صابرين عالاسى
وبرضه مش عاجبين
قولنا الجرح اتنسى
مع اننا مش ناسين
رايحين مادين ايدينا
والبسمه ماليه وشوشنا
وهانوطى عالراس نبوسها
قاموا ماشين
قولنا هانبدأ احنا
علشان ترضى تصالحنا
وتكون يعنى مسامحنا
مع انك مزعلنا
ومش احنا الغلطانين
دا انت مشيت وسيبت
البيت وعامل زعلت
علشان فى رأى عارضت
هو مش من حقى
انى أقول لآ
ولا لو عارضتك
يبقى دا غلط
دا الرب قال
اخطأ وتوب
ويوم الحساب
تخف الذنوب
وانت يازوج
انت يازوج
على كلمه بقيت أذنبت
وفيها ايه لو أذنبت
وجيتلك وقولت ندمت
وعلى كتفك بكيت ونمت
تقوم ليه ترد أملى
وليه لتوبتى ما قبلت
أنا كنت فاكره ان قلبك قلب ملاك
وانه لو شافنى جايه
هايحن من سكات
لكن لقيته حنينه
مزروع مكانه شوك
شوك مابين عيونه
والحزن فيهم بان
أنا هارجع تانى بيتنا
وهاكون مستنياك
عايزاك ترجع تانى
بس بشرط حبيبى
ترجع بقلب ملاك
يسامح لو غلط
ويغفر لو تبت
ويفهمنى من السكات
عايزاك ترجع صافى
وندمى يكون كافى لرضاك
عايزه اى وقت عدى
فيه حزن فى الميعاد ده
يجى بعد النهار ده
مليان فرح وهنا
وسرور يضمنا
ياحبيب قلبى
انت وانا