راجع اعشق

انا راجع اعشق من تاني
انا حالف قلبك يهواني
مهما تزيدي قساوه عليا
قلبك برضه هايرجع ليا
وينسي الماضي ويترجاني
ادخل قلبك وانسي زماني
وابدأ دنيا جديده معاه
فيها الفرح ومفيهاش آه
بس كفايه ادوب في هواه
ويملا معايا الدنيا اغاني

*********************

عارف انك صابره عليا
شايله معايا هموم الدنيا
قسوه قلبي وساكته عليها
دمعه عينك قلبي جافيها
لكن قلبك دايب فيا
مهما بعدت يقرب ليا
ياما اتحمل مني آلام
يبني يعلي قصور احلام
جايز ارجع وابدي سلام
يخلق بدل النار حنيه

****************

انا هارجع وهاعيش وياكي
انا شمسي هتشرق في سماكي
وبأدينا هانخلق جنتنا
وفي عنينا هاتكبر فرحتنا
ده انا راجع علشان ارضيكي
مش بايعك والله شاريكي
ده انا نادم علي كل ما فاتنا
وراح نبدأ من تاني حياتنا
واعوضلك ايام فرقتنا
بالحاضر والجاي معاكي

****************

" مهما تزيدي قساوه عليا
قلبك برضه هايرجع ليا
وينسي الماضي ويترجاني "
ياواثــــــــــــــــــــ ــق
" ده انا راجع علشان ارضيكي
مش بايعك والله شاريكي
ده انا نادم علي كل ما فاتنا
وراح نبدأ من تاني حياتنا
واعوضلك ايام فرقتنا
بالحاضر والجاي معاكي"
ليع كده يابو ضحى
حنيت ليه
ههههههههههههههههه
تحياتى
أيها الجميل الطيب

ابو ضحى...

انا هارجع وهاعيش وياكي
انا شمسي هتشرق في سماكي


الامل والحب عنوان جميل لنص يحمل سماتهما

محبتي
جوتيار