إلى راعى الرعية

	ربنا يطول فى عمرك أنت يا أستاذ علاء زى ما طول فى عمره فينك من زمان يا أستاذ علاء؟؟؟ والله واحشانا الحاجات الحلوة دى عموماً حمد الله ع السلامة وائل القويسنى تحية لك ايها الصديق وفقك الله فى مهامك واعادك الله سالما غانما تحياتى

وبعدين بقى معاك .....................!!

منك لله يا علاء قلبت علينا المواجع!!!


قصيدة في مقتل

للتثبيت إعجابا وتقديرا

الأدب الذي يدخل القلب ويعانق الجرح ، ويجعلك تعيش في فرحة غامرة رغم كل المرارة ورغم كل الحزن الذي خلفته هذه الفوضى التي عبثت بكل شيء حتى وصلت لهذا الرغيف المسكين حامي حمى المفجوعين بواقعهم اللئيم ، هذا الأدب هو ما نبحث عنه ، هذا هو أيها الشاعر الراقي علاء عيسى.

ليت صوتك يصل إلى كل من يهمه الامر .

تقديري واحترامي

الله عليك يا علاء
(جيت ع الجرح) فعلاً.
تقبل كل التحية والتقدير أيها الشاعر المغموس في هموم الناس.

الصديق الشاعر الجميل
وحشتنى والله ياجزار
شكراً حبيبى
أيها العزيز
على زيارتك
والتى لم تعوضنى عن رؤياك
تحياتى

إلى راعى الرعية
السيد / رئيس الجمهورية
شكوى من داخل صفوف رغيف العيش
******************
يا رئيس الجمهورية
كيلنا فاض م العيشة دية
اتفقنا ان انت أب
وانت راعى للرعية
جابو ناس ترعى المصالح
طلعوا ناس بايعة القضية
قول لهم بشويش علينا
قول لهم فيه آخرة جاية
عمرنا مانكون عبيد
والبلد ماهياش وسية
لو يعوزوا يدوخونا
قول لهم الشعب داخ
يفتحوا العشة يلاقونا
هشة وتنام الفراخ
يارئيس بالله عليك
ربنا يعزك كمان
وانت جاى تتعشى فكَُر
نص شعبك نام جعان
سيبنا من سعر الحديد
واللا أسمنت المبانى
نفسنا بس فى معيشة
ليها طعم وشكل تانى
إحنا مش طالبين فلوس
إحنا عايزين الرغيف
ندهنه بريحة غموس
أى حاجة بس ناكل
كنا راضيين بالفلافل
ليه يغلَُو الفول علينا؟
يارئيس إيه دا اللى حاصل ؟!
يارئيس والله استوينا
قول لنا إيه بس ناكله
وفروا لنا حاجة شكله
حتى مش طالبين لحوم
والفراخ مالهاش لزوم
والسمك مالهش عازة
والكبد زى القوانص
رخصوا بس البطاطس
إعتبر شعبك فريق
خد بطولة باسم مصر
إفتكر حاجة لشعبك
إحنا برضه شعب مصر
اللى ياما وقفنا جنبك
ياما قولنالك آمين
ياما شدينا الحزام
كلَلَََه ياريس بأمرك
ربنا يطول فى عمرك
نفسنا نستغنى عنه
فكَُها حبة علينا
والحزام ريحنا منه
البلد نقسمها بينًَنا
حاجة لينا وحاجة ليهم
أى حاجة تبل ريقنا
والبلد مبروك عليهم
يارئيس الجمهورية
كيلنا فاض م العيشة دية
يارئيس الجمهورية
نفسنا ف عيشة هنية
********* ......،،،

أشكرك ع اللفتة دية اللي قالت كل حاجة ع الوحوش المفترية اللي بتحب الخواجة ليه تبيع الشركة دية ليه تبيع كل الأصول أو تسيبهاله هدية واحنا لينا كل غول يشفطوا شوية شوية دمنا ذي المغول والفقير رافع قضية يتحكمله بنص فول اللي نفسه ينول علاجه مش لاقيه بعد العذاب واللا باشا يكون مزاجه يسفف الناس التراب ليه يا رب الورطة ديه كنت ماشي يا ناس في حالي أكتب الشعر في ولية أو في أحوالي وعيالي هلّ شعرك ليه عليه نفسي أعرف إيه جرالي

رسالة من رئيس العامية الى رئيس الجمهورية
كلماتك صادقة تعبر عن بيئتك التي ترعرعت فيها
اتحفتنا بفكرك

تحياتي

جابو ناس ترعى المصالح
طلعوا ناس بايعة القضية

----////----
قد بيع كل شيء أخي عيسى.. حتى تراب أرض كنا نستأنس بها بيعت أطرافها اليوم لحمر الرؤوس وبالتقسيط !
لنا الله كشعوب مورس عليها كل شيء حتى أصحبت تؤنس فئران التجارب، وما عادت هذه الأخيرة تشعر بالوحدة !

شكرا لكل الوعي بالجرح الواحد !
ودمتَ بخير..

ليه كدا يا علاء يا صاحبى
اوعى لتروح فى الكازوزا
اللى مش لاقيين فلافل
ياكلوا كافيار واستاكوزا !
............
الشاعر الجميل / علاء عيسى
واحشنى كلامك يا مصرى يا أصيل
رمضان كريم

وبعدين بقى معاك .....................!!

سيبها لله
يابلبل


تحياتى أيها الجميل