عدســـــــات

بلاش نحلم ونتمنى
ونتحايل على الايام
ترجعنا ف ليله لبعض
هوانا هناك على المدنى
متكفن باوجعنا
وليه ضعنا ... ومين باعنا
ووزع دمنا ساده
وفرق شملنا رحمه
على روحى وعلى روحك
بقينا خلاص انا وانتى
بقايا ذكريات انتين
دانا وانتى وطابور العيش
ولقمه كنا قسمنها
وغمسنها ف افراحنا
وكنا قليلنا راضينه
مدام بكره هيجمعنا
مهش فارقه
ننام والبرد يقرصنا
وايه يعني
هنتدفى باشواقنا
ومش طلبين من الدنيا
لا تضحك ليله ولا تبكى
تسبنا بس على حالنا
رسمنا طريقنا سكتنا
لاهو مفروش غنا والحان
ولا احلامنا ورديه
ولا بصينا ف مرايه
سرقنا حلم ناس تانيه
حسبنا الحسبه ميت مره
وميت مره تغالطيني
وبتقولى
قليلنا كتير قوى علينا
وف عنيكي
شفت قناعه الدنيا
واتارى عنيكي كات عدسات
بتقدر بس تخدعنى
وكل ما عيني تيجي تفوق
تدى قلبي برشامه امان او صبر
وبترصى الامانى ف قبر
جوه ف متحف الدنيا
ودلوقتى بتبكيلي
وتترجيني لو اسامح
قوليلي ازاى انا الاول
اصدق ان دى عنيكي
ومش عدسات

مدام بكره هيجمعنا
مهش فارقه
ننام والبرد يقرصنا
وايه يعني
هنتدفى باشواقنا
>>>>>>>>>>>>>>>>>
عناق
لهذا العزف الجميل
..................
محمد تحية لحرفك المميز
............زز

لا أروع ولاأجمل من ذلك يا صاوى
يسلم قلمك ويصح لسانك وما أروع من قولك
وبترصى الامانى ف قبر
جوه ف متحف الدنيا
ودلوقتى بتبكيلي
وتترجيني لو اسامح
قوليلي ازاى انا الاول
اصدق ان دى عنيكي
ومش عدسات
أنت شاعر جميل يا محمد
وإحساسك عالى
والتجربة الشعرية واضحة تماما
فى هذة القصيدة
انطلق يا صاوى كالصاروخ
وإكتب كل يوم قصيدة
عينى عليك باردة
أخوك
محمد صبحى نصر
أبو مهند
عمرك قصير بس مش دارى
ف عنيك تملى الفرح متدارى
ساكناك مشاعر قوية
لكن لمين هتبوح
ان انت عايش لخلك تفديه ولو بالروح
غرقان ف همك وقلبك ع الطريق مدبوح
كاتب بدمك قصيدة
عنوانها عاشق روح

العزيز محمد
الله يا استاذ محمد
إيش كل هالجمال!!!
جوه ف متحف الدنيا
ودلوقتى بتبكيلي
وتترجيني لو اسامح
قوليلي ازاى انا الاول
اصدق ان دى عنيكي
ومش عدسات
....أاه يا الصدق وينك؟؟؟
...كل الاحترام ياصديقي محمد

الصاوي المبدع..

الحياة لم تعد تسعفنا للمزيد من النواح على من يخون ويغدر/ الحياة اصبحت تطالبنا باتخاذ موقف حازم تجاههم...نصك شفيف بحزن وعتابه.

دمت بخير
محبتي لك
جوتيار
رمضان كريم

مدام بكره هيجمعنا
مهش فارقه
ننام والبرد يقرصنا
وايه يعني
هنتدفى باشواقنا
>>>>>>>>>>>>>>>>>
عناق
لهذا العزف الجميل
..................
محمد تحية لحرفك المميز
............زز

الاخ الفاضل علاء عيسي
كل عام وانت بخير
بمناسبه الشهر الفضيل
ثانيا
كم اشكرك على ردك الجميل
والذى اسعدنى كثيرا
تقبل تحياتي
اخوك المحب
محمد