ثلاث قصائد ـ سيد حجاب ـ د0 يسري العوب ـ محمد كشيك ـ

سبع كاسات
شعر : سيد حجاب
( 1 )
بشرب لوحدي ف قهوة وسط التلج
صوت الساعات ع الحيطة
زي الفاس
وفي الهوا دخانه الأنفاس
وأنا لوحدي00
وحيد وسط الخلق
حزين حزين00
من الأساس للراس
محني كأني
اله نسوة الناس
نسوة 000في لحظة ما خلقهم خلق
( 2 )
الغربة بتعلِّم00
الغربة فوق الجلد
00 فوق القلب 00
00 بتعلِّم !
وأنا هنا إتعلمت أكل التلج
00 أكل النار
أنا اللِّي كنت فاكرني متعلِّم
أكلت حتى الطعم في السنَّار

( 3 )
عطشان وعطشي 000
جرس نحاس وسواس00
يا ساقي هات الكاس
باشرب00
يا ريت بنسي المرارة
واتعسك يا نحاس
انعس أنا 000
وتصلصل الأجراس
" آه يا جرس 00
إخرسْ وبطل زنْ
وقف دقْ 00
حرم رنْ 00
أحسن تصحي بصوتك الحراس 00
وسنابك الأفراس
وأنداس !!
"[/COLOR]
[COLOR=
"darkred]( 4 )[/COLOR]

إندستْ 00
00 رفسوني العسس ف الشقْ
باندقْ بالكلاليب 00
في حضن صليب 00
باندقْ بالواقف يا هوه 00 والعرض 00
أيدي الشمال في الغرب 00
و الإيد اليمين في الشرق00
ولا رجلي واصله
جدرها في الأرض
ولا راسي واصله
للسما السابعة مقر الحقْ

[/COLOR]
( 5 )
صرخت زي الديب
في قلبي ولاَّ
في الخلا يا صريخ
حامي ودامي
وطامي مثل الطلقْ
كما نار في طرطيف سيخ
النار بتحرقني 00
00 بتوهبني بكارة الخلق ْ
باصليِّ للنار 00والوليد الجاي في طي الغيب
صلاه بسيطة زى كلمة لاَّ
صلاه جريحة
مثل صرخة ديب
وحيد في وسط التلج

( 6 )

المركب المربوط جوار الشط00 شال و اتحطْ
الريح يميل ويشيل
وهو قتيل 00
في حضن الشطْ
شربت سادس كاس 00
حليت قلوعي 00
وطرت زى النسر
وسط البطْ
( 7 )

البحر ماله قرار
ولا للسم آخر
بانسى مرار الصبر والصَّبار
الخوف علي الصفين بيتاخر
بانسي السلام الكلاب
بنطق جقْ 00
باحضن جدور الصخر والأشجار
نوارة جوه القلب بتطقطقْ
وزهرة وسط التلج حمرا00دم
التلج بيدوب السحاب بيضيع
باغرق في حضن وسيع
باضحك بملو الفم 00!

