تخاريف سؤال

على كيف الواد
مستني بيحضن في النبوت
مستني وخايف يفهم
بكره
يموت
لما بيرسم شجرة ورد
ومابتطرحش التوت
*************************
والليل بيتدارى على شط الوجع
خايف يبوح للأولياء
سر البدع
علشان تعود القاهرة
لازم يموت
مليون جدع
*************************
وتفوت على الدايرة
اللي فيها معاد بكاك
تاخد نصيبك
تستنى دورك في الكفن
ويفوت زمن
وتموت كده من غير سؤال
ولا حتى عارف
ايه هيستناك هناك
*************************
فرحان بنفسك والقلم
مفتول كده بحرفين نغم
فاكر رسالتك دي هتوصل للعدم
فاكر بأن الناس هتستنى الغرام
والناس خلاص
ماعادتش تنطق غير نعم
*************************
لفيت بدور في البيوت
وببص في المترو
ما يمكن تتوجد
وبقت كده زي الحيتان
الميتة لما بتوصل للشطوط
لكني حالف من زمن
أني على اديكي هاموت

شعر محمد كارم
15/1/2007

أحسنت أيها الشاعر الفنان/ محمد كارم

لديك حسّ شعري رائع، وصور رائقة.

دام لنا قلمك.

اهلا بك بعد غياب استاذ محمد
عدت ومعك تحفة فنية رائعة
للتثبيت عند اول تغير للتثبيتات الموجودة
لجمال هذا التناول
نعم

	على كيف الواد مستني بيحضن في النبوت مستني وخايف يفهم بكره يموت لما بيرسم شجرة ورد ومابتطرحش التوت ************************* والليل بيتدارى على شط الوجع خايف يبوح للأولياء سر البدع علشان تعود القاهرة لازم يموت مليون جدع ************************* وتفوت على الدايرة اللي فيها معاد بكاك تاخد نصيبك تستنى دورك في الكفن ويفوت زمن وتموت كده من غير سؤال ولا حتى عارف ايه هيستناك هناك ************************* فرحان بنفسك والقلم مفتول كده بحرفين نغم فاكر رسالتك دي هتوصل للعدم فاكر بأن الناس هتستنى الغرام والناس خلاص ماعادتش تنطق غير نعم ************************* لفيت بدور في البيوت وببص في المترو ما يمكن تتوجد وبقت كده زي الحيتان الميتة لما بتوصل للشطوط لكني حالف من زمن أني على اديكي هاموت شعر محمد كارم 15/1/2007 '' هنا يكمن ش ا ع ر محمد تحياتى " حاولت ان أقتبس أحلى الكلمات فلم أجد أحلاها" لأننى وجدت النص مجمله جميل ولذا اخترت النص كلله لأنه أعجبتنى كلماته " تحياتى "

رائعة هذه الكلمات بسيطة ولكنها تحمل معان رائعة
احيك على هذا العمل الرائع
ونتمنى المزيد

انت فين ياعمنا

مستنيين اعمالك
تحياتى لك

قصيدة أكثر من رائعة
صور وتراكيب مختلفة
واحساس صادق
وموسيقى واضحة.
عمل له كل مقومات النجاح.
أشكرك جداً على ما أمتعتنا به هنا.

الشاعر محمد كارم
كعهدى بك ...
خطوات كلماتك تنبت الخير أينما حلت
مع تقديرى