عاشق وطن

عاشق وطن
سابق خطاوي الزمن والوقت يسرقني
والـعمر هو التمن يجري ويسبقني
عاشق تراب الوطن امتى هايعشقـني
أنا ابنه ولا لقاني جنب باب جــامع ؟
ولا في قلبه المدامع بحر غـــرقني
***
بحب أسمع جحا لما بيـحكي لي
قصة أمل مفرحه تمحي عذاب ويلي
واليأس ذي الرحى يطحن مواويــلي
وباحب شمس الضحى لو حتى تحرقني
***
أنا اللي لما الأمل قفل لي شبــاكة
قلت الفراق محتمل ووقعت في شباكه
دلوقتي إيه العمل مش قادر أنساكوا
ياللي في هواكوا مرار الصبر دوقني
***
مشتاق لصوت الأدان والنسمة والمَيْـه
ولأسمي فوق الحيطان ولكف بإيديَّ
ولحضن أمي وهي عليَّ بتسمـــي
مشتاق لقلبي الجرئ وصديق يصدقني

النص من ديوان تلكيكة

صدقنى يا أسامة كل اللى قراك صدّق
احنا جميعا بيجمعنا هنا خندق
واحد ، مافيش حد منّا إلا جواه حلم
لكن من الصعب يلقى الحلم متحقق !

سابق خطاوي الزمن والوقت يسرقني
والـعمر هو التمن يجري ويسبقني
"ويا لمن سبق عقلُه زمنَه"
تحياتى.........
....... وائل القويسنى

أستاذ وائل
أشكرك للمرور الكريم
وأرجو دوام التواصل
وأعتذر لك على تأخر الرد

شعر جميل وجرس حزين يحرك المشاعر.
تحياتي لك أخي أسامة وتمنياتي لك بالتألق الدائم.

أشكرك يا سارة لمرورك الكريم
والتعقيب الجميل
تقديري وإحترامي لك على الدوام

صدقنى يا أسامة كل اللى قراك صدّق
احنا جميعا بيجمعنا هنا خندق
واحد ، مافيش حد منّا إلا جواه حلم
لكن من الصعب يلقى الحلم متحقق !

أستاذي الكريم
والشاعر المبدع أستاذ / سيد الموجي
دائماً تسعدني بمشاركاتك الشعرية الجميلة
أسعدك الله كما أسعدتني