أحدث المشاركات
النتائج 1 إلى 2 من 2

الموضوع: اهداء لــ/ شفاء سوالمة((* بابا وينك يا أغلى الناس بهل يوم *))

  1. #1
    عضو غير مفعل
    تاريخ التسجيل : Oct 2007
    المشاركات : 804
    المواضيع : 22
    الردود : 804
    المعدل اليومي : 0.18

    افتراضي اهداء لــ/ شفاء سوالمة((* بابا وينك يا أغلى الناس بهل يوم *))



    ((* بابا وينك يا أغلى الناس بهل يوم *))

    اليوم ودعت السنة يا بابا الغالي
    ماشفتك معي ولا قلبك سمع همسي
    برد ليلي يا عيوني وأنت عني غافي
    وينك يا نور عيوني تفرحني وتضمني
    بردانه والدنيا برا كانون يا والدي
    ما شفت لا لحاف ولا ضمه حنوني
    كبرت يا بيي وصرت ع حالي ببكي
    شفت الليل حرامي ع غفلي بيسرقني
    القلب شهق بمسمعك وصاح رغم عني
    وينك لتدفيني يا والدي يا أعز احبابي
    تذكرتك يا بيي لمن كنت تضمني
    وتمسح بكفك وجهي وتقلي آه يا بنتي
    هلا أرتحت من تعب نهاري ويومي,
    وأنا يا بيي مين يلي بدو يريحني
    ويمسح هل دمعة الغافية بعيوني
    بغربتك يا بيي انا من الدفى محرومي
    ببعادك يا بيي عطوني قنديل فتيلو مطفي
    تعال يا حنون وشوف شو صار بحالي
    بغيابك غيوم سودا صارت تمرق قبالي
    ومن عيني عم تشتي هموم الدني
    وينك يا بيي أشتقت لحضنك لتدفيني
    بتذكر كلماتك كنت تقلي
    لك يا بنتي وصيتي ألك بهل دني
    البحر
    عم بيموج
    ع الشط الغريق
    عمرو ماكان الشط
    غامق
    وبحرو غميق
    كنت تقلي ؟لك يا بنتي
    الصبح عم ينجلي
    عنو الحجاب
    وبيفيق معو
    خيط الوعي
    كنت تقلي؟ يا بنتي
    أوعى تتخربطي
    بحق الكلمة الطيبة
    وأوعى تضيعي العنوان
    بيمرق الكون والدهر
    ونحن بنبقا بدرب النسيان

    أخ يا يا بيي شو بتذكر أيامك الحلوة
    لمن كنت تعيط علي ومن بعد ثواني
    بترجع تراضني بكم بوسة وكم كلمي
    أحضني يا بيي وتحت جناحك خبيني
    غمرني بلطف وغنج ودلال وأهمسلي
    قلي بحبك مهما كبرتي يا مولدني
    قلي أنت كل حياتي مهما كبرتي
    قلي أنت الوحيدة بالبيت وأنت شمعتي
    قلي يا بيي مهما بعدتِ عني بتظلي
    أنت عبق الريحان بهل بيت المضوي
    آخ يا بيي خلصت سهرتي بهل ليلي
    وبعدو الدمع بيسغل زاوية عيوني
    سكران قد منو شربان من هم الدني
    عم ينزل عا خدي دوخان من قدري
    مش مشكلة خليه ينزل ويطفي ناري
    هو سكران وعم يطفي جمر السكران ِ

    (على فكرة يا شفاء انا كسولة بالعامية بس بحب اكتبها ارتجالي )

  2. #2

المواضيع المتشابهه

  1. يظنهُ الناس (بابا)
    بواسطة فتون حسين سلمان في المنتدى الشِّعْرُ الفَصِيحُ
    مشاركات: 12
    آخر مشاركة: 16-07-2016, 11:09 PM
  2. يَا غَزَّةُ يَا غَضَبَ اللَّهِ هُبِّي هُبِّي
    بواسطة سالم العلوي في المنتدى الشِّعْرُ الفَصِيحُ
    مشاركات: 20
    آخر مشاركة: 04-08-2014, 02:20 AM
  3. يَا مِصْرُ يَا فَخْرَ العَرَبْ ( بمناسبة فوز مصر بكأس إفريقيا )
    بواسطة محمد سمير السحار في المنتدى الشِّعْرُ الفَصِيحُ
    مشاركات: 12
    آخر مشاركة: 28-06-2008, 03:50 PM
  4. خليج بهل عقل ** قصيدة جديدة**
    بواسطة كنعان محمود قاسم في المنتدى أَدَبُ العَامِيَّة العَرَبِيَّةِ
    مشاركات: 6
    آخر مشاركة: 24-07-2007, 10:16 PM
  5. بس قولي أنتْ وينك ؟!
    بواسطة مينا عبد الله في المنتدى أَدَبُ العَامِيَّة العَرَبِيَّةِ
    مشاركات: 12
    آخر مشاركة: 17-07-2007, 02:35 PM