نصيحة لكل متعكر

نصيحة لكل متعكر ،


وكل حزين

عشان ماتكون

صحيح الجتة متعافى
بقدم لك
فى وصفى كل متجرب
تعا قرب
وشد العُقب مالعلبة
بأمر الشرب
تدخنها بنفس الشكل قبل الأكل
من يومك تلت مرات
ولو هتشطب الكمية
هصرف لك مع التجديد
وماتملش
نصيحة من كتاب مفتوح
بإنك لو تدخنها هتدعى لى
سيجارة تمنع الدوخة
توسع صدرك المكتوم
تنشط فى الحياة دمك
ولا يهمك
وما تصدقش من ماتوا عشان شيشة
ياراجل عيب
دانا شاهد
ولسة فى الكلام جاى لك
سيجارة تفَتّح الشرايين
تمد العمر فينا سنين
تخَرَّج من شايف بقك الملموم
كلام أبيض
نقول تانى؟
سيجارة تطرح البركة فى قلب الرزق
تجيب لك من بعيد الحظ قدامك بقص ولزق
ترجع لك فى ثانية كل متغرب
ومهما يغيب ومهما فى البعيد هيطوف
أكيد ملهوف وهيقرب
وتانى نعيد
سيجارة تقتل الحشرة وضد الفار
تبدل مالأرق نومة
تشد وراها ألف ستار
عشان نختم
نصيحة للى متصاحب على صاحب
معاه داير كلام فى كلام
ومتوجع على صاحبه
وتقلب فى النهاية خصام
قالوها قبلنا مرة
عشان مانويت فى يوم تنصح
من الفجرية للعصرية دوّب له الكلام
أنغام
وقول واحكى
يفوت العصر علق فى الدماغ راحة
مابينا الناس بتتزين بشىء معقول
وطول مالعقل بيزين
وطول القلب مايقولّه طريقك فين
هيرجع لك
دا عمر السكة فى الضلمة مابتريح
ولو يسرح
لابد يعود
ولا يمشى ف طريق مسدود
ولا يمشى ف طريق مسدود

انصح صحبك م الصبح للضهر
انت مديتله لحد العصر ماشى ومقبول
وكلام جميل
كلام خفة
كما سيجارتك بتتباهى على الشفة
وعاملة ف القاعة زفة
عليها كل متعكر بيتكفى
وبيقولك تعيد تانى
ولا يكفا
تقضى الوقت فى مناكفا
كلام ف البرد
لجل القلب مايدفا
تعيد تانى ولايكفا

صدقونا الحزن ليس بايدينا..
لااحد يستطيع ان يتملص منه
انه مخلوق منذ البدء
انه موجود ليكون فينا

والحياة لاتغرس الا الحزن

محبتي
جوتيار

فعلاً نحن نعتاد الحزن دائماً حتى أصبح

جزءاً منا ونحن جزء منه

نعيش لنبحث عن لحظة صفاء

وهمسة وفاء

ونتمسك بأحلامنا البعيدة

وخيوط الشمس الجديدة

علها تكون محملة بسعادة

أو تضيئ قنديلاً نغرسه فى طريقنا

وأيامنا وليالينا المظلمة

متمكن وقدير أخى محمود

سلم البوح ودام الألق

انصح صحبك م الصبح للضهر
انت مديتله لحد العصر ماشى ومقبول
وكلام جميل
كلام خفة
كما سيجارتك بتتباهى على الشفة
وعاملة ف القاعة زفة
عليها كل متعكر بيتكفى
وبيقولك تعيد تانى
ولا يكفا
تقضى الوقت فى مناكفا
كلام ف البرد
لجل القلب مايدفا
تعيد تانى ولايكفا

أستاذنا الجميل
إضافة جميلة شرفت بها

صدقونا الحزن ليس بايدينا..
لااحد يستطيع ان يتملص منه
انه مخلوق منذ البدء
انه موجود ليكون فينا
والحياة لاتغرس الا الحزن
محبتي
جوتيار

جوتيار
إن كان الحزن واقع
فالفيصل فى كيفية التخلص منه
ولمن نلتجىء حينها

فعلاً نحن نعتاد الحزن دائماً حتى أصبح
جزءاً منا ونحن جزء منه
نعيش لنبحث عن لحظة صفاء
وهمسة وفاء
ونتمسك بأحلامنا البعيدة
وخيوط الشمس الجديدة
علها تكون محملة بسعادة
أو تضيئ قنديلاً نغرسه فى طريقنا
وأيامنا وليالينا المظلمة

أستاذة منى
لا تعليق