أحدث المشاركات
النتائج 1 إلى 2 من 2

الموضوع: (( مشهد من حفلة خروج على المعاش )) للشاعر / محجوب الجارحي

  1. #1
    الصورة الرمزية شاهين أبوالفتوح قلم مشارك
    تاريخ التسجيل : Nov 2005
    الدولة : بلادي
    المشاركات : 270
    المواضيع : 42
    الردود : 270
    المعدل اليومي : 0.05

    افتراضي (( مشهد من حفلة خروج على المعاش )) للشاعر / محجوب الجارحي

    مشهد من حفلة خروج على المعاش
    للشاعر الأستاذ : محجوب الجارحي

    خارج معاش
    يا خلق هوه ...
    ما بحبهاش الكلمة دي
    ما بحبهاش ...
    ...
    يعني إيه كلمة معاش
    دا انت بالذات اللي عاش
    دا انت غربلت الليالي
    دا انت هننت الأماني
    وإبتسمت لحلم لسه
    ما إبتداش ...
    ...
    وفرشت عمرك عـ الطريق
    الكل عَدى ما همناش
    وياك فهمنا المسألة
    وازاي نهد المشكلة
    ما تهدناش ...
    ...
    ما بحبهاش الكلمة دي
    ما بحبهاش ...
    ...
    يعني إيه كلمة معاش
    دا انت بالذات اللي عاش
    ياما طمنت اللي خايف
    إمتى ضاع الحق قدامك بلاش ...
    ...
    وزرعت قلبك عـ الحدود
    وحصدت لقمة ما كلتهاش
    ووقفت قدام الديابة
    وحرمتهم دم الغلابة
    المطحونين بالإنفتاح
    والإنكماش ...
    ما بحبهاش الكلمة دي ما بحبهاش ...
    ...
    يا خلق هوه .. إيه المعاش
    أنا لسه دوري ما إنتهاش
    يعني أعِد كراسي بيتي
    وَلا أدخَل كل أفكاري
    الجراش ...
    ...
    يا خلق هوه .. إيه المعاش
    أنا ضي روحي ما إنطفاش
    لسه فى الأنفاس أجل
    لسه فيه عزم و أمل
    لسه ف ـ القلب إنتفاضة
    وانتعاش ...
    ...
    خدتوا أحلى عمري قِسط
    ليه بترموا الباقي كاش ..
    ما بحبهاش الكلمة دي
    ما بحبهاش ....

    ....
    الأستاذ محجوب الجارحي
    المحامي
    عضو رابطة الواحة / فرع مصر

  2. #2
    الصورة الرمزية محمد عبد القادر شاعر عامية
    تاريخ التسجيل : Mar 2009
    الدولة : مصر - الأسكندرية
    المشاركات : 1,036
    المواضيع : 32
    الردود : 1036
    المعدل اليومي : 0.27

    افتراضي

    نعم الشاعر
    أستاذ محجوب الجارحى محدش يقدر ينسى كلماته
    أشكرك أستاذى الفاضل شاهين لنقلك إلينا تلك القصيدة الجميلة
    وطلب شخصى بعد إذنك لو حضرتك عندك معلومات عن شاعرنا
    الأستاذ محجوب ياريت تفيدنى بيها
    لأنه مختفى بقاله فترة ومش عارف أى معلومات عنه
    يا ريت تطمنى ,, ولو فى وسيلة إتصال بيه ياريت تفيدنى بيها بردو
    مع خالص الحب والمودة

المواضيع المتشابهه

  1. الفردوس المفقود للشاعر محمد أحمد محجوب ( منقحة ) .
    بواسطة عبدالغني خلف الله في المنتدى مُخْتَارَاتٌ شِعْرِيَّةٌ مُمَيَّزَةٌ
    مشاركات: 3
    آخر مشاركة: 27-12-2010, 10:12 PM
  2. حفلة على غفلة!!
    بواسطة عطا سليمان الطل في المنتدى القِصَّةُ وَالمَسْرَحِيَّةُ
    مشاركات: 1
    آخر مشاركة: 21-03-2010, 12:09 PM
  3. حفلة على غفلة..!!
    بواسطة عطا سليمان الطل في المنتدى القِصَّةُ وَالمَسْرَحِيَّةُ
    مشاركات: 9
    آخر مشاركة: 04-11-2008, 12:59 PM