أحدث المشاركات
النتائج 1 إلى 3 من 3

الموضوع: دستور الدساتير 00!!؟

  1. #1
    في ذمة الله
    تاريخ التسجيل : Nov 2006
    العمر : 71
    المشاركات : 674
    المواضيع : 101
    الردود : 674
    المعدل اليومي : 0.14

    افتراضي دستور الدساتير 00!!؟

    دستورالدساتير

    سبب فساد الغابة
    دستور شريعة الغاب
    فرضاه ملوك الديابة
    يالبطش والإرهاب
    قطعان وعايشه غلابة
    هايبه قطع الرِّقَاب
    والحل إيه ياجماعة
    لوتعرفوا الأسباب
    منكم ناخد مشورة
    واللِّي استشار
    ما خاب
    ****
    رأي ونال الموافقة
    قاله الحكيم أبو ناب
    نعمل نظام ودولة
    ومؤئسسة واحزاب
    تحكمنا سلطة ذاتية
    مش وحش م الاغراب
    تبقي الأمور متداولة
    بمجلس عموم نواب
    خدوا م البشر عبرة
    وعيشوا بقي احباب
    نقل الخبر والبشري
    هدهد ومعاه غراب
    ****
    قال الحكيم واتوصي
    نعمل حكومة أونطا
    وزارة من غير سلطة
    تعمل إدارة وخطه
    لعبة وتلات ورقات
    ****
    ونجيب لها وزرا
    كم فار مكار و قطة
    وأرنب عنده زغطه
    بيمشي كما الخواجات
    ****
    ولكل وزير أورطة
    ومكتب كبير ويافطه
    وكيس كبيرو شنطه
    يلموا فيها الإتوات
    وكرسي حديد بدور
    وفاكس و تليفونات
    ****
    ونكلِّفها بمهمه
    تشرف بصفة عامة
    علي إنتحاب الأمة
    وتحل الإشكلات
    *****
    تحضر آخر جلسة
    في البرلمان خلسة
    تنخنس رزي عرسة
    وتوزع البركات
    *****
    لزقوا علي الأشجار
    منشور كبير وبيان
    اللي ماصادش فريسة
    من كام يوم وجعان
    فتحوا باب المنافسة
    علي مقعد الحيوان
    مشهور بكرسي العرسة
    أبو شمخة وهليمان
    ****
    هربت تعالب خايبة
    وقطيع من الخرفان
    وديابة مزعوره خايفه
    من اللي جري وكان
    عركة وها تبقي حاميَّه
    الفايز فيها خسران
    بين فار سنانه غارزة
    في ديل القط الجبان
    وقرد ضوافره كابشه
    فرعين من الأغصان
    مع أسد نيابه بارزة
    م اللّي جري غضبان
    ****
    زحفت حيَّة سامَّه
    مع ضفدعه وتعبان
    صحوُّا البهايم النايمة
    بصوت بغبغان غلبان
    شاعوا ف الغابة كذبة
    قال إيه حصلت زمان
    قرد ضحك علي لبوة
    راكبها كما الحصان
    وفار عربيد وسكري
    بيسرق أكل الجيران
    وأسد ظبطوه ف خلوة
    مع فاره كان سهران
    ****
    من نهش السيرة لحمة
    صاب القطيع هيجان
    طلبوا مناظره حرة
    في سهرة وتكون أمان
    علي ضوء قمر وخضرة
    يحكمها أبو قردان
    مسموح لكل عضو
    يشرح ويقول بيان
    ****
    قال الأسد بمناورة
    خد لك راجع وعيرة
    ساعة ما تيجي تختار
    دنا برضه ملك الغابة
    حامي العرين والغار
    سلطان ولي مهابة
    يا ما قالوا فينا أشعار
    وحنيِّن قوي ع الغلابة
    حتى أسألوا الحمار
    ****
    القرد خطب وقال
    طول عمرنا احباب
    ومهما عليت وكبرت
    أصلي عنكم ما غاب
    أنا جدي أصله غول
    رمز لعهود إرهاب
    وابويا نسناس عجوز
    ساكن في خص غاب
    بيسرح يلعب يوماتي
    من غير قميص ألعاب
    ****
    بنيت نفسي عصامي
    وسرقت عش الغراب
    لو وقفتي جنبي
    ونجحت في الإنتخاب
    أنا أطلع شجر عالي
    بسهولة من غير عذاب
    أجيب لكم جوز هند
    وموز وعيش وكباب
    ****
    وقف الفار المكار
    ف الخطبة قال أسرار
    فَتشْ عيوب الغابة
    وزوُّد في العيَّار
    قال إحنا قد الخلايق
    ملايين كتير ف جحار
    دا غير ملاين بتدرس
    في معامل الشطَّار
    ضمنين مكسبنا بكره
    وفوزنا ف الإختبار
    واللِّي ناوي يعادينا
    ها نلَّعب في عبه فار
    جدي ميكي الأمريكي
    وحش مرعب جبَّار
    ****
    ما تغروكوش القوة
    ماهو كل أسد فتوة
    ف عرينه كم لبوة حلوة
    لابد لهم في الدار
    ****
    والقرد ابو شقلباظ
    اهبل وعقله طار
    في ضهرة حته حمره
    عريانه لعيون اشرار
    إزاي نختاره قدوة
    يا ادي الفضيحة والعار
    دققوا وانتوا بتختاروا
    قبل ما تخدوا قرار00!!

