دكتور عمر هك>ا وصفتك واعتقد لن يخيب وصفى
جدع وسيم طويل عريض
ماهوش كده زى مريض
بعيون كما البحور تفيض
بالموج تفيض هيه بامال
شعره اجمل م الذهب
وقلبه احمى م اللهب
وعقل سبحان من وهب
فى الاعتدال وفى الكمال
جدع رهيف الشعور نفسه على الدوام تفور
بكل ما يمكن يدور
فى نفس عايشه فى الخيال
عامل من الشعر جناحين
على كل جنب شطرتين
طاير ما تعرفشى لفين
فى الجو والسما المجال
مطرح ما يتنفس يقول
يشعر ويبهر العقول
وفى ميدان الهجو غول
يصول يفتت الجبال
جدع مازال طاهر برىء
وعشان كده دايما جرىء
فى الحق ما يعرف صديق
ولا عدو ولا شىء محال
ما فيش فى قلبه اللى يداريه
كله على لسانه تلاقيه
ويقول كده ف عين السفيه
انته سفيه من غير جدال
جدع ما يعرفش يغش
وبكل ماف قلبه يفش
مش يبقى يضحك لك بوش
وبوش يفتل لك حبال
تحياتى
اسماء محمود