إكبـر شـويـة !
لو بعدنا...
خلاص نصيب ...و بلاش أذيه
إيه هتاخد م الكلام
والظلم فيا ؟
تشكى ليه وتهز صورتى ؟
عيب عليك تجرح كرامتى
عيب عليك ...
هو انت إيه؟ إكبر شويه
*******
إنت بتقول كان أنانى
وكان ظالمنى
وانى عشت معاه حياتى
غصب عنى
طب يا سيدى خلاص أديك
ارتحت منى
روح لحالك
سيبنى
وكفاية اللى بيا
*******
دا الكلام اللى انت قولته
صعب خالص
كله ظلم... وزيف... وكره
وكدب خالص
مش فاكرلى أى حاجة حلوة خالص ؟
ليه بتنكر خيرى؟ ...
ليه بتدوس عليا؟
تشكى ليه وتهز صورتى ؟
عيب عليك تجرح كرامتى
عيب عليك...
هو انت إيه؟ إكبر شويه