قصاقيص ورق

قصاقيص ورق متبعترين
على ارض ايام الغرق
فيهم حكاوى
المجروحين
حزن وانين
على باب عذابك ياسنين
وسهم عدى ف الضمير
واما مرق.....
بركان غضب
فيا اتنفض
وطريق طويل
وف اخره ليل
وكلام كتير مابين وبين
وغيم كائيب مالى السحاب
ومضلمة فوقنا السما
ودمعة حايرة جوه عين
احزان كتير بتضمنا
وتلمنا قصاقيص ورق
**************
قلبى اللى شابى ع الشراقى
ومعادشى لاقى
عطشان للحظه من حنين
وصبرى سرسبته انين
فعيون غربالك ياسنين
مقدرش يجى يلمنى
و يشدنى
لبر الامان
ودموع طوفان
ماليه البراح
وبحر عادم ميته
الملح فيه بيموته
وريقنا ناشف م العطش
وقلب وافى لكن حزين
على دمع عين المجروحين
اه من عذابك ياسنين
لما نلم ف عمرنا
يضيع مننا
قصاقيص ورق
*************
حروف كلامنا
بعتروه
حروف حزينه ودبلانين
وبيحرقوه
ويقولو دى اصل الفتن
وبان دا كلام جبان
وبانه خان
وبانه بايعك ياوطن
والف شاهد يسنده
وياكده بان هراء
وانه لعنه وانه داق
وانه كان اصل الفراق......
ما بين الشمس والقمر
و زعل الليل م النهار
هواللى خلى الحب...
.............م الكره غار... (غيرة)
ويفتحوله ميت كرار
والف غار..... (مغارة)
كل الشموع
ساعتها دغرى تنطفى
ويعلقو ميت مشنقة
ويدقه له مليون صليب
ويقوله فيه مليون دليل
على انه خان
وانه كان
ف الدنيا اكبر العبان
ويبقى جوه كل قلب محرقة
والف صوت لما اتزنق
تلقاه زعق
ارجوكو قبل ماتحرقوه
خلوه كما
قصاقيص ورق

يا عم فوزي فهمانين
فبلاش تقوُّس ع الكلام
( غيره )(ومغارة )
زي زقزقة عصفور
أو قول هديل الحمام
أنا من طعم الغُني
في غاية الإنسجام
مستمتع بنار الورق
سرحان في دنيا الغرام
فجأة اكتشفت
من كتر حبي للقصايد
قلبي أنا اللي اتحرق

دكتور...

دائما تتحفنا بنصوصك ذات اللغة البسيطة و التي تتناغم فيها الموسيقى الدفيئة ومما لاشك فيه انها تستطيع باقل جهد ان حقق الروءية المنشودة...

دمت بخير
محبتي لك
جوتيار

الحبيب د فوزي
رائع كما دائما
ذكرتني بمسرحية لفيروز إسمها ناس من ورق
تقول في أغنيتها
قصقص ورق ساويهن ناس
قصقص ورق على اسم الناس
سمّيهن بأساميهن
حاكيهن تيصيروا ناس
.
لك كل الحب
وأسمى التحيات

	"لقصاقيصك " التحية والله هنا وجدت الجمال والشعر يا شاعر . د. فوزى كلمة بينى وبينك " امسك الخشب " صباحك ورد

أنا قلبي كان وردة بنداها مفتحة
ومن اللي شافو م البشر ...قلبي اتحرق.
وبقيت في وش الريح بتعوي في الخلا
وسط الخراب ...حبة غبار
والحلم طار فوق الدروب
(قصاقيص ورق)
الله عليك يا قلم جميل
يا (بو دنيا) حلوة مزهزه
ترسم وجع بالكلمة وتلون وجع
الله عليك ياقلم أصيل
تفتح بيبان الليل لفجر بأرضنا
وبوش هلّْ تقول عريس
فرحان وبهجة عيد سعيد
ف عيلة حلوة تلمنا
ولشمس تيجي تضمنا
وف حضن دفيان من شفقْ
نمسك قلمنا ودمنا فيه الكلامْ
والقلب هو المحبرة
والفن إمتا يضمنا
دي قلوبنا سبحة مبحترة.
نكتب عهود الحب أزجال من حنين
نهمس كلام الفن ولآخر رمق.




دمت مبدعا أخي الحبيب.
سامح خربشاتي الكيبوردية
أخوك النديم

حروف كلامنا
بعتروه
حروف حزينه ودبلانين
وبيحرقوه
ويقولو دى اصل الفتن
وبان دا كلام جبان
وبانه خان
وبانه بايعك ياوطن
والف شاهد يسنده
وياكده بان هراء
وانه لعنه وانه داق
وانه كان اصل الفراق......
ما بين الشمس والقمر
و زعل الليل م النهار
هواللى خلى الحب...
.............م الكره غار... (غيرة)
ويفتحوله ميت كرار
والف غار..... (مغارة)
كل الشموع
ساعتها دغرى تنطفى
ويعلقو ميت مشنقة
ويدقه له مليون صليب
ويقوله فيه مليون دليل
على انه خان
وانه كان
ف الدنيا اكبر العبان
ويبقى جوه كل قلب محرقة
والف صوت لما اتزنق
تلقاه زعق
ارجوكو قبل ماتحرقوه
خلوه كما
قصاقيص ورق

العزيز د.فوزي
كلما قرأت لك عجزت عن الرد لأنك دائماً بأسلوبك المميز تأخذنا إلي دنيا من صنعك ولا ضير فأنت أبو دنيا.
فقط أرت أن أعبر عن اعجابي وتضامني ولو بقصقوصة.
وأعود إلي دنيا نصك المميز
حبي وتقديري

يا عم فوزي فهمانين
فبلاش تقوُّس ع الكلام
( غيره )(ومغارة )
زي زقزقة عصفور
أو قول هديل الحمام
أنا من طعم الغُني
في غاية الإنسجام
مستمتع بنار الورق
سرحان في دنيا الغرام
فجأة اكتشفت
من كتر حبي للقصايد
قلبي أنا اللي اتحرق

الشربينى خطاب
تخطفنى لجذورى فى الارض السمراء وطيبة الفلاح المصرى الاصيل
محبتى وتقديرى لك

قصاقيص ورق وكل قصقوصة قصة
.....
.....
....
و... راجعلك يا عمنا ولو بقصقوصة
محبتي
شاهين

صوت الوطن
كل الحب والمودة فى انتظارك دوما

دكتور...
دائما تتحفنا بنصوصك ذات اللغة البسيطة و التي تتناغم فيها الموسيقى الدفيئة ومما لاشك فيه انها تستطيع باقل جهد ان حقق الروءية المنشودة...
دمت بخير
محبتي لك
جوتيار

فارس النقد فى قاعة الادب الشعبى
محبتى وتقديرى