وإيه يعني ؟!!!
وإيه يعني الطريق طوِّل
م أنا قولتلكوا م الأول طريقنا طويل
وقولنا الصبر بيـنَوِِّل
وبكرة الدنيا تتحول بصبر جميـل
وطول ما الحلم لسه صديق
وقلبـك زي قلبي جـريء
يطول بينا الطريق ويضيق
مسير الشمس بكرة تميل
وتـرمي نورهـا ودفاهـا
ونحلم حلم وياها يبل الريق
ويجمعني بأحبابي وأصحابي
وكل إللي بيسمعـــني
وأعيش وياكو من تاني
ونمشي السكة ونعاني
ومهما الدنيا تنساني ومهمــا الحلم يخدعني
لا يمكن اتوه فـ أحزاني ومش هصرخ بأه ياني
لكني بكل وجداني هقول تاني
وإيه يعني؟!!