لسـَّــــــــاكِ مــصــــــــر

لسّاكِ ضحكة بين عيونـَّا منطفتش
لسّاكِ رقـَة مانتهتش
لسّاكِ عود أخضر وبيضلل علينا
لسّاكِ فينا
لسّاكِ زاهية ف كل عصر
لسّاكِ مـــصر
ومابين حواريكى اللى مالياها الزِّحام
يا مدينة النور والسلام
بنلف فيكى ونعشقك ونموت ف خيرك
ونتوه مابين كل السكك
ما نلاقى غيرك
ياام المداين والميدان والمئذنة
والله أكبر ف الصلاة متجمَّعين
ياام الولاد الطيبين
يا بلدنا احنا الغلبانين
مَلّينا دور الفرحانين وقت البكى
قاعدينا بنستنا السما
تشتى هَنا
لكنّ احلامنا الجميلة اتبعرت
راحت سماكى مطرت
ضنك وشقى
ياااااااااامصر ضمينا بقى
خلينا نفرح بيكى مرة ف عمرنا
ياااااااااأمنا
اوعاكى تنسينا ما بين كل الزحام
دحنا الفرح
واحنا الدموع وقت الجراح
واحنا السلاح وقت السلاح
فمتنسيناش
دا عشان عيونك
نبنى ليكى احلى قصر
وعشان عيونك
نجنى ليكى ألف نصر
فمتنسيناش
داحنا اللى بنحبك .......يا مـــصر
***************************************
لفرحتنا بمنتخبنا المصرى والضحكة اللى على عيون كل المصريين
بهدى القصيدة دى لكل مصرى شجع بلده وبيحبها
ويارب تنال اعجابكم

الرائعه الهام ................كل التحيه والاحترام لك وللحبيبه مصر
وكل الشعب الفلسطيني بيغني معاكي......داحنا اللي بنحبك يا مصر

الشاعرة الهام أحييك على هذه القصيدة رياضية المناسبة غرضية الإنتماء ولما كانت الرياضة مجالي فخذي مني هذه الأبيات حضن الحبيب وقبله = ولهيبه ماأشعله! ، وتلا أحاديث الغرام عيونه متأملة ، ومشاعر أقدامها تصل الفؤاد مهرولة ، وكأن أمر الإلتقاء معا أمور معضلة . تحياتي ،دمت بخير .

العزيزة الهام......
لمحة تؤرخ حياة شعب ، وتاريخ بلد ، بلغة انسانية ، تغور في اغوار الواقع العياني وتترصد الحياة فيه ، فترسمه هنا بحروف تخلد في الذاكرة.

دمت بخير
ومبروك لمصر فرحتها الرياضية هذه الايام واتمناها تدوم

محبتي
جوتيار

مبروك لأم الدنيا هذا الفوز الجميل ...

وسلم قلمك يا إلهام لـ هذت القصيدة ولـ هذا الاحساس الماطر ...

لك ودي وتراتيل ورد

الهام العزيزة
عبرتى عن فرحتنا كلنا بجمال حرفك المعهود
دمتى كما انت
وتقبلى فائق تقديرى
واحتراماتى

لساكِ مصر لمسة حنان
لساكِ قلب بينبض بكل شوق وغرام
لساكِ لحظة حب بتجري في الشريان
لساكِ فرحة بتعم كل كيان وكيان
لساكِ مصر شايلة البسمة لشعبك من أبطال شجعان


إلهام أحمد سعد
...

تألقتي بكلمات مست الروح والوجدان بحق
ومبروك لشعب مصر وأبطال مصر فرحتهم
بالفوز المشرف وفخرنا بيهم
دمتِ جميلة
محبتي

لساها مصر بشعبها وجمال وطيبة قلبها وإيمان قلوبنا بربها لساها مصر لساها غنوه عـ الشفايف لساها لهفه للّي خايف لساها ضيّ للي شايف لساها أمّي فـ كل عصر لساها ساكنه فـ الوريد هكتب وهكتب من جديد جايز كلامي يوم يفيد ونكون لها فرحه ونصر مهي أمنا إنتي يـ مصر

وانتي يا إلهام لساكِ مبدعه
وهتفضلي مبدعه

ويارب دايماً من إبداع لإبداع أفضل

وتقبلي المداخله الكيبورديه
السريعه عشان مصر
يا بنت مصر

تحيتي ومودتي

أحمد

معلش الموضوع دا لاااااااااااااااااااااااا زم انه يترفع
فقررت أقوم بالمهمه

تحيتي يا فنانه

موفق بإذن الله ... لك مني أجمل تحية . شـكــ وبارك الله فيك ـــرا لك ... لك مني أجمل تحية .