط:

    ( شَنَقُوا المربوط....!!!)

    **********

  2. #2
    عضو غير مفعل
    تاريخ التسجيل : Sep 2006
    المشاركات : 1,211
    المواضيع : 28
    الردود : 1211
    المعدل اليومي : 0.24

    افتراضي

    الله الله الله الله الله

    الشاعر الاخ مصطفي جزار

    اكثر من رائع

    دائما تذهلني بطريقتك المميزه في الكتابه والتعبير

    الله يعطيك العافيه

    بارك الله بك وبوالديك

    دمت بخير في حفظ الله ورعايته

    والي الامام

    دمت متألق

  3. #3
    عضو غير مفعل
    تاريخ التسجيل : Nov 2006
    المشاركات : 151
    المواضيع : 21
    الردود : 151
    المعدل اليومي : 0.03

    افتراضي

    اقتباس المشاركة الأصلية كتبت بواسطة مصطفى الجزار مشاهدة المشاركة
    ضربوا المربوط

    ضربوا المربوط
    لاجل يخوّفوا كل السايبين
    وعشان يزرعوا جوّانا سؤال
    ونْقولُه بْهمس لْبعضينا:
    ( يا ترى هيدُور الدور على مين؟! )
    والبَنِي آدمين..
    ف وطنّا العربي بَقُومْ فريقين:
    فيه ناس شايفين لكن ساكتين !!
    وفي ناس ساكتين لكن شايفين !!
    والسرّ ف بِير الخوف محطوووووووط..
    ضربوا المربوط
    والسايب..
    أصله ما هوش سايب
    دا السايب أخيَب م الخايب
    علشان بيعلّق أحلامُه في الحبل المفكوك الدايب
    ومْصدَّق إنُّه خلاص موجود
    رغم انُّه بَقَالُه زمان غايب
    ومكتِّف نفسُه بْوَهم كبير
    ويقول انا عندي ظروف وضغووووووووووط..
    ضربوا المربوط
    والضربة ما هيّاش بالساهِل
    الضربة اني ألاقي عدوّي
    بِيقطَّع من لحم أخويا
    وانا اسقَّف وأقول: "يستاهِل"
    وساعتها..
    أبقى أنا القاتل
    وانسى ان أخويا اسمُه "أخويا"
    حتى لو كان بيني وبينُه في الظاهر خلافات ومشاكل
    دا أخويا من لحمي ودمّي
    وِرْثي من ابويا ومن أمّي
    أقرب من صاحبي وْوَاد عمّي
    فما بالَك بعدوّي وخصمي
    يدبحُه قُدّامي واكون مبسوط ؟؟!!!
    ضربوا المربوط
    وف يوم العيد..
    والناس فرحانة وقالعة هموم الدنيا ولابسة جديد ف جديد
    والكل سعيد
    وكأنّ لا فيه.. لا وطن مغصوب
    ولا طفل ف إيدُه سلاح من طوب
    ولا شعب ف وسط النار مصلوب
    ولا فيه ولا عايب ولا معيوب
    ولا حتى حروب
    والدنيا اتعكست بالمقلوب
    وبقينا ف دنيا غير الدنيا
    دنيا مش ظالمة وغشاشه
    السايس..
    بقى هوا الباشا
    فمسكنا همومنا بْكمّاشه
    رميناها ف كراكيب نِسيانّا
    وقعدنا نْبحْلَق ف الشاشه
    بنشوف أفلام من أمريكا
    ونغنّي وْنسمع مزّيكا
    وقناه بتشُوطنا لْرِجْل قناهْ
    و"الشوطه" قويّه يا حول الله
    فرمتْنا بعييييييييييييييييييييييي ييد.......
    على نشرة أخبارنا السودا
    بتصحّي الكون من حوالينا
    ورأينا المشهد بِعنينا
    ومذيع النشرة بيتكلّم
    ويقول بكلام هادي وممطووووووووووط:

    ( شَنَقُوا المربوط....!!!)

    **********
    مصطفى الجزار
    بتدوس على الجرح ليه

  4. #4
    الصورة الرمزية د. فوزى أبو دنيا عضو غير مفعل
    تاريخ التسجيل : Jan 2006
    الدولة : Misr - Cairo
    العمر : 58
    المشاركات : 1,770
    المواضيع : 120
    الردود : 1770
    المعدل اليومي : 0.33

