شيَّال هموم 00 الإهداء إلي الشاعران أحمد إبراهيم ونبيل مصيلحي

شيَّال هموم

يا نبيل يا بن مصيلحي
اجمل مافيك حبك ليَّا
يا رب يديم لي حبك
يفضل يطير كده حواليَّا
****
شيَّال من ضمن الشيالين
وبشيل هموم ناس طيبين
عايشين علي شمال الحياة
ف الآخرة من أهل اليمين
****
ع النده جاهز أشيل لهم
بلوي ومصيبة جت عليهم
لو سبتهم مش تبقي عيبة
أمال مين غيري ها يدلهم
أسند إيديهم ع الطريق
علي كتفي واكتاف بعضهم
****
لو سبتهم شوف كم غريق
يغرقوا في بحر ملوش قرار
والرحلة دايماً تحتاج ونس
يلاقوه ساعة الألم و المرار
أحن عليهم م الأخ الشقيق
****
يا ريت يا صاحبي
تساعدني
وتشيل معايا بقلب سليم
شفت اللي قبلك
دخل يشيل م السوق
حبة حمول
أخوك أحمد أبو إبراهيم
مع إن شايل ف قلبه
حبة هموم
رمي حموله علي ربه
ودخل يشيل م السوق
ولا همه تعب قلبه
ما بين الناس الطيبين
يروح همة
من دعوي صالحة يا صاحبي
يطيب و يروق

أحلف برب الشعر والشعرا إنك جواد وأصيل
جاهز في كل لحظه تقيد القلوب قناديل
تشيل هموم الغلابة للمجروحين بتميل
تسقي العطاشا العاشقين حكمتك مواويل
يا [ نيل ] يخليك لنا ع الدوام هدى وخليل
........
أشكرك على الإهداء الرائع البديع

انت قد اختارت بالفعل كبار شعراء القاعه
وارجو الا تكون هذه مصيده الصياد
فاختيارك للكلمات والسرد فى العمل جاء كالطعم
والبديل للرد على هذا بكلمة شكر والسلام عليكم
والا قد يحدث مالا يحمد عقباه

والاهم من ذلك كله انت لم تعبث بالادوات المساعدة فى اطار النصوص فخرج النص طبيعى
وهذا امر اصبح مستغرب عليك بعد ماتسببت فيه فى ردودك الاخيرة من ضهور الصفحات بشكل مشوه وكانك قد زرعت فيرس الكترونى فيها

لادرى ماذا ورائك هذه الايام ياعمنا ... اصبحت تسبب لى هاجس بخولى للتوقيع خلفك

ههههههههههههههههههههههههه ه
دمت بمحبة وود
ومن قمت بالكتابه لهم فهم اهل لما كتبت عنهم من قدر وقيمة
محبتى للجميع

أجمل شىء هنا
أنك تكتب
وتهدى عملك
للراقيين
نبيل مصيلحى
وأحمد ابراهيم
لأنك
إنساااان
تحياتى

	وانا معدي لقيت سقف الكلام ضلل وسايعنا وقلب طيب كبير حانن وسايع نا مديت بطرف العين ولمحت قول اسمي هز الكلام جتتي السهم اهو ف جسمي اتاري حلو الكلام من بق شربيني كاتب كلام محترم وبقلبه سايعنا +++++++++++++ أخي الشربيني خطاب لقيت اسمي مكتوب قلت ابص اتاريه كلام م القلب وانا مش قده ياعم شكرا ياجميل احمد ابراهيم