ـــــــــــــــــــــــــ ــــــــــــــــــــــــ
دوُّخيني يا لمونه
شعر: د0يسري العزب
لففيني في كل ناحية
من جهاتك دوَّريني
في زاواياكي العفية والرقيقة زوَّريني
كل دنياكي الشقية والبريئة دوَّقيني
طعم تعذيبك في قلبي
زى شهد النجل خالص
بس لدع النحل قارص
وانتي بتشديني ليكي
وتبعيني
ليه يا حلوة تبعديني
ليه بتاخديني لشفايفك
ما تسيبيني
ليه تعديني البواخر
في عيونك
رجعيني
يا حراس الشوق 00
يا وطن 00
نزِّليني فوق شطوطك
00 نزِّليني
ولاَّ اقول لك
يا حبيبتي دوَّخيني
يا لمونة دوَّخيني
علِّميني العوم في بحرك
00 مرجَّحيني
وإن جناحي حب يغرق
يا لمونه إرفعيني
آه يا خوفي 00
تكوني ناوية
يا لمونة تغرَّقيني
أصل لسه صغار يا حلوة
لسه مكتوب فوق جبيني
أفضل أهبل ْ
عمري ما أكبرْ
عمري ما أتنيِّل وأعقَّلْ
عمري ما أعرف
أمتي موج الشوق
يا خدني
يا حرَّاس الشوق خديني
لسه مكتوب فوق جبيني
ـ رغم علمي بالمسائل ـ
في المسائل دي
ـ يا نور عيني ـ باتوه
باكشف في لحظة
إني برضه الاُّولاني
باكشف في لحظة
إني ضلْ فاني
باجري زى النحلة
علي الضي اللِّي جاني
هاجري زى النحلة
ع الضي اللِّي جاني
شالله يحرقني شعاعك
يرضه ها جري
هاجري وأرجع
وأرجع أجري
داانت يا فرسي فجري
لسه جاذبني شعاعك
اللي فات مني عشانك
واللي عاش
واللي جاي ليَّ
واللي واللي واللي واللي
كنت باستناكي هلِّي
لسه باستناكي هلِّي
كوني شمسي
وكوني ضلَِّي
انت كل العمر وأكتر لو يكون في العمر أكتر
انت أغلي أنت أكبر
انت أول سكني
وانت النهاية
ثروتي انت
وأجمل شيء معايا
يبقي ليه أعقل
ودِّيني لأفضل أهبل
ها فضل أهبلْْ
أعشقك ألفْ بيكي
كل ناحية من جهاتك
يا مراسي الشوق يا إنت
شجعيني 00 كبَّريني 00
دوَّريني 00 دوَّقيني
دوَّخيني يا لمونه دوَّخيني
ـــــــــــــــــــــــــ ــــــــــــــــ
الـنــقــــوش
شعر : محمد كشيك
طالعة لي م لجمالية
ولاَّ طالعة منين ؟!!
أنا عابد النداهين
وانت زى الهداهد
تجري في البساتين
وأنا الإمام الزاهد
باسرح وراكي لآخرالمشاوير
عصفور حزين
ومعاه عصافير مستنين
في أي صورة لتهلِّي
دانا كنت قاب قسوين
من قلب لحظة تجلّي
يا مجننة العاقلين
يا هل تري إنتِ مين؟
من جناني البحر
أم إنسيَّه
أم إنتي حلمي الحزبن
ظاهرة ومخفيَّة
ولاَّ إنتي حلم
في رؤية كابوسيَّة
أم وردة سوده
منبته ع النيل
ولاَّ انتي صورة
في بهو فرعوني
أم نقش مرسوم
أيفل لتماثيل
أم جنة غرقانة
من المقاتيل
ولاَّ انتي حاجة
جميلة في الدنيا
ما لهاش مثيل
إنسيَّة أم جنيَّة
أم كنتي أُمنيَّة
في معبد جميل
أم كنتي وهم جماعة
م المساطيل
ولاَّ انتي كاس الخمرة
ولاَّ الغواية
ولاَّ انتي حرف القراية
في نقشة الفراعين
*****
و بتظهري لي منين
من النحيب ام غنوة التهنين
أم من حليب مرضعة
أم في سباق الهجين
أو عالم الأقنعة
يا بنت تايهةوحيدة وصغيَّرة
يا كبيرة 00 يا مفرَّعة
يا مقِّسماني اتنين
وتلاته 00 أو أربعه
في زحمة الميادين
يا هل تري انتي اللي متعلَّقه
فانوس في حي الحسين
أم انتي 00 دُكْانَه
بتبيع كتب 00 وعطور
أم انتي في المنقد شوية بخور
نجمة جميلة وحيدة سهرانة
قاعدة هناك وسط غيم
ولاَّ انتي طقلة يتيمة من بهتيم
عمالة تبكي وأم متشحتفة
علي ولاد في الحبس
نايمين مع المظاليم
ولاَّ انتي تمثال جبس
عمال بيتململ في عمق القالب
ولاَّ انتي غيط من كروم
مليان افاعي وتعالب
أم انتي " عبدة"
من زمان الحريم
محظية للسلاطين
يتبدلوا فيك " الهدية "
يا هل تري 00
انتي مجرد وهم
أم انتي ملموس
ولاَّ انتي حاجة قديمة منسيَّة
مالكيش جذور أو هوية 00!!
أو / كم ْ مهمل في الطريق
00 نرميه
يا هل تري
انتي إيه ولاَّ إيه ؟
انتي انعكاس الميَّة
أم نفحة إلهية
مخفية في الوراق
أو / أصل للأشياء
ولاَّ انتي حنيَّة 00!!؟
ساكنة في قلب الغاب
جاية من الفلاحين
مش واضحة بين الضباب
ولا َّظاهرة في الملايين ؟
ولاَّ انتي واحدة حزينة
ـ مقهورة ـ
هربانة من المجانين
أم دوَّارة الطحين
في قلب الفصول 00!!؟
ـ هل أنتي دول ـ
ولاَّ دول 000؟
يا موقَّفه الدنيا
و محرَّكة البندول
بتطلعيي لي منين ؟
عارفه طريقك فين؟
أم تايهه وسط المجرة
ولاَّ انتي مش دريانة 00!!؟
هل انتي متكتفة ـ مسجونة ـ
أم حرَّة 00!!؟
وضدي ولاَّ معانا
ـ صفيح مصدِّي ـ 00!!؟
أم انتي في الأصل درة
محتاجة إيد عرقانة00!!؟
*****
ما يهمنيش انتي مين
أو حتى جايه منين
انتي اللي بحلم بيها طول الأبد
يا منُّورة البساتين
بغني تحت الهدد
انتي اللي باقية وكلهم ماشين
ومهما كانت عتمة بتنُّوري
في سكتك رايحين
بنشيب نكبرـ إنما بتصغري ـ
طالعة علي قدام
ولا يوم بتتتقهقري
ما هو أنتي شيخة للجميع 00
مهما يفتوا ـ كناسة الجرابيع
وانتي كل الفصول
وانتي زهر الربيع
كل الهوي والغرام
والدمع والابتسام
ومهما يطمع فيكي
حد في يوم من الأرازل
أو ولاد اللئام
في غمضة راح تكنسهم الأعصاير
ما هو انتي أصل الحياة
وفي العيدان العصير
وانتي طوق النجاة
وانتي برضه المصير
وانتي بحري ومداه
وانتي فجر الضمير
ر

الأديب الجميل والانسان الأجمل
الأستاذ /
شربينى
الشكر لك سيدى على هذه الأعمال التى أضاءت الصفحة للأساتذة الشعراء
سيد حجاب
محمد كشيك
وصديق الأدباء المحبوب
د. يسرى العزب
تحياتى لرقتك أيها الأديب
ولاختياراتك الجميلة جمال شخصك

ياعمنا الشربينى
الابداع ليس فقط فى ان تقول شعر
وانما اختيار تقديم الجميل منه له جمال اخر وابداع اخر ,هو ابداع الاختيار للجميل منه
وانت ابدعت فى الاختيار
مودتى ومحبتى لك

نعم الإختيار ..
سلمت أخي / الشربيني
خالص تحياتي
نبيل مصيلحي