|
|
طال ليلي "والفؤاد بغربتـه" والشـوق عامـر |
| والعيون اغرورقت بالدمع واضناهـا سَهرهـا |
| طااال..والقلب بهمومه في رجا شوفتك زاخـر |
| يشتكي سود الليالـي كلمـا يذكـر قمرهـا |
| ليل زانته النجوم..! ولااغنته ذيـك الزواهـر |
| مالها قيمه ولو كَثرت .."وما شعشع بدرهـا"!! |
| لاانقضى ليلي..ولا اطفى لهفتي نبـض المحابـر |
| ولا شَفَت نفس المعنّـى عبـرةٍ حـرّى نثرهـا |
| كل ما يغمد سيوف الشوق وطعون الخناجـر |
| يهتني طعن الحِراب ويستلـذّ أعنـف أثرهـا |
| وكل ما زاره أمل يرجيه من باكـر ..لباكـر |
| بكّرَت به نار شوقـه واشعـل غيابـه جمرهـا |
| وكل ما هانت وشفت الغيم..قلت اليوم ماطـر |
| ..لاهَتَن غيمي ولا بلّْ العطش منهـا مطرهـا |
| وكل ما قلت أنسها يا قلب شف لك رقم شاغر |
| انكسر قلبـي علـى قلبـي وكبّلنـي بحرهـا |
| واشتعل همّي وحـرّق وجنتـي دمـع المحاجـر |
| واحترق قلبي وزادت لهفتـي سطـوة كَدرهـا |
| كل يوم يزيد في قلبـي غـرام وشـوق ثايـر |
| لا تذكرت الهنـوف ولا لمـع بـارق ثغرهـا |
| ولا انتثر ليل الجديل وشفت ذاك الشعر طايـر |
| ضعت في ذاك النهار اللي تقسّم فـي شَعَرْهـا |
| آه وا ويلاه يـا عهـدٍ مـع المحبـوب غابـر |
| يوم كانـت جنّـة العاشـق وفردوسه نَحَرهـا |
| يوم تتلالا بعيني دُرّْ والماس وجواهر |
| يوم كانت روضتي زهر وشذى زانه شجرها |
| ويوم كنت بيدّها مفتون ..تطربني الأوامر |
| وكنت "مهما كان" ! يسعدني ويعجبني أمُرها |
| وآه لا لاحت لعيني في نواعسها البشاير |
| آه من نجل العيون..وآه من فتنة حَوَرها |
| آه يا همٍّ تلاعـب بـي بلَـغ حـد الحناجـر |
| وآه يا شوقٍ حرَث صدري وموّت به زهرهـا |
| وآه يا صبرٍ تكسّـر وانهـك الطيـر المهاجـر |
| وآه يـا نـارٍ توقّـد كلمـا ما طـوّل سَفَرهـا |
| وآه يـا وجـدٍ تشرّبتـه دفنّـي بالمقـابـر |
| لا طوى روحي ولا روحي تخلّت عـن قَدَرهـا |
المشاركة الأصلية كتبت بواسطة ماجد الغامدي
