كاس اللذة

الملف الشخصي · 03-04-2007, 03:53 AM

للاستماع فقط إضغط عرض

كاس اللذة

طعم الدنيا

الباقي على لسانك

بيعلم قلبك

يشرب مع ذاتك كاس اللذة

و يمِز بروحك

فيطير العقل

و يخلي إيديك

تعمل خيالات

ع الحيط

فار.. أرنب..

كلب..حمار..

..جايز تعلب

أو إنسان..ممسوخ

أو واحد

بتنط عليه الكف التانية..شمالك

و تفك ملامحُُه خمس شمعات

مَطفية

و الدنيا

لو مسكت إيدك مش حتسيبها

حتشدك ليها

و حتاخدك..لفوق

لأ..لفوق

لأ....

.........وقعت

تِفُوق

حتلاقي الدنيا

ما سابتش ف كفك

غير ريحة ما بين

سبابتك ..و الوسطي

حتنفر قلبك منها

تغسل إيدك..

..تسبيح

و تعطر فوقها

برفان الحكمة

و تضيع طعم الدنيا

الباقي

على طرف لسانك

بلبان الذكر

و تهادي الذات ..و الروح

حلويات القلب

ما القلب إتعلم

إنه يفل اللــــــــذة

.....باللــــــــذة

محمود سامي

2004

الملف الشخصي · 03-04-2007, 07:50 PM

اخى الحبيب

د/ محمود سامى

اهلا بك فى الواحة
ارجو لك تواجد سعيد بيننا

مرحبا .. مرحبا

الملف الشخصي · 03-04-2007, 07:57 PM

التواجد الصوتى من الامور التى كنا نود تفعيلها فى قاعة الشعبى

فشكرا لك على هذا التواجد الصوتى

تقبل تقديرى وودى

الملف الشخصي · 03-04-2007, 11:55 PM

محمود سامى...
نصك جميل وفيه حكمة ما
بس الدنيا جميلة مش وحشة أوى
ومبتوقعش كتيييييير
والمداخلة الصوتية جميلة مووووت
أعتقد بتوضح أكثر فكرة صاحبها فى رؤيتة للنص فيستقبلها القارئ بشكل جيد
لكَ تحياتى

الملف الشخصي · 04-04-2007, 12:01 AM

محمود سامى
نص متفرد ...
ما أجمل البصيرة .. عندما تجلوه التجربة ... فترى .. تخوض بحور العرفان .. تنجلى الحقيقة ...
حس صوفى رائق ... و مكابدة طريق و فيض شاعرى من ثمار الروح
اتمنى أن أقرأ لك المزيد ... لأستزيد
مع تقديرى و مودتى

الملف الشخصي · 04-04-2007, 12:45 AM

الأستاذ الفاضل / د0 محمود سامي
أهلا بك في سرب الواحة

نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

لو عينك شايفة
بكره ومش خايفه
من فقد القوت
تلاقيك بالراحة
روحك مرتاحة
ساعة ما تموت

بعد الشر عنك
القافية تحكم

الملف الشخصي · 04-04-2007, 01:35 PM

اهلا بك في الواحة الخضراء..

واه بهذا الفيض الجميل منذ البدء...

محبتي وتقديري
جوتيار

الملف الشخصي · 05-04-2007, 03:02 AM

للتثبيت المرة القادمة

الملف الشخصي · 05-04-2007, 11:38 AM

د/ محمود سامى
اهلا بك فى الواحة
ارجو لك تواجد سعيد بيننا

أنا فعلا سعيد بوجودي بينكم يا د.فوزي

للتثبيت المرة القادمة

لو الكلام ده عن النص الجاي
فأرجوك سيبها لظروفها
لو النص يستاهل تثبيت و يبقى تجربة مفيدة للزملاء يثبت و إن لم يكن فأرجوك لا تكسب نصا لي أكثر ما يستحق........و كلماتك دي دخلتني ف حيرة أحط أي نص ...بجد صعبتها عليا

الملف الشخصي · 05-04-2007, 11:44 AM

المشاركة الأصلية كتبت بواسطة نهى شعبان

محمود سامى...
نصك جميل وفيه حكمة ما
بس الدنيا جميلة مش وحشة أوى
ومبتوقعش كتيييييير

لعل الحكمة الما تكون واضحة
و لم أقل إن الدنيا وحشة أوي لكنها وحشة بما فيه الكفاية

والمداخلة الصوتية جميلة مووووت
أعتقد بتوضح أكثر فكرة صاحبها فى رؤيتة للنص فيستقبلها القارئ بشكل جيد
لكَ تحياتى

و أتمنى أن يفعلها كل المنتدى لأن متعة السماع مع القراءة أضعاف متعة القراءة وحدها

تحياتي
محمود سامي

الموضوع: كاس اللذة

أدوات الموضوع

بحث في الموضوع

عرض

تماثيل إسكندرية
كاس اللذة
خزي