ياحببتى متجرحيش

ياحببتى بلاش معنده
دا اللى فات .. زى النهارده
الفقير مايروحش طابا
والملك فوق الكتابه
ونفسى اكون لك
واتكونى لى
وهو ده .. حلم الكتابه
نمشى جنب الحيط ..نموت
نمشى جوه الحيط .. نموت
المشكله مش بس قوت
المشكله
يسبونا نحلم .. حتى لو جوه السكوت
تحلمى ان انتى زينا
وانى ليكى هركليز
وف النهايه بردوا موت
بس ده الموت الذيذ
تحلمى ان انتى عبله .. وانى عنتر
بس حسبى
الاهلى واخد كل حاجه
واحنا .. كل شوط نسطر
حطوا احلمنا ف رغيف
وحطوا فوق منها الطحينه
فمش هكون لك هركليز
وانتى مش هتكونى زينا
بس نحلم
حتى لو تهنا ف سفينا
دالسفينه يوم مغرقت
قالوا صدفه
وطنشونا
وفرقونا
وجمعونا .. يوم فضيحة برشلونه
هما احلمه بتكبر
واحنا
احلمنا ف بوغاز
ياحببتى اكسرى لوح القزاز
هتشوفينى .. ع الطبيعه
ياحببتى .. بكره هتفوت السنين
ويموت قبيل .. ويعيش هبيل
ويبدء العمر الجميل
بين شوارع .. فاضيه خالص
وزحمة السلطان حسين
وهتنزلى ف مدان عرابى
وهتنزلى وسط الحسين
وكل خوفى تسألى .. نفس السؤال
هو انت مين ؟
وسعتها اتوه
معرفش مين اصلا انا
يمكن عشان نفسى انا
ويمكن عشان الناس انا
ويمكن عشان تاه حلمنا
او
حلمى انا
ياحببتى عشان بحبك
خدونى من بيتى ابمفيش
لا ضبط ولا احضار وفيش
ورغم كل البهدله
معرفتنيش
ياحببتى
ايه الفرق بينا وبين قريش ؟
خلصت كل الاسئله
مجوبتنيش
سبتينى انادى
وسبتى حلمى ع الرصيف
كل الفصول اتوزعت
بين تلته اول ..وتلته تانى
ولقتنى لسه
ف الخريف
ياحببتى
بين سكوتى وبين سكوتك
ألف صوت
فماتقلبيش حلمى بريموت
واتحطى فيا ميت تبوت
ما كفايه علشانك بكيت
وكفايه
علشانك بموت









اكرم حسن

الله الله الله


راااااااااااااااااااااااا ااااااااااائع ايها الحالــــــــــــــــــــ ــــــــــــــــــــم

السلام عليكم ورحمة الله وبركاته
اخي الحبيب اكرم
اصفق لك هذه المرة
بس ايه موضوع الآلف الزايده هوا انته صعيدي
لغة جميلة سلسة سهلة
جمعت بين المحبوبة الخاصة والمحبوبة العامة وهي البلد او الوطن
تحياتي و للتثبيت ابداعا وتقديرا
تقبل سعدي بإبداعك وجميل بوحك

أخي أكرم حسن أحمد
جميلة جداً ، أنا مش مصري لكن استمتعت بقراءة قصيدتك جداً .
تحيتي لك وأرجو أن أقرأ لك الكثير .

الأخ الفاضل أكرم حسن

قصيدة جميلة معبرة وصادقة

تشف عن شاعرية مبدعة

والظاهر أن حبنا يا أخي دائما من طرف واحد

حتى الأحلام ممنوعة في هذه الأوطان

لك تحياتي .

ملبسايه ..
نبيل مصيلحي

اشكركم جميعا على هذه المجاملات فى حقى

اساس جميل
بناء اكثر من رائع
ابداع امتعتني
ارجوا المزيد
لك كل التحيه والاحترام
مع اجمل با قة ورد


علاء الحكيم

سبتينى انادى
وسبتى حلمى ع الرصيف
كل الفصول اتوزعت
بين تلته اول ..وتلته تانى
ولقتنى لسه
ف الخريف
ياحببتى
بين سكوتى وبين سكوتك
ألف صوت
فماتقلبيش حلمى بريموت
واتحطى فيا ميت تبوت
ما كفايه علشانك بكيت
وكفايه
علشانك بموت
.......

رائع يا أكرم

اخوانى واساتذتى اشكركم جميعا على مشاركتكم لى فى عملى المتواضع