  2. #2
    الصورة الرمزية د. فوزى أبو دنيا عضو غير مفعل
    تاريخ التسجيل : Jan 2006
    الدولة : Misr - Cairo
    العمر : 58
    المشاركات : 1,770
    المواضيع : 120
    الردود : 1770
    المعدل اليومي : 0.34

    افتراضي


    فلول الساحرة تتجمع
    حدا الفرعون
    ف طبقة زار
    ينادى الحاجب المكار
    وهو مدارى خلف ستار
    " دستور ياسياااااااد"
    وتبدا جلسة الاوغاد
    تكتب ليحة العُباد
    صيغ اعمال
    ترص الحرف جنب الحرف
    متلزق على الاوراق
    بايد فساق
    دا يخبلنا
    ودا يهبلنا
    ودا معمول
    عشان يبعدنا عن دينا
    يجننا
    ودا سحر وكله ولاء
    ودا لعبادة الفرعون
    مابين الحاء وبين الباء
    ودا معمول ف طوق خناق
    عسس براق
    مانيش لاقى عصى موسى
    عشان دا الداء

  3. #3
    الصورة الرمزية وائل محمد القويسنى شاعر
    تاريخ التسجيل : Jan 2007
    الدولة : المنصورة
    المشاركات : 1,987
    المواضيع : 33
    الردود : 1987
    المعدل اليومي : 0.41

    افتراضي

    إللى هايكسب فيهم حتما
    بكره العجله عليه هاتدور
    وان ما عملشى.......
    .... هانغيره زى الدستور
    .. تحياتى............
    ........ وائل القويسنى

المواضيع المتشابهه

  1. دستور يا بلدنا دستور
    بواسطة جمعة عبد العال في المنتدى أَدَبُ العَامِيَّة العَرَبِيَّةِ
    مشاركات: 6
    آخر مشاركة: 12-02-2014, 01:44 PM
  2. دستور يا سيدي ... دستور
    بواسطة أحمد عيسى في المنتدى القِصَّةُ وَالمَسْرَحِيَّةُ
    مشاركات: 7
    آخر مشاركة: 20-12-2012, 09:36 PM
  3. قصيدة : دستور يا أسيادنا دستور
    بواسطة د هاني ابوالفتوح في المنتدى أَدَبُ العَامِيَّة العَرَبِيَّةِ
    مشاركات: 2
    آخر مشاركة: 29-07-2012, 11:46 AM
  4. دستور يا اسيادى دستور..
    بواسطة يحيى زكريا في المنتدى أَدَبُ العَامِيَّة العَرَبِيَّةِ
    مشاركات: 7
    آخر مشاركة: 07-04-2007, 08:10 PM
  5. دستور عراقي تكتبهُ غزال
    بواسطة حورية البحر في المنتدى النَّثْرُ الأَدَبِيُّ
    مشاركات: 3
    آخر مشاركة: 31-10-2005, 10:07 PM