إهداء
إلى المتكلسين فوق أنفاسنا و مش عاوزين يرحلوا
طول عمرى و كرهى
سابق كل مشاعر قلبى إليك
علمني أحبك سيدنا البيك
خرج من جيبك
لقمة عيش
أو حرر شيك
البطن جعانه
والنفس جبانه
رعباها إيديك
علمنى أحبك سيدنا البيك
من أول يوم
و الحال معدوم
وغدانا الويل
وعشانا الصوم
من أول يوم
و السجن عنيك
علمنى أحبك سيدناالبيك
أنا راجل آه
شنباتى طوال
و فى بيتى عيال
لكن شغال
حنه لرجليك
علمنى أحبك سيدنا البيك
من أول ليل
شديت الحيل
و نويت الموت
مديت الإيد
أخنق رقابيك
أتارينى بموت
وبصحصح فيك
يا ما نفسى أحبك سيدنا البيك
علمنى أحبك سيدنا البيك