حبيبى عالحصان
عايزاك تحمينى
وبحبك تحينى
ودراعك يكون ليا
سند يقوينى
عايزه أما أقول اه
عيونك تداوينى
عايزاك تكون ليا
بسمه تملى عليا
الدنيا من حواليا
فرح وهنا
عايزاك تكون الشىء
اللى علشانه بكون
عايزاك تكون النور
اللى منور على طول
عايزاك تكون حياه
مافى ذيها
عايزاك تكون دنيا
وأنا امتلكتها
عايزه لو حد نادى
وقال انت يادا
نقول بصوت واحد
احنا بالحب ساده
احنا هانخلى العالم
بحبنا قدام
احنا بالحب نقوى
ونكون دايما تمام
عايزه حبك حبيبى
يلازمنى وانا صاحيه
وف حلمى لما أنام
عارف بحلم بايه
بحلم بيك عالحصان
جاى وبتقول ايه
هاخطفك مهما كان
وانا ساعتها بكون
ذى الطير المجنون
من فرحه يغنى يقول
وأنا وياك على طول
وبادعى الحب يدوم
وليه العمر يطول
وأنا وياك على طول
وانا وياك على طول
وانت تقولى تعالى
بس الحصان كان عالى
وانت ياحبيبى ياغالى
مديتلى ايدك وقولت
حطى ايدك فى ايدى
وهانبقى فى العلالى
ولما مسكت ايدى
كان قلبى فيها
وعينى دخلت عينك
وعليك ماقدرت أخبى
حبى ولانار قلبى
وحكيت على كل حاجه
وبكيت
وعينك كانت تبكى
وفجأه
وصلنا لبحر كبير
وفجأه
لقينا عش جميل
وفجأه
لقينانفسنا لوحدنا
مع بعضنا
ولقينا الموج حضنا وضمنا
ودخلنا عشنا
وولعنا كل شموعه بنور حبنا
ونادتنى ياحبيبتى
قولت نعم ياحبيبى
قولتلى انتى رفيقتى
قولت--- وانت حبيبى
وفجأه
ليك شدتنى
وللدنيا نستنى
وشوفت صورتى ف عينك
وساكنه جواننك
ولقيتك بتبصلى
وبحبك حسستنى
ولقيتنى بقولك
حبيبى وحشتنى
مشتاقه ليك حبيبى
حبيبى ضمنى
وفجأه
ومن غير كلام
لقيت كل حاجه بقت خلاص ضلام
وأتارى انا كنت بحلم
والحلم كان طويل
وأتارى أنا كنت نايمه
نايمه على السرير
ولقيته بينادونى
ومن حضنك خطفونى
وكتير بكت عيونى
ليه صحتونى
أنا كنت مع حبيب
قلبى ونور عيونى
كان نفسى الحلم يكمل
وأشوف ايه منتهاه
كان نفسى أضل ف حضنك
وحبك يبقى الحياه
كان نفسى حبيبى تشيلنى
تلففنى عشنا
كان نفسى أمد ايدى
الاقى ايدك حبيبى
تاخدنى تضمنى
كان نفسى حبيبى بيتى
يكون هو عشك
كان نفسى حبيبى سريرى
يكون جوا رمشك
كان نفسى يكون حقيقه
ما اقولش دا حلم كان
ونفسى كل دقيقه
أكون معاك كمان
لكن غصب عنى
دى حكمة الزمان
لازم حبيبى ندوق كل اللى داقوه الفرسان
بس اوعى فى يوم
تنسى الحلم دا
خليه ذكرى جميله
خليه أمل فى الحياه
مش جايز يوم يتحقق
وتجيلى عالحصان
بس اوعى يكون عالى
بخاف وأنا طالعاه
رد مع اقتباس
رسول الله أسألك الشفاعة = وقربا منك يا نهر الوداعة