أنا قلت ايه يا بلد

أنا قلت ايه يا بلد
والله عليه العوض
فى الحكم لما يهون
ويمسكه المجنون
بسنين من غير عدد
والله عليه العوض

وبلدنا من غير ناس
فيها عبيد تنداس
تحلم بلقمة عيش
ما هى كلها حرافيش
وتجيب منين الولد
والله عليه العوض

مين قال دى مصر النيل
أُم التاريخ موصول
مين قال دى مصر النور
فيها الحجارة تثور
لو يوم حاكمها اتعبد
والله عليه العوض

ليه الإرادة خلاص
راحت مع الإخلاص
ليه الكلام مكسور
يطلع ذليل بالدور
غابة وحاكمها أسد
والله عليه العوض

يا بلاد عيشتها سواد
بتموت فى الاستعباد
عايشين ومش عايشين
وخسرتوا دنيا ودين
لازمتها ايه يا بلد
والله عليه العوض

ايه معنى كلمة حق
معناها قولة لأ
فى وش أى جبان
متخفي بالسلطان
وفاكرها ليه للأبد
والله عليه العوض

ايه معنى كلمة موت
معناها فى الملكوت
غاية الجبان بندامه
قدر الجرئ بكرامه
ميموتش فيه غير جسد
اخترتوا ايه يا بلد

ابكى وبكينا يا مصرى
على كلمة ضايعة وعشق فانى
على دمعة فايرة فى ارض اجدادى
بتنمى دايما عشقى لبلادى
********
اسكت وسكتنا يا مصرى
عن كلمة الحق الضايعة
اصرخ وسمع اخواتى
إن الأمان ميجيش بفلوس
وعيب علينا الدنيا اادى
*******
اصرخ وفوقنا يا مصرى
واحنا معاك هنقول لأه
ومعاك هنحارب الحكم السادى
دى مصر الخير والقوت واللون
دى مصر هيه الدنيا اادى
وده كان اختيارى .

الأديب ....محمد
أعجبنى ما نثرته هنا
تقبل مرورى
دمت بخير
مرمر

الأخ الكريم الفاضل شاهين
مور على اختصاره بالغ الروعة
بالغ الشكر والتقدير لاعجابك سيدى

الأخت القديرة مروة
يالك من نصيفة للفكر والخاطر
تحيتى لابداعك

الشاعر محمد الزغبى
اهلا بك بين اقرانك بالواحة
اتمنى لك تواجد فاعل ودائم معنا

تحياتى

بالغ الشكر والتقدير أخى الكريم د. فوزى
وتواجدى بالواحة أمر فرضته دواعى الانتماء لتلك النخبة
شكرا جزيلا