لا جديد مع هذا الجفاف الذي أصاب مناهل الشعر عندي
فعسى أن يروقكم القديم.
الله على دنيا هـواهـــا تغـيّرْ
..............مـن بعــد هــبّ السـعـد هـبّت كئيبه
والله على عـينٍ بالليل تســـهر
..............تبكي رفاق الأمس وصـحـبه نجــيبه
خـلاّن ما يغيبون في الموت الأحمر
.............خـوّه،شهامه ،صدق، كــــرمٍ وطـيبه
من عـقب فرقاهم زمـــــاني تكدّر
.............كنّي غرقت وغبت في غــبّة قـــليبه
أو صرت مثل اللي طريحٍ مكســــّر
.............طايح بوسط القوم جروحه عــــطيبه
حسافة رفيق الدرب بالهرج مظهر
.............ولا بغيت الفعل فعاله عــجــــــــيبه
ونا خويٍّ له في كل مـعـســـــر
............يامــــــا شربت المر ويشرب عـذيبه
ان كان خــلّي اليوم فـيّ تشـــطّر
............وش عاد بعد اليوم أنا ارتجــــي به
ولا لزمه الحق قام وتنكّـــــــر
.............مــايل عن الجادة ويرقى صــعــــيبه
ياحيف حين يقول باللوم تخســـر
...........ويدق سلف المور تسمع صــخــــــيبه
هذا أنا ويّاه في وســـــط بندر
...........يا كيف لو كنّا في صحرا مهـــــــــيبه
أببعد لجل يبقى والبعد أخـــير
............والكل في دنياه يواجه نصــــــيبه
ون مــــــالت الأيام خطوه تعثّر
............بوقــــــف معـــــه وآتيه،آتي بطبيبه
عسى السعد دربه في كلّ معــــبر
............وعسى مزون الخير بأرضه صـــــبيبه