    افتراضي

    ضربو المربوط على رجلية
    اهو صيت وطلع عليه
    واهو كان خايب
    م العلقة السخنة اهو خد نايب
    والدور على على مين
    على واحد خايب م الخيبين
    مبلول ف الطين
    خايف مهزوز وسط الخيفين
    وكلامنا تقيل
    لكنه جميل
    شايل من جرح القلب اجمل تفسير
    قوم طير ياحمام
    طير اخبارى ف كل مكان
    واكت ع الباب المقفول بقفال
    اهو بكرة يموت السجان
    وهنفتح باب السجن بايدنا
    وهنخرج رمز الحرية
    ونقول ونغنى بحرية
    وتعيش ياكلام
    وتموت يالام
    ضربو المربوط علشان مانام
    نشبع احلام
    ونفوق نلقينا ورق سوليفان
    بنلف الخيبة على الاحزان
    ونشوف الحية ماهيش تعبان
    ياغريب يازمان
    واللا احنا اغراب
    وقعتنا هباب
    من قعر الحلة على اردى كنون
    او اخيب كلمة ف نص كتاب
    تطمط لمليون معنى
    ولاتلقى فيهم معنى
    ملعونة الخيبة اللى تجمعنا

    نص رائع احيك عليه
    تحياتى وتقديرى الدائم
    وتقبل هذه الشخبطة الكيبوردية بصدر رحب

  5. #5
    الصورة الرمزية مصطفى الجزار شاعر
    تاريخ التسجيل : Dec 2006
    الدولة : مصر.
    العمر : 42
    المشاركات : 3,077
    المواضيع : 149
    الردود : 3077
    المعدل اليومي : 0.62

    افتراضي

    اقتباس المشاركة الأصلية كتبت بواسطة نادية حسين مشاهدة المشاركة
    الله الله الله الله الله
    الشاعر الاخ مصطفي جزار
    اكثر من رائع
    دائما تذهلني بطريقتك المميزه في الكتابه والتعبير
    الله يعطيك العافيه
    بارك الله بك وبوالديك
    دمت بخير في حفظ الله ورعايته
    والي الامام
    دمت متألق

    الأخت الكريمة/ نادية حسين (شمس الحرية المتألقة)
    أشكرك على مرورك الكريم، وسعيد بأنك أول من وضع كلماته الرقيقة فوق صفحتى المتواضعة هذه.
    تحياتي وشكري وتقديري

  6. #6
    قلم نشيط
    تاريخ التسجيل : Nov 2006
    الدولة : مصرـ المنصورة
    العمر : 30
    المشاركات : 799
    المواضيع : 45
    الردود : 799
    المعدل اليومي : 0.16

    افتراضي

    لو كلنا نتجمع ع الحق
    ونقولها بصوتنا العالى لا
    والسايب هيشيل البطحه اللى ف راسه
    وهينسى الخوف وارفع راسه
    ويشيل حمل الوطن الغالى
    من غير ما يكل
    ولا منه يمل
    ولا يوم هيقول انا كان مالى
    هنبدد كل الخوف المالى قلوب الناس
    ونرجع حق البلد الضايع
    واكيد هنحرر المربوط
    والظالم بينا اكيد مطرود




    رائعه يا استاذ مصطفى هذه المعانى المؤثر قصائدك من ذهب وكلامك من مرمر
    يارب ينصرنا ويحررنا

  7. #7
    الصورة الرمزية وفاء شوكت خضر أديبة وقاصة
    تاريخ التسجيل : May 2006
    الدولة : موطن الحزن والفقد
    المشاركات : 9,734
    المواضيع : 296
    الردود : 9734
    المعدل اليومي : 1.88

    افتراضي

    أرى في هذا المنتدى الإبداع والهمة والنشاط ..
    بارك بك أخي مصطفى الجزار ، وبكل الهمم النشيطه في منتدى الشعر العامي ..

    ما أجملكم وأنتم تعلون الصوت بالحق .

    لك وللجميع التحية .
    //عندما تشتد المواقف الأشداء هم المستمرون//

  8. #8
    الصورة الرمزية مصطفى الجزار شاعر
    تاريخ التسجيل : Dec 2006
    الدولة : مصر.
    العمر : 42
    المشاركات : 3,077
    المواضيع : 149
    الردود : 3077
    المعدل اليومي : 0.62

    افتراضي

    اقتباس المشاركة الأصلية كتبت بواسطة ابراهيم عباس مشاهدة المشاركة
    مصطفى الجزار
    بتدوس على الجرح ليه
    أخي المبدع/ إبراهيم عباس

    بادوس ع الجرح عشان دي مهمّتي
    ومهمّتك
    ومهمّة كل قلم صادق

    وكما يقولون: (لكل امرئ من اسمه نصيب)، وقد كان لي نصيب من اسمي (الجزار) التقطيع والتشريح.

