أنا باعشق سمار الأرض
وباعشق حتى شوك الورد
وباعشق.....كل مافيكِ
لوابعد... قلبي يناجيكِ
بأجمل معنى في كلامي
وباحلم لو ألاقيكِ
واسمع صوت سواقيكِ
عشقتك
عشقت حكاويكِ
لو أقدر أغني غناويكِ
لاسمَّع حتى طوب الأرض
واسمعهم
يقولولك:
تعيشي يا مصر
ساعتها...لا الغربة تجرحني
ولا غيرك يفرحني
مهو انتِ حبيبتي يا بهية
بازفِّك
والطرب فيَّ
مأصَّل زي أجدادي
هييجي بعدي أولادي
يدوقوا سلسبيل نيلك
يغنولك:
تعيشي لينا ياامايا
ونعشق كل ما فيكِ
مأمون