    تحياتي لك ولمرورك الكريم

  9. #9
    الصورة الرمزية مصطفى الجزار شاعر
    تاريخ التسجيل : Dec 2006
    الدولة : مصر.
    العمر : 42
    المشاركات : 3,077
    المواضيع : 149
    الردود : 3077
    المعدل اليومي : 0.62

    افتراضي

    اقتباس المشاركة الأصلية كتبت بواسطة د. فوزى أبو دنيا مشاهدة المشاركة
    ضربو المربوط على رجلية
    اهو صيت وطلع عليه
    واهو كان خايب
    م العلقة السخنة اهو خد نايب
    والدور على على مين
    على واحد خايب م الخيبين
    مبلول ف الطين
    خايف مهزوز وسط الخيفين
    وكلامنا تقيل
    لكنه جميل
    شايل من جرح القلب اجمل تفسير
    قوم طير ياحمام
    طير اخبارى ف كل مكان
    واكت ع الباب المقفول بقفال
    اهو بكرة يموت السجان
    وهنفتح باب السجن بايدنا
    وهنخرج رمز الحرية
    ونقول ونغنى بحرية
    وتعيش ياكلام
    وتموت يالام
    ضربو المربوط علشان مانام
    نشبع احلام
    ونفوق نلقينا ورق سوليفان
    بنلف الخيبة على الاحزان
    ونشوف الحية ماهيش تعبان
    ياغريب يازمان
    واللا احنا اغراب
    وقعتنا هباب
    من قعر الحلة على اردى كنون
    او اخيب كلمة ف نص كتاب
    تطمط لمليون معنى
    ولاتلقى فيهم معنى
    ملعونة الخيبة اللى تجمعنا
    نص رائع احيك عليه
    تحياتى وتقديرى الدائم
    وتقبل هذه الشخبطة الكيبوردية بصدر رحب

    أخي الحبيب/ د. فوزي أبو دنيا
    هيه دي شخبطة كيبوردية؟؟؟؟؟؟؟؟؟؟
    أمال الشعر يبقى إيه؟؟؟؟؟؟؟؟؟؟
    أنا شايف إن دا تواضع شديد منك وخفض جناح للصغار من أمثالي

    أشكرك على هذه (الشخبطة الإبداعية) وربنا ما يحرمنا منها أبداً

    تحياتي وشكري وتقديري لشخصك الكريم

  10. #10
    الصورة الرمزية مصطفى الجزار شاعر
    تاريخ التسجيل : Dec 2006
    الدولة : مصر.
    العمر : 42
    المشاركات : 3,077
    المواضيع : 149
    الردود : 3077
    المعدل اليومي : 0.62

    افتراضي

    اقتباس المشاركة الأصلية كتبت بواسطة الهام احمد سعد مشاهدة المشاركة
    لو كلنا نتجمع ع الحق
    ونقولها بصوتنا العالى لا
    والسايب هيشيل البطحه اللى ف راسه
    وهينسى الخوف وارفع راسه
    ويشيل حمل الوطن الغالى
    من غير ما يكل
    ولا منه يمل
    ولا يوم هيقول انا كان مالى
    هنبدد كل الخوف المالى قلوب الناس
    ونرجع حق البلد الضايع
    واكيد هنحرر المربوط
    والظالم بينا اكيد مطرود
    رائعه يا استاذ مصطفى هذه المعانى المؤثر قصائدك من ذهب وكلامك من مرمر
    يارب ينصرنا ويحررنا
    الشاعرة الرقيقة/ إلهام أحمد سعد
    أشكرك على هذه الكلمات الرقيقة، وأتمنى لك المزيد من الإبداع والتوفيق.

صفحة 1 من 6 123456 الأخيرةالأخيرة

المواضيع المتشابهه

  1. تهنئة أمريكية.... بعيد الأضحى..!!! شعر/ مصطفى الجزار
    بواسطة مصطفى الجزار في المنتدى الشِّعْرُ الفَصِيحُ
    مشاركات: 51
    آخر مشاركة: 05-11-2011, 09:02 PM
  2. الوطن الحَجَريّ...... شِعر/ مصطفى الجزار
    بواسطة مصطفى الجزار في المنتدى الشِّعْرُ الفَصِيحُ
    مشاركات: 56
    آخر مشاركة: 12-03-2010, 06:22 AM
  3. إنْ تنصروا الله... شِعر/ مصطفى الجزار
    بواسطة مصطفى الجزار في المنتدى الشِّعْرُ الفَصِيحُ
    مشاركات: 26
    آخر مشاركة: 12-09-2008, 01:57 AM
  4. (( القنبلة الموقوتة ))... شعر/ مصطفى الجزار
    بواسطة مصطفى الجزار في المنتدى الشِّعْرُ الفَصِيحُ
    مشاركات: 32
    آخر مشاركة: 08-04-2007, 03:44 PM
  5. مين المربوط ومين السايب؟ - من وحي قصيدة أخي مصطفى الجزار (ضربوا المربوط)
    بواسطة محمد نديم في المنتدى أَدَبُ العَامِيَّة العَرَبِيَّةِ
    مشاركات: 11
    آخر مشاركة: 24-02-2007, 04:24 AM